اليوم الاثنين :

كان ودي يكون عدد المشاركين اكثر .. واتمنى من المتابعين معانا انه كمان يشاركوا ببعض تجاربهم ..

شخصيا ما افضل اني احط طريقة معينة نتبعها كلنا لانه احنا نبغى نجرب نتصرف بطبيعتنا وحبنا ونبغى نشوف فين يوصولنا ..

قراءت مرة انه الانسان محتاج سبع مرات ينحضن في اليوم ..مادري عن صحة هذي العبارة بس انا عجبتني وصرت اطبقها

مع زوجي ومع بنتي .. ولقيت انه نفسياتهم تغيرت وصارت بنتي اهدا من اول ...

احضان برئية مو القصد منها شيء .. بس لاني نويت احب ولانها محملة بالحب فلها مفعول سحري تاني ماقدر اوصفلكم هو ..

بعض الاحيان يكون زوجي جالس في الصالة يتفرج تلفزون وانا باعبر الصالة اروح اخذ حضن بسرعة واكمل للغرفة و هو يكون

متفاجيء يس ما اخليه يكمل كلام واقوله الواحد محتاج سبع مرات في اليوم حضن واضحك واتركه

حركة بسيطة جدا بس غيرت جو البيت ... وزوجي كان يسوي نفسه ثقيل وايش دي الحركات .. بس صاير مبسوط منها .. واليوم انشغلت شوية عنه جا وقالي ماتبغي تحضني


وكمان كثرت مررة من الاستغفار كل ما سوا زوجي حاجة تنرفز ني صرت استغفر وسبحان الله ينقلب الموقف وشعوري نحوه ويرجع الحب تاني ..


اتمنى اسمع مشاركات ومواقف عن كيف بتحبوا ..