الحمد لله قرأت أغلب الردود في هذا الموضوع
وانتهيت إلى أن المشكلة عندك شيئين:
1- كلام الناس
2- رسم صورة محددة لزوجك في ذهنك
أنا يا أختي بحاول إنك توصلين للحل من وجهة نظرك
أولا استعيني بالله والجأي بصدق إليه لأنه هو القادر على اسعادك (وليس طول زوجك أو قصره أو كلام الناس من سيسعدك بل السعادة بيد الله وحده)
ثم افترضي يا أختي إني مكانك وجيت أطرح لك مشكلة عدم حبي لطول زوجتي
أو افترضي إنه زوجك جانا هنا وشكا لنا طولك الزايد أو قصرك الزايد
ايش تبينا ننصحه ونقوله؟
وافترضي إنو أحدنا نصحه إنه يتركك ويشوف وحدة ثانية أقصر منك
وإنت قرأتي رد اللي نصح هذي النصيحة
ايش راح تكون ردة فعلك؟
وإنت انسانة تحبينه وتعرفين إنه يحبك وفجأة جاه واحد من وراك ونصحه إنه يتركك لأنك طويلة
وزوجك خايف من كلام الناس لما يشوفوكي وإنت أطول منه
ايش راح تسوين؟
هل بتقاتلين حتى تحافظي عليه وتقنعيه بأي طريقة إنه الطول غير مهم وأهم منه الحب؟ أو ما راح تفرق معك؟
هذي الأسئلة يا أختي أتمنى تجاوبي عليها بصراحة
بس حطي في بالك
إنه الناس لن يبنوا لك أسرة
ولن يبنوا لك بيتا
ولن يهتموا بك أو بزوجك
كلام الناس يا أختي لن يتعدى الكلام
فلا تعطينهم أكبر من حجمهم
وصعب عليك ترضيهم حتى لو زوجك طويل راح يتكلموا لأن رضاهم غاية لا تدرك
تخيلي يا أختي زوجك لما يقرأ موضوعك هذا ويحزن إنك معترضة على شيء هو ما له يد فيه (الله رزقه هذا الطول)
هل يهون عليك الزوج وحبه والاستقرار والأطفال من أجل شكل أو من أجل كلام الناس؟
فكري يا أختي زين
ولا تنسي تجاوبي على الأسئلة اللي فوق
هذه يا أختي حياتك لا تخلي الناس يحددوا مصير حياتك ووجهتك
الله يهديكم ويسعدكم
__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)
18-10-2009, 08:44 PM
ضوابط المشاركة
العرض الشجري