الاسبوع الماضي كان عندي عزومة وعملت ورق دوالي ورقاب محشية وفتة باذنجان




معليش مش شاطرة كثير في التصوير



نبلش بالورق

الكمية :

حشوة الورق والكوسا والباذنجان رز ولحمة فرمة مبهرة

1 كيلو ورق عنب من خير بيت اهلي من دوالي جننينتهم

2- 1.5 كوسا صغير و 1.5 باذنجان يعني اصغر حجم كوسا وباذنجان

بندورة

حصرم

1 حار

كوسا

ليمون

اللحمة وضعت يد خروف


اول شيء عملته اني ضجنت يد الخروف في طنجرة منفصلة مع بصل وبهارات حتى اضمن انها تستوي منيح تحت الورق والكوسا

نقلتها على الطنجرة الرئيسية والي وضعت في قعرها شرحات كوسا يعني حبة الكوسا بقطعها على طولها 3 او اربع شرحا لا سميكة ولا رقيقة اضع فوق طبقة الكوسا بندورة مقطعه شرحات رشيت قليل من الملح والبهارات (فلفل اسود بهار قرفة هال ) وضعت هال حب وقرفه صحيحة ورق غار اخضر مو ناشف ووضعت الحصرم والدتي بتخزنه بالفريزر ووضعت قرن الفلفل الحار وفوقهم يد الخروف انا قسمتها لقطعتين

وفي العزايم صعب كتير تصوير الخطوات كاملة وبحذافيرها




اضفت الكوسا والباذنجان




اضفت الورق ورشيت عليهم ملح اغلقت الطنجرة ووضعتها على نار هادية بدون اضافة ماء او اي شي تقريبا ساعة الا ربع ولما اضفت الماء الساخن ما غمرته كله يعني خليت الماء ناقص 3 اصابع عن الورق اولساعة الا ربع تركته على نار حامية وبعدين خليته على نار هادية تقريبا 3 ساعات في اخر ساعة بضيف الليمون المعصور عليه وبتركه يتسبك مع المرق


وهي النتيجة بعد ما قلبنا الطنجرة



الرقاب

رقبة خروف واحده فردتين بتكون والاحسن تكون خروف صغير مكان الظرف ويضعه اللحام المكان الي نضع فيه الحشوة

الحشوة رز مصري ولحمة مفرومة

خضار : جزر ,, بطاطا صغيرة ,, كوسا صغير ,, فطر طازج,,, فاصولياء خضراء,,, بصل صغير ,,,

زبدة ,, زيت للقلي





حضرت الحشوة

قليت اللحمة الفرمة بزيت مازولا وبعدين اضفت لها الرز بس الماء الي بضيفها للفلفلة مو كثيرة يعني الرز بيكون بيقرط شوي

بعدها بنقلهم على وعاء وبضيف الملح والفلفل الاسود والبها والهال والقرفة وعصير نص ليمونة وبقلبهم مع بعض وببلش حشي



بعد الحشي سكرتهم بنكاشات الاسنان

هلاء بدي اقلي الضحايا ,,, وبحمرهم شوي صغيرة

طبعا زيت مازولا وحطيت بصل وشرايح ليمون



وهي بلشت اقلي الفردة الاولى



خلصت قلي ونقلتهم على الطنجرة كنت حاطة فيها روز ميري وورق غار وهال حب وقرفه عيدان وبهارات مطحونة وروس بصل صغير هذه الطنجرة للفرن و ما بتاخذ ماء كثير



هذه كمية الماء الي بتاخدها وخاصة اني ما بدي اعمل محمر بطاطا جنبها او اي نوع من اليخاني لانه عشاء



بتاخد في الفرن تقريبا ثلاث ساعات و خلال ما كانت في الفرن سلقت الخضار كل نوع على حدى

بجيب صينية وبضع فيها زبدة و وبضع الخار المسلوقة فيها وبحمرهم بالفرن وبس اخرجهم (الخضار) برش عليهم فلفل اسود



وهي النتيجة







وصحتين وهنا

__________________

wowwwwwwwwwww
ريحة الاكل واصلة لحد عندنا

ماشاء الله تبارك الله


تسلم ايدكى تحفة بجد

__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي

ماشاء الله ا


والله انك خطيرة في الطبخ والتصوير بعد


بصراحة اطباقك رووووعه


تسلم يدك يالغلا

وتسلم ايديكي

ممتاز انه الريحة وصلت لعندك

تشرفت لمرورك العطر

وتسلم ايديكي يا عسل

مرورك هو الاروع

__________________

اوهههههه شهيتيني عاش الاكل الفلسطيني تسلم ايديكي

__________________

وتسلم ايديكي

شكرا لمرورك العطر

__________________

تسلمي يارب

فعلا الاكل الفلسطيني طيب وزاكي بس الموضوع بحاجة لفضاوة وفراغ

التصوير و التعديل وتحميل الصور بياخد وقت

غير المسؤوليات في البيت


تشرفت لمرورك العطر

__________________

ماشاء الله --- تبارك الله ..

وصفات ولاأروع ..

تسلم يديك ياغاليتي أم طارق ..من جد الصور مشهية وشكل الأكل لذيذ ..

بالعافية على قلوبكم ومن تحبين ..

الله يحفظك بما حفظ السموات والأرض ..

اللهم صلي على نبينا محمد صلى الله عليه وسلم ..

__________________
إِيَّاكَ نَعْبُدُ وَإِيَّاكَ نَسْتَعِينُ

=====================

هلا وغلا نورتي الموضوع

الاكلتين من احب الاكلات عندي هم

الله يعافيكي يارب

شكرا لمرورك العطر

__________________