السلام عليكم ورحمة الله وبركـآته }

حابه استشريكم في شيء ~

أنا عمري 21 سنه الحمدلله ربي منعم علي بكل شيء اللهم لك الحمد ~


الآنسآن مبتلى في هـ الدنيآ !

وَ أن الله ابتلني بريحه في فمي مزمنه مابقى شي ء ماسويته تنظيف حشوات وتقويم ركبت وسويت تحاليل للمعده والحمدلله كل شي سليم !

كل يوم افرش اكثر من 3 مرات وغسولات للفم وحاله لكن مافيه فاايده

مشكلتي انو فيه طبقه صفراء ع لساني افرشها بملعقه اللسان ثمين ترجع واللثه عندي تعبآنه !

سويت كل شيء تعبت تعبت تعبت !

أنا هنآ ماابي منكم علاج أو خلطه لا أنا عندي كومه علاجات بالبيت وعندي قران وسجاده بصلي وبدعي وعسى الله يقبل مني ومنكم !


أنا جيت هنا بستشيركم !

بقولــــــــــــكم قصتي ويليت تسمعوني !

طبعاً أنا مشكلتي هذي معي من يوم أني في المتوسط تقريباً

طبعاً وضعي كان بالمتوسط أشد لاني كنت صغيره ولا أعرف شيء !

أما الحين الحمدلله تحسنت كثييييييييييييييير يآرب أحمدك !

صآر للي الحين 10شهور مركبه البريسز بس مازالت عندي هالمشكله خاصه اذا صحيت من النوم وطولت مآتكلمت !

لكن اذا فرشت أسناني تروح واذا اكلت تروح مرره بس مجرد أني أقعد مثلا ساعتين بعد الآكل ترجع !

بس أنا الحمدلله عآرفه لنفسي صرت مؤقته نفسي مجرد اني أجلس ساعه أو زيآده ع طول أروح أفرش

وأستخدام المضمضة والعلوك أنواع النكهات !

وخلاص أنا كيذا مالي الا هالحل لاني تعبت مابقى شيء ماسويت العلاجات واستخدامتها والاشياء الشعبيه واستخدامتها !

والله اذا تكلمت مع الشخص اللي معي مااحس انه يتضايق مرره بس أنا صآير عندي ثقة بنفسي !

بشكل أوب طبيعي صاير أخاف أقرب أخاف أوذي هالشخص ..

يعني ثقتي بنفسي طاااااااارت !!

الحكآيه

آنو أنا آنخطبت تحسبوني مثل البنآت فرحت !

الا قعدت أبكي وَ أبكي

وضآآق صدري !


المهم أهلي سالوا عن الولد وصار ماعليه خلاف أن شاء الله !

وَ قالت أمي استخيري !

طبعاً أنا مسكت وحدهآ من خواتي وقالت لها عن العائق هي متزوجه واكبر مني

وقالت هذا موسبب وقامت تهاوش ويالخبله وش هالكلام ومدري ايش !!

المهم أني استخرت عادي ..جاتني امي وقالت فلانه استخري 7 مرآت آحسن لك !

المهم أني استخرت 7 مرات ولا حسيت لا بضيق ولا برآحه !

وجآءيوم النظره الشرعيه !

وأنا قلبي بيطلع من الخوف !

المهم لبست للي تيور نعوم وضبطت شكلي ولا كثرت مكيآج بس كحل وقلوز !

وخواتي عندي اللي تضبط شعري واللي تقول لا تخافين وهم مايدرون اني من جوا مكسوره !

جاء أخوي قال لامي يلا وين بنتك

وانا يمه وش اقول لكم شعوري

مسكت صينه الحلا ودخلت وقلت السلام عليكم وطلعت بسرعه وانا قلبي يرقع يرقع !

وجانآ الرد من الولد بعد كم يوم أنه أوك ..وكل شيء تمآم أن شاء الله !

وبعد فتره جوا أهله (أمه وخواته )

وطلعت وقعدت معهم مايقارب ساعه واسالوني الاسئلة المعتاده وش تدرسين وكيذا

ثمين جوا أبو الولد والولد وخطبوا رسمي !

والولد كلم أخوي ع التحليل أن شاء الله !!

وجاء يوم التحليل ورحت اسوي في نفس ذاك اليوم

قعدت ابكي بشكل فضيييييييييييييييييييع

واصلي وادعي واقول يارب يصير غير متطابق ويتفركش كل شيء


في هالايآم اللي قبل نحفففففففففففففففففففت بشكل !

تخيلوا أصلا أنا وزني 55 وطولي 165خلقه نحيفه نحفت أكثر !

الكل لاحظ صديقاتي ...يقولون أنتي فيك بلاء !

نحفك وااضح !

في البيت اذا جلست وتذكرت مشكلتي أقعد أصييييييييييييح بشكل والله مااكذب عليكم بدرجه الشهاق
كني للي أحد ميت !


المهم أني دخلت في منتدى وشفت وحدها مثل مشكلتي بس اصعب لا هي الريحه من الفم والانف !!
والادهي هي متزوجه سالته عن الاوضاع قالت زوجي متفهم قلت لها انا موب طوول اليوم فمي فيه ريحه قالت عادي تزوجي وَ أختي تقول تزوجي !!


وبعد كم يوم طلع التحليل وصار متطابق !

يعني خلاص أن شاء الله !


الحين أنا أبي أقول لاهلي أني ماابي اتزوج خلاص !

خااااااااااااايفه وبموت من التفكير !

