السلام عليكم و رحمة الله و بركاته

ابغى اقولكم عن مشكلتي و ياريت تعطوني حل لاني بصراحه طفشت

انا دحين ليا 4 شهور متزوجه بس حياتي مع زوجي اتصفت بالملل
زوجي مرة عصبي و انا من عصبيته سرت اخاف اسوي اي حركه معاه يعني ما في لا حركات دلع و لا غيره يعني من الاخير سرت بعيده عنه

حتى ايام الخطبه كنت مرة قريبه منه و ادلع عليه اما ادحين ما في شئ

حتى هو بصراحه طفش من الحياه معايا بسبب برودي و ما في شئ جديد
يعني اذا هو طلبني انام معاه رحت معاه ما قلي تعالي ما اروح جنبه و لا امسكه

نفسي كل يوم لما اجي انام امسكه احطه على صدري و اهمس في ادنه احبك مني قادره احساسي و شعوري ناحيته كلها رسايل بالجوال

و الله احبه و اخاف عليه من الهواء الطاير بس مني قادره اتقرب انا طفشت و هو كمان طفش

بجد مرررررره محتارة حتى هو سار يقولي انا مني متزوج انسانه انا متزوج جماد ما يسوي شئ

الله يخليكم اعطوني حل و افكار اتقرب منه مهمها كان دا جوزي بس خوفي منه و الحيا الا فيني مخليني بعيددددددددددددددده

أنا زوجي عصبي وانا زي الشرارة
حياتنا في البداية كانت زيكم وكانت دائمة المشاكل....
لكن انا اقولك اولا عليكي بالصراحة...............اتصارحوا اولا بما يريده فيكي ....وبالمقابل انتي ردي عليه عن مدى خوفك من عصبيتع .....وهو اكبد حيقلك ايش يكره فاجتنبي مايكرهه..
الامر يحتاج ذكاء...

يعني مثلا اردتي تدلعيه بحركات حلوة مثلا قبل النوم....شوفي مزاجه اذا كان رايق...
اكتبيله كرت حلوة عالمخدة....فيه كلمتين حلوة...وحتشوفي ردة الفعل....وعلى اساسها انتي تكملي ولا لا.....

ابدأي في مراقبة ماذا يغضبه ويستفزه......دلعيه بالرسايل,,,دلعيه بالصوت الهادي والكلام الحلو حتى وهو معصب....وبالصبر كل شي يليييييييييييييين

والله يسعدك

الف مبروك يا عروسة

ربي يتمم لكم و يجمع بينكم دايما على الخير ..

ببساطة عزيزتي صارحيه ... بيني له كم انك متضايقة من برودك معاه و نفسك تدلليه و تدلعيه

لكن خايفة منه و من عصبيته ...

واذا ماعندك الشجاعة على مواجهته ... اكتبي مشاعرك كلها على رسالة ورقية

وبعدها روحي زيارة لبيت اهلك مثلا و خليه يقراها لوحدة عشان يفكر

واوعديه انه لو بطل عصبيته و ساعدك راح تسوي له كل اللي يحلم به


و انتي كمان من ناحيتك يا قمر قوي قلبك و ابدأي بالاشياء الخفيفة

مثلا .. شوفي متى يكون رايق و هادي و اقعدي جنبه

او اقعدي بحضنه وقولي له اشتقت لك اليوم... اكيييد ماراح يعصب عليك ..

اذا كان واقف يسوي شي و رايق و هادي .. احضنيه من وراه و اهمسي له احبك ..

اذا قاعد يتفرج تلفزيون مثلا .. جيبي طبق فاكهه و اكليه بيدك ..

اذا شفتيه مللان ومو عارف ايش يعمل .. قولي له تلاعبني ورق و الفايز يحكم عالثاني

بس خسري نفسك عشان لا يعصب

اذا راجع من يوم طويل و تعبان اساليه .. حبيبي اعمل لك مساج ؟؟

اذا قاعد وممدد عالسوفة .. جيبي كريم و ادهني له رجليه و دلكيهم .. مع كم دعوة طيبة لانه يتعب طول اليوم

بالشغل زي ربي يخليك يا عمري.. فدييييت اللي يتعب عشاني و من هذا الكلام

بالليل لما تنامو ارفعي التكييف و الصقي فيه قولي له بردااانه

اشياء زي كدا خفيفة و بسيطة .. ما اعتقد انه في رجال بيعصب منها .. ولا كلامي غلط يا اعضاء

و بعدين لما تتعودي و تشوفي انه الموضوع سهل و ما عصب من شي .. ابدأي بعدين بالاشياء الثقيلة

من ليالي رومانسية الخ .. اهم شي تختاري الاوقات المناسبة

مش يكون متكلم بالتلفون و معصب من صاحبه تجي انتي تحضنيه .. الا اكييييد بيطلع حرته فيك

و اخيرا .. حاولي دايما يكون بيتك مرتب و اغراضه جاهزه دايما و اكله من طبخك عشان لا يكون في

سبب يعصبه...

و الصبر اخيتي .. بالصبر كل شي بيصير

ان شاء الله اكون افدتك عزيزتي

ربي يوفقكم و يجمع بينكم و يبعد عنكم كل شر يااارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اشكركم اخواني افكار حلوة و بسيطه

و ان شا الله اتشجع و اسويهيا و اشوف النتيجه

ربي يسعدكم ان شا الله

الرجل ليس كائن غريب او جاهل بالعكس توجد اسرار اذا فهمتها الزوجه راح تكون ملكه
الحياه سهله جدا يبغا ليها ذكاء وهو في الاخير زوجك وابو عيالك الله يرزقكم الذريه الصالحه
وافضل شي ليكي تختاري جو يكون هادي مره مافيه ازعاج او تعب البسي وتعطري كويس راح يقول شي لو كلمه فرضاً
مثال (اش الريحه الحلوه ) راح يكون في حيا وراح يكون الرد (عجبك) يعني كلمه وكلمه هو راح يبان من كلامه
والحياه مو صعبه .
تحياتي

انصحك بشريط فهم النفسيات بين الزوجين للاستاد جاسم المطوع شريط رائع به حلول لمشكلتك

أيضا شريط بحر الحب للشيخ ابراهيم الدويش

-أيضا شريط أنماط السلوك للدكتور مريد الكلابي


عليك بالصبر والحلم

-وعليك بالدعاء والزمي الاستغفار

-عليك بالبشاشة والتبسم مع زوجك رحبي به وهللي إذا قدم من خارج البيت

-أشكريه على الاشياء التي يأتي بها حتى وأن كانت واجبة عليه

-خلك دائما عروسة في منظهرك وكلامك

عليك بالدعاء أن يهدي الله زوجك ويلين قلبه والزمي كثر الاستغفار كل يوم وسوف يزول غضبه وعصبيته

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

تسلموا اخواني الله يعطيكم العافيه

ان شا الله يسير في تغير و لو عندكم افكار كمان جديده يا ريت تفيدوني

يسلموا على الموضوع الحلو الله يعطيك العافيه