وعليكم السلام ورحمه الله وبركاته،
أختي الكريمة شمعة حياتي نورت،
اولا مبروك ما شاء الله، والله يتمم لكم على خير ان شاء الله...
بعدين اختي الرجال يختلفون، كل واحد له اطباع تختلف عن الثاني، يعني الرجال ما يجون مع كتالوجات 
كل واحد له شخصيته، فيهم اللي ما يحب يتكلم بالتليفون وفيهم اللي موب جريئ مرة ويستحي خصوصا ان توكم متملكين... ألخ
بعدين اختي من طبيعة الرجال انهم يحبون الحرية شوي، يعني عطيه مجال شوي، وخففي اتصالاتكي عليه، وخليه هو اللي يتصل، ولا تقعدين كل شوي تتصلين عليه...
ومسأله سهره مع اصدقائة عادي وش فيها، انتم للحين كل واحد عند اهله يعني ما بعد سويتوا حفل الزواج، لكن اذا تزوجتوا وسكنتوا في بيت واحد وهو كل يوم طالع وسهران مع اصدقائة ذيك الساعة يصير يحقلكي تزعلين، اما الان ما ادري ليش اصلا هالشي يضايقكي...
بعدين اختي نصيحه اخويه لا تدققين في الامور الغير مهمة(اسمحيلي التافهه)، اختي.... اذا الحين تزعلين لما تسالينه عن لونه المفضل ولا يجاوبكي، وتقولين متخاصمين لنا اسبوعين وما ارد على اتصالاته، اجل بكرة اذا تزوجتوا وش بتسوين...
اختي الحياة الزوجيه مهيب لون مفضل ولا ستايل معين، الحياة الزوجيه السعيدة هي انكي تتقبلين شريك حياتكي بكل عيوبه وتكونين مبسوطه وتتعايشين مع هالعيوب، يعني مرة تتنازلين ومرة يتنازل...
لكن انكي تزعلين لانه ما يجاوب على اسألتكي، وعشانه يسهر مع اصدقائة صراحه مالكي حق...
وصراحة اختي......وبدون مجاملة وبدون زعل لما قريت عنوان الموضوع احسب عندكي مشكلة صعبة قلت خل نحاول نساعدكي فيها، لكن تفاجأت ببساطة/سخف الموضوع...
اختي ..... اذا فعلا تبين تصيرين سعيدة في حياتكي وزواجكي اهتمي بالامور المهمة واتركي عنكي هالسخافات. واذا انتي فعلا تعتبرينها امور مهمه، انا ما اتصور انكي انسانه مستعدة/مؤهله فعلا للزواج...
يمكن كلامي كان شوي قاسي لكن يعلم الله ابي اوصل لكي الفكرة...
واتمنى لكي اختي.... كل التوفيق ان شاء الله...
التعديل الأخير تم بواسطة وردة بين الثلوج ; 11-09-2009 الساعة 05:17 PM
09-09-2009, 05:39 AM
ضوابط المشاركة
العرض الشجري