المشاركة الأصلية كتبت بواسطة عاشق الجواهر

طيب هل بتتقبل ان زوجة المستقبل اللي تعمل معاك بنفس الشركة

تتصل على زملائك بالعمل وتسأل عن معاملات واوراق وزملائك يعرفون انها زوجتك يا ماجد ؟؟؟

اذا من البدايه لا خطبة ولا هم يحزنون وكل كلمة تتضايق منها

عزيزي هذه مشكله الشركات اللي فيها اتصال بين جنسين

مشاكل بينهم مستمره للأبد

اذكر لما كنت موظف بالبنك كان فيه موظف 24 ساعة مزعجنا فلانه تحبني وفلانه تحبني وهذي معجبه فيني من اسلوبها

وكله كلام فاضي

انت مقتنع بالبنت وباخلاقها توكل على الله

واذا انت تشوف انها كلمة شخص بالشركة قبلك وطلع يلعب عليها وكلمتك انت بعد لا تخاف عليها

ما جاها شئ لما اكتشفت ان زميلك بالعمل يضحك عليها ولا راح يجيها شئ لما انت تتركها

تزوج زي العالم والناس ودق الباب .

كلنا عندنا خوات ولا نرضى احد يكلمهم بالتلفونات حتى لو قصده زواج

فيه اصول وفيه عادات وتقاليد وفيه دين يحكمنا

ليه تمشي بهالطريق وانا اخوك

اذا تبي الصراحة انا رجل ارفض هالنوع من الزواجات جملة وتفصيلاً

ولا تخاف عليها ماراح يجيها شئ عكسي

حتى لو حدث لها شئ عكسي انت وش دخلك ؟ ارضي ربك واقطع علاقتك المحرمة مع هالفتاة

ومثل ما قلت لك بالبداية جربت حظها اول مره مع واحد من زملائك بالعمل ولا ظبطت معاها

والحين تجرب حظها معاك ولو هي فعلا عارفه خطأها وتابت الى الله كان ماعطتك وجه ولا ارسلت لك رسايل ولا كلمتك

كان اخذتها عبره من اول مره ضحك عليها زميلك بالعمل وكان يتسلى فيها كان عرفت ان هالطريق مسدود

كان من اول ما قلت لها ممكن جوالك علشان اتصالات عمل قالت لك لا اذا انت معجب فيني او تبيني هذا رقم جوال اخوي او ابوي

لكنها عاادي تكلم ولو تتركها صدقني بتحول على شخص غيرك بالعمل ايضاً

وبعدين وش ماعلقتها 5 سنوات معاها وتقول ماعلقتها اجل متى بتقول انك علقتها بعد 15 سنه بتقول ايه معاكم حق انا علقتها 15 سنه ؟؟؟؟

اعتق البنت لوجه الله وخلها تجرب حظها بواحد غيرك