أنا قريت قصة وحده تطلقت من هالسبب بعد شهرين وانا ماابي اصير مثلها أن شاء الله

بس شلون أجيب عذر !




تكفون شورا علي !


أتزوج والا لا ؟؟؟

اخلي الامور تمشي ولا أبين لاهلي ؟؟

والا اعترضت ؟؟

تبغيني أذبحك ؟؟؟؟؟؟؟؟؟؟؟؟؟

إيش اللي تبغي ترفضي الشاب علشان مشكلة تنحل بعيادة الطبيب

و حتى لو ما نحلت ، فإنت يكفي إنك مهتمة و محافظة على النقطة هذه

يعني ماهي عاهة مستديمة و الحمد لله ، بس عززي ثقتك بنفسك أهم شئ و لا تقولي لخطيبك ابدااااااااااااااااا

ليش حبيبتي الله يهديك تعوذي من ابليس الله اكبر يعني حنا ماتطلع لنا ريحه في افواهنا اكيد لكل شخص ريحه لفمه بس انتي مكبره الموضوع

انا متفهمه خوفك بس مهما كان دامك مستخيره واكثر من مره بعد واللي صار هذا كله من تيسير لامورك تاكدي ان فيه خير لك لا تقفلين الابواب فوجهك ادحري ابليس عنك وخلي كل شي يستمر لاترفضين ولاشي
هذا من رأيي
وبعدين انا كئني سمعت ان فيه اجهزه للكشف عن رائحة الفم يعني تكشفين وتعرفين وش المشكله وتعالجينها حاولي تدورين عنه وتسوين هالكشف عشان يتطمن قلبك
وبعدين تبين الصراحه انا اعرف وحده الله يستر عليها وعلينا والله ريحة فمها كريهه بشكل ومتزوجه وزوجها يعششششقها يعني مهي مشكله وانتي ماشاء الله عليك شكلك محافظه ع نظافة فمك
سوري طولت عليك وان شاء الله باقي الاعضاء يتكلمون معك

والله من العنوان عرفت ان مشكلتك في اللثه

قريبتي مثلك ماخلت امها ولا بقت بها اي مستشفى والبنت بمجرد ما يفضى فمها من الأكل تحط يدها على فمها وتخلي متر بينها وبين اللي يكلمها وياويل اللي يجاملها والا يقول لها عادي



...المهم راحت لعند دكتور و طلع عند البنت شي تحت اللثه .. مو عارفه والوقت متأخر والا كان اتصلت وسألتها والله .. مو عارفه والله دم او صديد ... المهم من تحت اللثه كلها ... سحبه الدكتور بالإبره والبنت مرتاااااااااااااااااااااااااااااااااحه الحين ولا عاوتها المشكله ليومك ..لها سنتين اعتقد اذا مو اكثر


مشكلتك جدا بسيطه استهدي بالله ولا تفركشين الخطوبه ... فركشي مشكلتك هذي

توكلي على الله
بما أن كل شي تمام و الحمد لله
و من كلامك انك معتنية بهالشيء و محافظة على عدم ظهور الرائحة
لكن يبقى ثقتك بنفسك هي اللي مانعتك
اقهري ضعفك و ثقي بالله و كل الأمور تحل بإذنه

وربي يبغى لك ضرب
خيييييييييييييييييييييييييير ان شاء الله تفسخين خطوبتك وتلغين الزواج عشان
مشكله زي كذا انتي عندك الحل اهتمي بالنظافه واكثري من العلك الله يخليه واي شي يطيب ريحة الفم وكلي دام مع الاكل تروح الريحه وكثري منه بعد عشان وزنك عصفورين في حجر
لاخلي عندك ثقه في نفسك ولاتخبرين احد بهذي العقده الي عندك
لانها زي ماقالت اختي روح الطير ماهي عاهه مستديمه ولله الحمد
وراجعي زي ماقالوا الاخوات عشان تعرفين مصدر الريحه
وشيلي فكرة فسخ الخطووووبه من راسك

__________________

يااختي من جد مدام انتي مهتمه بهادي النقطه

ومنظفتها كويس ومافي ذاك الاذى
توكلي على الله واستخيري مره تانيه

حرام تدعي انو الخطبه تتفركش

والله يوفقك يارب

غيري من طريقة أكلك و نوع الغذاء دايما له تأثير على رائحة الفم...مشكلتك بسيطة و يحلونها لك عيادات التغذية و الأسنان و الأنف و الحنجرة....
توكلي على الله و الله يسعدكم

__________________
[gdwl][gdwl]نفسي الَتي تملك الأشياء ذاهبة.......فكيف أبكي على شيء كان قد ذهب[/gdwl][/gdwl]

أختي الكريمة
عليك بإجراء فحص الجيوب الأنفية والتأكد من عدم وجود ميلان في الحاجز الأنفي أو إنسداد في أحد مجاري التنفس ولو بشكل بسيط ، وكذلك هل تعانين من كثرة إلتهاب اللوزتين؟ إذا كانت إجابتك نعم فالمشكلة عندك في الأنف فقط ، لأن أبخرة المعدة لما تجد مكان مسدود في مجرى التنفس تبقى متركزة لفترة طويلة حتى لو تم تنظيف الفم والأسنان وتعطيره
عن تجربة من والدتي لأنها مثل حالتك وتم العلاج بتعديل الميلان مع أن الشكل الخارجي متناسق وما فيه مشكلة

__________________
لا إله إلا الله محمد رسول الله