اخي انا اقدر حنانك وحبك لابنتك الي تعبتو جدا لحتى شفتوها عالدنيا الله يخليها الكو
لكن لاتجعل هالحب يفسدها
التربية شيء والبراءة والحب شيء
فالاطفال ااحيانا كثيرة جدا ينكدو بدون سبب و يعملو كابة للواحد بدون سبب
فتجد الطفل ماكل شارب وملاعبينه وكل شيء وبالاخر يزن وينكد على اهلو بدون سبب
هي لو انها لسة شهرين تلاتة لا طبعا لانسرخ في وجهها لانو لاتفهم معنى الزن والنكد الي بسبب الدلع مش الالم
اما في عمر ابنتك والاطفال بعد العام او حتى قبله
يبدو يفهمو و تصير الهم اطباع مزعجة من زن ونكد ودلع زيادة ولفت انتباه

وهنا يجب وقفة جدية معهم حتى لا تطلع البنت مدلعة ومزعجة و تكون مفكرة ماحد بقدرلها
صدقني الطفل ان لم يوبخ ولم يحسسو احد انو غلطان بتعود وبكرة بتتعبو معها كتير

لاتدع محبتها تطغى على التربية

ووصرخة بسيطة مو عالية ولكن فيها نبرة حزم وجد وزعل
تعتبر تربوية يعني

مو كل الصراخ واحد في صراخ مخيف للطفل وفي صراخ تاديبي

فعندها تقول سعاد خلص وتنظر لها نظرة جدية وتكشر

حتعرف انو ازعجتك وعملت شي غلط وحتتعلم انو انت او امها لما تعملو هيك معناته زعلتو منها وتقدر مشاعركو

والطفل اذكا من هيك كمان واكتر

لهيك مافي داعي لتحميل نفسك الذنب زيادة

انا لو سرخت على فهد بنفس اللحظة قلبي مايطاوعني وبكون زعلانة وبصعب علية كتير لو زعل وبكون نفسي احضنو واقلو سامحني ياروحي

لكن بمسك حالي عشان مايطلع مدلع ومايص و مابعرف الصح من الغلط \


صدقني انا شاهدت نوع من الاطفال من اهاليهم لم يصرخو عليهم ولامرة في طفولتهم
عنيدين جدا جدا ومتعبين و مزعجين و يعني القعدة معهم بتخليك تقول اوف امتا اروح بس

وبكرة سعاد حتستغل هالحب والحنان وتبتزك وتصير تبكي في نص الشارع لمجرد المزاج ومو عاجبها اشي
ولانو عارفة انك ماحتسرخ فهية سعيدة وبتعمل شو مبخطر عبالها

وبكرة بتكبر اكتر وبصير اصعب بتروحو السوق ناويين تجيبو لعبة بتصير بدها التانية وتربويا خطأ تلبية طلبات الطفل في كل الوقت والمناسبات لازم يتعلم انو كل شي لوقته

حتصير هية تحكيلكو بدي هاي وهاي
وانت والام تجيبو وهية سعيدة

تكبر وتصير دلوووووعة و انانية


اكيد بتقول يا ساتر ياام فهد عملتي ماساة

انا ماعملت ماساة

لكن انا شفت بعيني نماذج لاهالي خلطو التربية بالحب فبالتدريج اولادهم كبرو وكبر معهم دلالهم و عنادهم

انت ماضربتها ولا اذيتها انت بتادبها بكرة بتتعلم انو النظرة والصوت هادا معناه لا وبتسمع كلامكو

حتفهم انو تصرفها السلبي مقرون بردة فعل سلبية ايضا

وصراحة ماشاءالله تبارك الله البنت سكتت

ابني فهد يحفظه الله لو قرر يبدا مشوار البكا الفظيع مايسكت و يزودها واحيانا بعمل هيك في السيارة وقررنا اتباع اسلوب التطنيش وفعلا بالامس خرجنا و لانو جلس عكرسي السيارة الي بكرهو جدا عمل هستيريا وكنا قررنا عدم جلوسه في حضني او اي مكان لسلامته

بكا وفضحنا ولكن ماعبرناه واخرتها استسلم وسكت وابتسم كمان

احنا من نمشيهم عكيفنا مو هما في امور التربية خاصة في التربية الاولى اهم عمر في الطفل او ل5 سنوات

ابني فهد مغرم بجرة الغاز ويصير يشد في الخرطوم ! وهوة شغال

وانا بنهرو بشكل جدي جدا لحتى يعرف اديش فعله سيء وخطير

والان كل ميقرب عليها بيصير ينظر فية ويراقبني وحذر عشان مااشوفو طبعا انا بكون شايفاه لكن عاملة حالي مش منتبهة
ولما اشوفو واقلو لا يا فهود لا ياماما عيب مش كويس روح يلا بيروح مابعجبه لكن بروح


انا اسفة جدا طولت كتير لكن حبيت اوضحلك اهميييييييييية عدم خلطك التربية بالحب حتى تطلع سعاد شخصية حلوة وماتغلبكو في المستقبل

واسفة مجددا

__________________