أخوي ،، ما أبغى أخرج عن الموضوع الرئيسي

-----------------------------------------------------

لكن ما تلاحظ إنه كم واحد قبيلي تزوج من فلبينية أو اندونيسية أو أمريكية أو بريطانية أو تركية .. إلخ
و اللي يسافر الدول العربية المجاورة و يتزوج و ماحد تكلم و الكل يصفق له ؟؟؟؟

و الرسول صلى الله عليه و سلم ، لم يكن من البادية ، لإنه من سادات قريش ..
فليه ما زوج بناته من أبناء أعمامه ؟؟؟؟

يعني كان الأولى بآل البيت ( فقط ) هم من لا يناسبوا إلا الكفؤ ..
لإنهم أشرف نسب ..

أما قبيلة فلان و علان ..
فعلى أي أساس تم رفع منزلتهم إلى ( سادة ) أو العكس ؟؟؟؟ على راسهم ريشة
هل الدين محتكر فقط في الجزيرة العربية ؟ و باقي الدول ليس لهم أصل و فصل ؟؟؟؟؟

-----------------------------------------------------

عالعموم ..

تعال هنا في الخارج ،، و أجيب لك بنت من قبيلة معروفة من الجنوب و متزوجة واحد ( إيراني ) ..
و الإيراني هذا ، لا دين و لا أخلاق ..

تعال هنا ،، و أجيب لك بنت من قبيلة معروفة و متزوجة من واحد أصله باكستاني ..
و أبشرك .. العوايل صارت ترسل بناتها للخارج علشان تلقى لنفسها عريس ..

( هذه عينة من البشر اللي قابلتهم شخصيا ) ..
و تبغى تتأكد ،، أدخل عالفيس بوك و أبحث ..

-----------------------------------------------------

العادات هذه ما فادت إلا ( بوضع قيود ) ..
الرجال يبحثوا عن زوجات من خارج بلادهم ،، و بنات البد جالسين بدون زواج .. بحجة العادات اللي
ما جابت لهم غير الإكتئاب ..

يعني إيش الحل برأيك .؟؟؟؟؟؟

------------------------------------------------------

فكرتني بقصة عضو عندنا ،، ما أبغى أذكر اسمه ..
كان يتمنى يتزوج فتاة ، لكن تركها بسبب القبيلة و ما إلى ذلك ..
و تزوج و ألحين جاء يشتكي من التعاسة اللي عايشها و السبب إنه ما قدر ينسى تلك الفتاة ..


لييييييييييه نقتل السعادة بداخلنا بسبب عادات و كلام الناس ؟؟؟؟
لييييييييه نحرم نفسنا من أمور عديدة ليست محرمة في الشرع بحجة العادات ؟؟؟؟

المشكلة هذه ، هي اللي سببت ضياع الكثير من الشباب ..
صار كل شئ عنده ( ممنوع ممنوع ) بدون ما يدري إيش السبب ..
صاروا يعملوا الحرام ،، لإنهم على بالهم ،، الدين = تشدد و تقييييد و ما يدروا إنه نحن اللي حطينا القيود
و لا الدين ، دين يسر و سلاسة ..

--------------------------------------------------------

أختي ..

اللي يقول لك ( صغيرة ) .. فالصغير مصيره يكبر ..
و إذا مرت سنة ، 2 , 3 و صار عمرك فوق الثلاثين و جاء تقدم لك شخص بدون دين و لا أخلاق ..
لا تزعلي إذا قبلتيه علشان نظرة المجتمع إنه ماتزوجت ..

( لمتى نعيش تحت رحمة نظرة الناس ؟؟؟؟؟؟؟؟؟ )