تسلمين خيتووووووه ما قصرتي

ماتقصرين غلاتي كلامج طمني وايد.. ومن ناحيه التعليم وانا بعد اقول مو شرط جامعي على الاقل عنده ثانويه.. وانا انطر رده هو للحين ماردو لينه.. اذا ردو بطلب مقابله ثانيه عشااان اقوله اذا ناوي يكمل او لا.. وكلامج عين العقل.. تحياتي دعواتج القلبيه

صحيح .. وانا بسوي هالشي اكيد.. والله يزيح عنج الهم يارب .. وتسلمين غلاتي

اختي

أنا جامعية و بأكمل ماجستير إن شاء الله و ما عمري سمعت عنه
فماله دخل بالشهادة و لا بالعمر

لا تحكمي عليه من أشياء صغيرة

هههههههههه اها يا روح الطير تسلمين غلاتي على الرد

بقولكم اخر الاخبار ووش صار..


اليوم طبعا صار تطورات .. طبعا انا تعبت نفسيا وانا انطر رده.. وقريت موضوع حلو حق ام داليا عن الخطبه وشنو تسالينه.. فخذيت خبره شوي..

اليوم الصبح اتصلو فيني .. وانا توقعت بيعطوني رده.. يا اي او لا لانه الحين كملنه سبوع.. وقلت لهم لازم اعرف رده قبل ردي.. قالو لصبي مرتاح نفسيا قلت يعني موافق ماردو.. قالو مايبي يستعيل.. صراحه حيرني قلت عيل شنو ؟؟ قالو انيتن ماعندج شي ونسيتين تقولينه بالمقابله.. انا استحيت قلت الي عندي قلته.. قالو هو يبي رقمج يقول يمكن في شي ماقلتينه واستحيتي وبالتلفون اسهل..ى قلت لهم لا قلت شي قلته.. وبندته وبعد خمس دقايق اتصلو.. قالو هو عنده شي يبي يقول ونسى بالمقابله يقوله.. قلت لهم شلون يعني؟ قالو يبي رقمج.. انا خفت وترددت خصوصا انا ما قالو لمي قالو لي انا..


وصادني فضول اقبل او لا اقبل او لا.. اخر شي قلت بواجهه بوجوف شنو يبي يقول.. قلت اوكي

وعطوه رقمي

وتصل وانا طبعا مرتبكه ومو عارفه شنو اقول ومستحيه حدي.. وقتل له ترا انا مرتبكه وخايفه قال هاشي طبيعي .. قلت له ها شنو صاير؟؟؟؟

قال ههههه مافي الا الخير مافي شي.. قال اشفيج خايفه .. قلت له اي صراحه صادني فضول شنو عندك وشنو تبي تقول؟؟ قال (( فديت الي يبون يعرفون)) انا استغربت يعني اول مكالمه لنا يقول جذي.. وفرديت قلت لا يمكن انا معقده ومو متعوده على هالحجي يمكن هو عادي وانا معقدتها بس والله لحد الحين احسه جريئ مع انه ماقال غير هالكلمه وصايره تدور في بالي.. قولو لي هالشي عادي؟؟؟؟؟ لو انا متحجره اشوي؟؟

قلت له قول شنو تبي تقول.. قال مافي شي بس انا قصدي من هالمكالمه انه احنا نعرف بعض اكثر..

قلت له يعني انته شنو ردك كمبدئي ابي ارسب على بر.. قال انا مرتاح بس لازم ما نستعيل ولازم نعرف بعض ..

صراحه مو ماعطاني اجابه لحد الحين بس انه مرتاح لي بس موافق رافض ماقال..

ومن موضوع ام داليا جفت اساله حلوه وسالته شنو طموحك؟؟ قال ابي اتزوج ومافكر بعيال وايد اهمشي ايب وربيهم زين وابي زوجه تربي عيالي مابي وحدهتشتغل.. بس انا صراحه جامعيه ويمكن اصحل وظيفه زينه.. قال اذا وظيفه محترمه اوكي بس لا مابي..

يعني بالغصب بلعت اجابته..

