03-02-2010, 11:47 PM
|
المشاركة الأصلية كتبت بواسطة mr 3nad
خلاص انا اتفقت مع الوالده انها ماتبين حق اي احد عن سبب الانفصال
اتمنى فعلا تكون عند وعدها. لاني اعرف الحريم بس تروح الام تخطب لولدها المطلق يظلوا اهل العروس الجديدة يحلفوها باغلظ الايمان بأن العيب مو من ابنها ؟ بعدين هذا الشي مايحتاج تتفق مع امك عليه المفروض يكون شي مفروغ منه عدم البوح به لاي مخلوق كان خواتك نساء اخوتك خالاتك ربنا يهديك ،، وامس كلمتها وسجلت مكالمتها لمدة 6 دقايق احتيطاً والبنت مصره على انها تسوي العمليه وذكرت انها بتسوي العمليه فالتسجيل واتفقنا على انها فالمحكمة تقول انها ماتتبيني مو قادرة تتقبلني كزوج لها على اني مافضحها ولا اتكلم مع احد من اهلها عن هالموضوع ابد وانا وعدتها اني ماقول حق احد من اهلها بس مهري يرجع لي كامل عين العقل والهدايا براحتها لانها ماتهمني بكرة الساعه 10 بتحضر المحكمه بس مادري شلون بتكون المحكمه فيها احد غير القاضي وانا سألت شخص معاي فالدوام قال تدخل عند القاضي وتقوله ان البنت ماتبيك وانا بدخل وبقوله انا ابيها لكن هي ماتبيني وخلاص ،، ياخوي انت وين عقلك ؟؟؟؟؟؟؟ واحد يجيب البلا لنفسه ؟؟؟؟ معقولة الكلام ده ؟؟؟؟؟ تقول للقاضي بلسانك انت تبيها ؟؟؟؟ الظاهر ماانت عارف اخرة هالكلمة؟؟ تراها بتقلب القصة كلها على راسك انتبه ياخوي انتبه لو حس القاضي ان في قلبك ذرة قبول تجاهها ماراح ينهي الموضوع واحتمال تقول هي للقاضي وانا بعد ابيه مثل ما يبيني وتطور الاحداث خاصة لو مازالت تحبك مثل ماتقول وتنقلب القضية 180 درجة من اول وجديد ولازم تعرف ان القاضي يشدد على كل كلمة وعلى كل حرف يقولو اصحاب القضية خاصة قضايا الطلاق لانها مو لعبة يعني كل حرف محسوب باين عليك طيب ومافي احد يوجهك وكلامك لامك لا قدم ولا اخر والا كان نصحتك بالمفيد المهم قول للقاضي هي ما تبيني وما تحبني واعترفت لي من الاول اننا مو لبعض وانا على هالاساس كرهتها وما ابيها هذا رأيي وياريت يكون عندك دليل على الكلام اللي كانت تقوله لك انها ما تبيك بس ربنا قدر وان شاء الله مايصير الا كل خير متضايق ياااخوان احس انها طفشتني بس علشان تاخذ اللي تحبه حسيت نفسي ثقيل عليها نفسيتي تعبانه مو قادر اكل وللا اداوم وبكره يوم الانفصال وامي تقول تبي تخطب لي من بكره !! صراحة لا تعليق؟ اعتقد بعد ما عرفت سبب الانفصال زاد اصرارها على الخطبة لك لان موقفك نظيف خلاص يعني مافي خوف من التقدم لخطبة بنت جديدة وراسها مرفوع وهذه غلطتك بزلة لسانك واخبارك لها اتحمل نتايجها انا بصراحه مو مفكر ابد فالزواج هاذي الايام ولا الايام الجايه لان اللي صارلي مو سهل ومنصدم : ((((((((((((((((((((((((((((( |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري