اخ رءوف
واضح ان عند اهل زوجتك نوعا ما جهل بالدين
او انهم معتبرين الموضوع خطوبه والرسميات لبعدين
فيه ناس تستصعب ان الخاطب ينظر لإبنتهم بعين الدقه ويكون موعد زواجهم بعيد جدا في حالتك سنتين
في حال انك غيرت رأيك والا انسحبت لأي سبب
ما ينكسر قلب البنت ويشيلون همها ... وحفاظا عليها قدام الناس لا يقولون شافها وعافها!
فلا تلومهم من هالناحيه
ولا ارى ان تصرفاتهم سلبيه او فيها تسلط ... جدا عاديين
بس هالحركات من باب المحافظه على البنت وكرامتها
عموما امورك جدا هينه ... وماعندك ذيك المشاكل اللي تخوف او تخليك تفكر تنفصل او اقلها تندم ع الارتباط
طيب انت ماشفتها في الشارع؟ يعني كاشفه وجهها؟
وش حسيت فيه ؟
وسالفة الصوره غالبا اللي اعرفه انها مرفوضه وغير متقبله ... وردة فعل البنت طبيعيه جداااااااااااا انا مكانها اسويها
حست مسكينه انها سلعه وسيتم عرضها ( هذا تفكيرنا )
الخلاصه : امورك زينه ولا عليك
بس دايما ارسل لها سلامك مع اهلك واخوها
هديه في الاعياد
اذا نجحت هديه ... كذا تكسب ودها
حاجه ثانيه ياليت تعزم اخوها على غدا بسيط برا او تطلعون البحر وتتصافون
وراكم عشرة عمر مو حلوه بدايتها كذا شحن قلوب وساكتين
آسفه تأخرت في الرد .. بس الدنيا تلاهي
تحياتي
__________________
[/IMG]
17-11-2009, 07:37 AM
ضوابط المشاركة
العرض الشجري