كان الله غي عونك عزيزتي

والله حالة زوجك مو أسوأ من حالة زوجي عصبي جدا ويضرب

لكن أنصحك بأن تخلي أبوك يتصرف لأن الأب عز يا أختي فأنا أفتقد الى الأب وأحس ان ما عندي أحد أشكي له وهذا يخلي الزوج يتمادى أكثر فأكثر، خلي والدك حماية وسند اليك

لا تفكري في كلام الناس، هذي حياتك انتي وانتي وابنائك المضررين من هذا العنف، ترى الناس كل شي تتكلم عنه الزين والشين، طنشيهم.

لأن هذه العنف سيولد لدى أبنائك سلوكيات عدوانية في المستقبل وهم ايضا سيتعاملون مع ابنائهم اذا كبروا بالضرب وهذا اللي انا خايفة منه مع عيالي.

زوجي نفسه اعترف لي ان كان يعيش في عنف وكان يتلقى الضرب المبرح من قبل والده وأخوه الأكبر واحنا اللي قاعدين ندفع الثمن انا وابنائي.

حاولي ترضينه على طول ولا تزعلينه أبدا، واذا مثل ما تقولي يقعد من النوم ومزاجه متعكر حاولي تسوي أشياء وحركات من الصبح تروق مزاجه.

الله يعينك ويعيني ويهدي أزواجنا ولا يشمت بنا الأعداء