05-09-2009, 08:31 PM
|
المشاركة الأصلية كتبت بواسطة روح الطير
 تحتاجي رأينا و لا فقط رأي أميرات ؟ أنا بأقول اللي عندي ، و لا أحد يزعل مشكلتك سهلللللللللللة جدا ، بإختصار إنت مانت فاهمة زوجك بإختصار ، زوجك مثل الطفل ، يرضى و يزعل بسرعة و بسهولة و عشان أطمنك ، بأقول لك ، الرجال اللي كل شوي يهدد ، ترى باتزوج وووو إلخ تراه بس كلام و لا تصدقيه و إنت لازم تكوني ذكية في المواقف هذه نجي للمشكلة الأصليةة من بدايتها : 1 - الشغالة غلطت يوم نسيت المفتاح برة ، لكن ماهي هذيك المشكلة فين المشكلة طيب ؟؟؟؟؟؟؟؟؟؟؟؟؟؟؟؟؟ جايتك بالموضوع : 2 - زوجك جاي من برة تعبان ، و توه مصلي التراويح و أكيد لسى ما أرتاح من تعب الصيام و يوم إنه رجع و شاف الباب مقفل و عصب ، و شتم و سب هنا ( إنت غلطتي ) صح إنت في نظرك ، إنك ما غلطتي و إنك سكتتي و ما رديتي عشان لا تكبر المشكلة لكن هو شايفك غلطانة و إنت شايفته غلطان حل المشكلة وقتها : كان المفروض يوم إنك فتحتي الباب و شفتيه برة معصب ، كان وقتها لازم تعملي نفسك إنك انفجعتي عليه و كان ممكن تمثلي عليه إنك زعلتي عليه و خفتي عليه ، و كان ممكن تمثلي قدامه إنه الشغالة هذه غلطانة و كان المفروض ما تعمل كذا وووو إلخ هو وقتها ، راح تهدأ عصبيته و راح يسكت يوم يشوفك عصبتي عشانه و كان ممكن وقتها تقولي له ، خلاص أنا بأخاصمها و أنا راح أعمل فيها وووو إلخ ( بس كلااااااااااااااااااااام ، مو فعل ،، عشان تاخديه على عقله ، مو قلنا الرجال مثل الأطفال ؟؟؟؟؟ )  لا تاخدي زوجك بالعضلات ، و لا بالتطنيش ، خذيه بالحنان ، احتويه يا قلبي تعرفي إنت إيش عملتي وقتها ؟؟؟؟؟؟؟؟؟؟ أتوقع ، طالعتي فيه بكل برود ، يعني كأنك تقولي له إيش فيك مكبر الموضوع ؟ خلاص ما يستاهل الموضوع ، و هو حس و شعر وقتها بتجاهلك له و علشان كذا عصب عليك ----------------------------------------------------------------------------------------------- طيب فرضا ، مانتبهتي وقتها ، و هو عصب عليك و شتم و سب .. ( ترى ما كان يقصد زوجك الكلمة اللي قالها ، هو كان يبغاك تتصرفي بمثل ما قلت لك ) طيب ،، زوجك راح عند التلفزيون ، و إنت تركتيه و رحتي عند الأطفال .. إنت رحتي عند الأطفال ، عشان تتجنبي أي مشاكل ، و هو جلس عند التلفزيون عشان ما يغلط أكثر إنت زعلتي منه و تستنيه يجي يراضيك ، لكن هو شايفك غلطانة إنك طنشتيه و ما اهتميتي بكلامه و عاملتيه بكل برود ، و الإنسان العصبي يقتله البرود و التجاهل ،، إنت هنا ، كان ممكن تفكري بطريقة ، كانت جنبتك كل المشاكل هذه / كيف ؟؟؟؟؟؟؟؟؟؟؟؟؟؟ بعد ما رحتي عند الأطفال و تركتيه ، و هو جلس عند التلفزيون كان ممكن تروحي و تجلسي عند التلفزيون ، راح يطالع فيك بعصبية و يمكن يطول لسانه مو مشكلة ، مايقصد و يبغى يطلع حرته إنت كان ممكن تجيبي حلى أو قهوة ، الرجال توه راجع من المسجد تعبان و كان منتظر أحلى استقبال و إذا ما عجبه الشئ هذا ( لإنه دحين هو منتظر أي فرصة يطلع حرته ) كان ممكن تجلسي أو تعدي من جنبه ، و تطالعي فيه ، تبتسمي و حتى لو كشر في وجهك حاربيه بأنوثتك شوي شوي ، تقربي منه ، و قولي له أكيد تعبت اليوم و صح الشغالة غلطانة و أنا راح أخاصمها دحين خليه يشيل دحين من مخه إنك إنت الغلطانة و شوي شوي ، كان ممكن تحلوها و تنسوا الموضوع بشوية دلع و خلاص انتهينا بتقولي كرامتي و شتمني وووو إلخ ، يا أختي الرجال ما كان يقصد الكلمة بمعناها و لا تدققي في كل شئ و تخسري حياتك و تشتتي أطفالك و زوجك ---------------------------------------------------------------------------------- طيب ، ما رحتي له و بعدين خرج هو .. هنا أكبرررررررررررررررررر غلطة عملتيها يا حلوة