قلت له شنو هواياتك؟؟؟؟؟ وشنو تحب وماتحب.. يحب بس طلعات ومطاعم ومجمعات وديكورات وانا احس هذه مخايكفي انا ابي انسان طموح


وبعدين قلت له ببنده وسكرت التلفون..

صراحه مادري متردده

انتو شنو رايكم؟؟؟؟؟؟؟؟

سوري طولت

انتى ايش رايك اول شي

مرتاحه او لا؟؟

<< حسيت انك مو مقتنعه ابدا

هل دا الشاب الا يناسبك طمحوا بما انو يهمك يكون طموح ؟؟

اخر شي قبل لا ترفضى او توافقي استخيرى الله واطلبي من الله يكتبلك الا فيه الخير

بالتوفيق ياقشطه

__________________
ياررب ارح قلبي وعوضني خير

والله مادري انا متردده في اشياء تخليني اقبل في اشياء تخليني ماقبل وتخوفني منه

اي ابي انسان طموح

ان شاء الله حبوبه

ماتقصرين

أختي

فكرتيني بحالي ،، كنت مثلك و زوجي مثل خطيبك ،،

أنا عندي مشروع أسلمه ، إذا فضيت رجعت لك و قلت لك بالتفصيل

لكن حاليا أقول لك ( لا ترفسي النعمة برجولك أختي ) ،، و الله إنك راح تنبسطي معاه إن شاء الله

إنت تبغي إنسان يهتم فيك ،،

لكن الإنسان الطموح و كذا ،، مثل زوج أختي ،، ما همه غير تأمين المستقبل و الشغل و بسسسسسس

اختي صارت ما تحس نفسها عايشة في الدنيا


الوحدة تبغى ( زوج ) يهتم فيها ،، مو محاضر تناقشه و يناقشها وووو إلخ

و هذه الأشياء البسيطة ممكن تكمليها إنت بعدين ،،


و الوظيفة ، صدقيني إذا جاك أول طفل ،، راح تتركي الوظيفة من حالك

كنت مثلك و أهم شئ عندي الدراسة + الوظيفة ،، بس تزوجت و تغيرت لا شعوريا ..

صار ولدي و زوجي و بيتي هم الأهم ،، و حتى إني كرهت الدراسة


لو عندك زوج يغنيك عن الوظيفةة ، خلاص اتركيها .. لاتعقدي الأمور

إنت ما جربتي الحياة الزوجية ..

الرجال هذا ترى خطيييييير ،، يفهم في المشاعر و قلت لك كأنك تحكي عن زوجي

و كنت مثلك ماني مقتنعة مية بالمية و مترددة ،، بس هو حببني له بأسلوبه و كلامه و محبته

هلا والله خيتووووو كلامج يطمن وايد والله يسعدج ياااااااارب وصحيح كلامج بس مادري احسها وساويس فيني..

المشكله هو للحين ماصار خطيبي . يعني تقدم لي وشافني .. بس معطني رده وهذه الي محيرني اكثر يبي بس يتعرف عليي وبعدين يقرر.. وانا صراحه مو متعوده اكل ريال واهلي مايدرون عنه .. وللحين اهلي مايدرون انه يبي يتعرف اول.. بس انا عطيتهم رقمي عن طريق الي توسطت لنا.. بس انا صراحه امس صدتني ربكه وخوف وقلت له اني خايفه وسكرته.. ولحد الحين ماتصل ولا انا اتصلت.. هو يبي اول يتعرف علي وبعدين يقرر..

وصراحه اول خطبه تصير لي جذي. اما الباقيه الي تقدمو لي قبل ندش مقابله يفكر مايصير نصيب نرد..

متحيره وايد

فكري مرة ومليون مرة بعد
هذي حيااة وعمر راح يربطكم
مو رحله شهر او شهرين ...

لازم تقتنعين 100% والا لاتوافقين ..
واهم شي انتي استخرتي وسبحان الله اذا فيه خيرة لك ربي راح يقربه غصب عنك ..
والله يكتب لك الخير وين ماكان ويسر أمرك ..