زيارتي الخطافية لماليزيا مع اكثر من 100 صورة مع دودي دبدوبي

19-01-2010, 07:03 AM

#11

dodi_dabdoobi

عضو مميز

تاريخ التسجيل: Apr 2006

المشاركات: 2,684

يوم الرحيل يوم الخميس

الحمد لله كنت افكر ان الايام راح تمشي بسرعة و ما نحس فيها لكن الحمد لله استغلينا كل لحظة فيها و استمتعنا كثير و حسيت اني جلست اكثر
كنت اتمنى اني ارجع و القى نفسي حامل و لكن الحمد لله لم يحصل بل شرفت الاخت اخر يوم

هذي الورده على طاولة الاستقبال و زوجي يعمل اجرائات الخروج

و لآخر لحظة اكلنا من اكلهم اللذيذ في المطار اكلنا سمك و بطاطس

و هذي اطلالة المطعم اللي اكلنا فيه السمك

هذي طبعا الطيارة اللي جينا فيها و رايحين عليها كمان

و اخترنا انا و زوجي نفس المقاعد لانها في اخر الطيارة و قريب اعزكم الله من الحمامات و المصلى

و اااااااااه من الوداع هذي صور الرحيل عن ماليزيا الرائعة

و هذي الصور وقت الغروب روعه المنظر

و هذي الصورة عجيبة التقطتها من فوق الصحراء في الجزيرة العربية خلاص لكن شوفو المياه اللي بين القمم سبحان الله شكلها مطرت هنا

سبحان الله

الحمد لله الشاشة والسماعة كانت تشتغل في رحلة العودة و لكن انا كنت مصدعة و ما استخدمتهم

في رحلة الرجوع كان الاكل مو لذيذ

ندمت اني ما استمتعت بالمساج قبل ما اطلع

الطيارة بالرغم انه كان في محل مساج في المطار و لكن ما انتبهنا له الا متأخر كنا ندور على مطعم جيد

********************************

الحمد لله على سلامتنا انا و زوجي وصلنا تقريبا الساعة 8 مساء و توجهنا الى البيت و كانو اهلي عندي:14: و اصرو نروح البحر معاهم

ودعونا و هم في البحر و استقبلونا يبغو يروحو البحر

اختي الصغيرة تترجانا نروح معاهم و تقول كنا نعد الساعات لحد ما رجعنا تقول من غيركم طفشانييييين مرة

انا و زوجي وافقنا نروح ابحر معاهم تحت اصرارهم و لكن رحنا مو فاهمين شي و كاني احلم من التعب و فصلت و انا هناك ما اشوف غير يصحوني و يقولو من جانا و رقد كان في بيته قعد

ههههههه و صحيت و رجعت البيت و كملت نوم

***********

يوم السبت رحت اخذت بناتي من بيت صاحبتي و هذي اشكالهم لما يرجعو البيت و يرتاحو نفسيا ههههههههههه

اشكر اختي الحبيبة قوالب على تعبها معايا و مساعدتها لي جزاك الله خير و اهديكي هذي الباقة

و هذي هي رحلتنا الخطافية و إلى لقاء آخر في رحلة أخرى ان شاء الله

و السلام عليكم و رحمة الله و بركاته

__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 06:06 PM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 01:49 AM.

روابط سريعه