زوجك لا تسمحي له يخرج من البيت و هو زعلان ، إنت ما تعررررررررررررررررررررفي إيش بيواجهه برة و هو زعلان / * أصحاب السوء و مو شرط أصحاب السوء ، ممكن أي واحد من أصحابه اللي يبغوا له الخير يشوفوه زعلان و يجلسوا على راسه ، إيش فيك متضايق و مين مزعلك ( نحن الحريم يوم نكون زعلانين و تجي وحدة تواسينا ، ما نصدق و نقول لها كل شئ ) و واحد من أصحابه يكون عنده أخت و لا بنت ما تزوجت ، و ما يصدق لقى له فرصة مناسبة * غير أصحاب السوء ، راح يتعود إنه يستغنى عنك وقت زعله و يرضي نفسه لوحده * راح يقابل بنات في الشوارع ، في الأسواق و لا في أي مكان و بنات السوء زادوا هذه الأيام * لا سمح الله يصير فيه حادث و لا شئ ، و تندمي طول عمرك زوجك ما كان المفروض تخليه يخرج ، كان ممكن تدقي على جواله أول ما فتح الباب يقول لك إيش فيه ؟ قولي له تعال أبغاك أو ما معاك جوال أو مقفل هو جواله ، روحي بسرعة عند الباب و اسحبيه للغرفة راح يحسب إنك بتناقشيه في المشكلة و مشاكل ووو إلخ بس إنت فاجئيه و احضنيه بشويش و شوي شوي ، و راح يطالع فيك بإستغراب قولي له ، ما حبيت تخرج من البيت و إنت زعلان كيف تبغاني أجلس لوحدي و إنت زعلان و زي كذا ، ألحسي مخه بكلمتين ------------------------------------------------------------------------------------------------ طيب ، مو مشكلة ، خرج و رجع يوم إنه خرج برة ، كويييييس إنه دق على جوالك ، يمكن هدأت أعصابه شوي برة و إنت كان ممكن تدخلي الجوال معاك و إنت بتتحممي ، مافيها شئ يوم رجع من برة ، شافك مانت مهتمة لزعله ، مانت مهتمة لجلوسه لوحده عند التلفزيون ، مانت مهتمة لخروجه من البيت و هو زعلان يا أختي ، مين اللي يرضى على نفسه حياة مثل كذا ؟ الرجال جاي من برة تعبان و مصلي التراويح ، و مستني أحلى استقبال جاب لك شغالة و ما قصر معاك ، فضييييي روحك عشان تهتمي فيه و تدلعيه ما جاب لك شغالة عشان تنامي و ترتاحي من شغل البيت ، يبغاك تتفضي له رجع تعبان زوجك و لقي الباب مقفل و عصب و شتم ، كان ممكن تحتويه راح و جلس لوحده عند التلفزيون و مل من جلوسه لوحده و خرج برة و رجع و ما لقي اهتمام و شافك تتحمي عندك شغالة ، لييييييييييييييه ما فضيتي نفسك من قبل لا يجي و تحممتي ؟ ليه ما جهزتي نفسك قبل لا يجي زوجك بساعة على الأقل ؟ ( هنا معاه حق يزعل ) و الإستحمام مو حجة ، عندك شغالة و مافي شئ يشغلك عن زوجك بتتكلمي بالجوال مع زميلاتك ، جاراتك ، أهلك ، أمك ؟؟؟؟؟ عشان كذا هو عصب بزيادة ، ما لقي غير البرود و اللامبالاة و إنت بزيادة زودتيها و قلتي له ، لا تكلمني كذا مو هذا الرد اللي هو توقعه منك ، يعني سكتي سكتي سكتي من البداية و في الأخير / لا تكلمني كذا ، أنا زوجتك .. خلاص من المغرب و إنت تصارخ .............. إلخ صبيتي البنزين على الناااااااااااااااااااااااااااااااااار يعني زودتيها ، أدري إنه كان قصدك تردي كرامتك ، بس ارجال ما يقصد قلت لك ، هو عصبي مثل ما إنت باردة ، ربي كذا خلقنا ، و هو بيحاول يتمالك أعصابه كل شوي بس لسانه متبري منه ، و إنت بأسلوبك الحلو ممكن تساعديه إنه يبعد عن عصبيته و تطفي نارها لكن طريقة ردك تقهره ------------------------------------------------------------------------------------------------- افهمي زوجك و احتويه ، و لا تكبري المشاكل و تقولي إنه يحسبني ميتة عليه ووووو إلخ و المفروض يوم تزعلوا ، ما تطلعي و تتركيه في الغرفة ، مهما حصل لا تخرجي من الغرفةة بكرة راح يتعود و ما راح تفرق معاه الرجال ما جاء و هدد ، إلا لإنه حس إنك مانت مهتمة فيه و إنك تعامليه بكل برودة خليك حكيمة |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري