حلوووو الموضوع .. عسى ربي يحلي ايامك يارب و يحفظ اسرتك الجميلة و يخليك لهم ....

بس حرام نعمم و نقول رجال هذا الزمن عكس .. بالعكس .. كثيير فيهم الخيرر و الله يكثر من امثالهم ...

اتذكر مرة طبخت ببيت اهلي وطلع الرز .. وحدة نية ووحدة مطبوخة ... طبعا اخواني انواع التعليق

اللي مسك اسنانه و اللي قال تبي تمغصينا ..و اللي قال الله يعين الي بياخذك

بس ابوي الله بحفظه .. قعد يقول هذا هو الفن هذا هو الطبخ الاصلي ..

سهل الواحد يطبخ رز و يخليه كله ني او كله مطبوخ زين.. لكن المهارة كيف تخلي وحدة ني و وحدة لا

وهم مطبوخين بقدر واحد و بوقت واحد الله يخليه عمره ما نهرنا او تعالى على طبخة ..

اللي نحطه ياكله الله يعافيه اهم شي انه طبخ البيت مو من بره ...و الحمدلله زوجي نفس الشي ..

و بالمقابل .. جارتنا مسكينة زوجها يقلب الاكل كله اذا كان مو اللي براسه

اتخيلي يا خاله اميرات مرة قلب صحن الغدا لانه السمك كان مقلي مو بالفرن

الله يعين ...

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله