اخواني اتمنى تساعدوني ولو بدعوه


عندي مشكله ولها سنين وماقدرت احلها مع اني حاولت بشتى الطرق والوسائل اتمنى انكم تساعدوني
المشكله....... أخوي وصلاته
تمر أيام لايركع فيها والله اني اكتب والحزن يعصر قلبي
واذا صلى يوم اسبوع مايصلي والله انه يقوم من النوم ويلبس ويطلع من البيت ولا يصلي المسجد مايدخله كثير وصلاه الجمعه نادرااا يصليها معي في المسجد ماخليت شي نصحته بطريقه حلوه فهمته وشو عذاب تارك الصلاه مع انه عارف بس اذكره حتى الوالده تتكلم دايم معه عن الصلاه وتنصحه واذا احد نصحه
يعصب ويعقد حواجبه
اذا جيت اطلع للمسجد امره اقول امش معي نروح نصلي وبعدها عندي مشوار ابيك تروح معي
والله كله علشان يروح للمسجد
مرات يطاوعني ومرات لا
اروح وارجع وهو على جلسته واذا تكلمت معه واحرجته اقول ليش ماصليت يقول صليت في البيت

وبحكم عملي ما اكون متواجد احيانا اوقات الصلاه
استخدمت معه اسلوب الشده بعد ماجربت كل الطرق

ولاكن حالته تزود يوم بعد يوم مدري كانه يعاند الله يهديه
والله اني انصحه باسلوب حلو اذا كنا انا وياه لحالنا
واقول لاتعصب الصلاه لك وهذا من خوفي عليك وحبي لك

ارسلت له رسائل تحث على الصلاه ولاكن لما افتح جواله بعد كم يوم ما القى شي يمسحها

حتى الوالده تحاول فيه اذكر موقف مره جيت الا وهي جالسه عنده عند راسه وتبكي.....
هو نايم كان يوم جمعه

حاولت اهديها تقول من اليوم اصحيه يقوم يصلي مع الجماعه والناس صلت وخلصت وهو نايم
قلت لها ادعيله بالهدايه وذكرتها بقوله تعالى
(إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاء)

قالت والله ادعيله في كل وقت ان الله يهديه وينور بصيرته

الحين شورو على وش اسوي معه طبعا اخوي اصغر مني وعمره 23

ولا تنسونى من دعواتكم

أخوك لازم يكون مقتنع تماما بأهمية الصلاة ويكون عنده خوف من تركها لأنه إذا كان مايصلي إلا عشانكم يعني مو عشان الله فراح يصلي إذا كان قدامكم ولو أحد ما شافه ماراح يصلي أنا اقترح عليك إنك تحاول تذكره بأهمية الصلاة وعقوبة تاركها وإنك تخوفه من الموت وسوء الخاتمة تناقش معه وأهده كتب وأشرطه أرسل له على الإيميل أو على جواله ركز على الأسلوب القصصي إذا كان يأثر فيه وأكثر من الدعاء له وحرص الوالده على إنها تدعيله وحاول إنك تبعده عن رفقة السوء والله الله بزوجه الصالحة اللي تعينه على دينه أحيانا يفشل الأهل وتكون الزوجه الصالحه هي الحل .
والله يهديه وينور قلبه ويجعل الصلاة قرة عينه وإن شاء الله تشوفه إمام مسجد ما فيه شئ على الله بعيد.

الله يجزاك الف خير
بس والله جميع الطرق استخدمتها معه ومن ناحيه الاشرطه احط في سيارته بس ما يشغلها

ارسل على جواله يمسحها

اذكره بالموت كثير وبالقبر والعذاب حتى وريته مقطع كيفيه تغسيل الميت والله تاثر منها حتفظ على الصلاه كم يوم ورجع مقل اول يتهاون


اوالده قبل كم يوم قالت شف داعيه يكلمه يمكن ربي يهديه على يدينه لان عندهم اسلوب

هل عنده أصدقاء؟

إذا عنده أصدقاء قريبين من بيتكم اتفق مع واحد منهم يمر عليه ويروحون المسجد مع بعض

لو تدبرنا قول الله سبحانه: (وإنها لكبيرة إلا على الخاشعين) فإن أخوك يحتاج أولا أن يخشع والخشوع يظهر أولا على القلب

لو تاخذه معك إلى مستشفى الأمل أو أي مستشفى فيه مجانين أو أشخاص معاقين واطلب من أحد الأطباء أن يأخذكم في جولة على المرضى ويشرح أسباب حالاتهم
أنا أعتقد بإذن الله أن هذا له أثر عليك وعلى أخوك كذلك


وإذا لم ترى تحسن في حال أخوك مع الصلاة فأنا على يقين أن أنجع الحلول هو الدعاء (وقال ربكم ادعوني أستجب لكم)

لا تحاتي الاجابة
ولكن اهتم اهتمام كبير بالدعاء
ادع له في في سجودك وفي آخر الصلاة وبين الأذان والاقامة وآخر ساعة من يوم الجمعة

يقول سبحانه: (رضي الله عنهم ورضوا عنه)

فاجعل النية أولا في سعيك لاصلاح أخوك هو (أن الله يرضى) واسعى لرضى ربك فإنه إذا رضي سيرضيك في كل شي حتى مع أخوك

ولا تستعجل النتيجة وعليك بالصبر والمعاملة الطيبة

اللهم أصلح والدينا واخواننا وأقاربنا وجميع المسلمين

اللهم امين ربي يجزاك الف خير

والله اني ادعيله في كل وقت

اخـوي كان زيـه .!

بس اشوى اخوي اذا قلناله قم صل قام .. بس الحين كبـر وعقل وصار يفهم ويصلي من حاله وبالمسجد ماشاءالله
وتذكرت شي واحد الي بذرتـه صالحه لاااااااااااااابد لابد بأذن المولى عزوجل قلبه يحن ويخاف من العقاب

بس انت خلك ورااااااه مره مره لاتتركه ولاتمل .. تلاقيـه هو اصلا مو راضي عن نفسه ووده يقوم بس متعيجز ..

ودي اقول شي بس مستحيه ؟!

الصراحه يمكن هو مدمن على العـاده السريه .. وهالشي يخليه يعجـز يقوم يتروش عشان يصلي

فا مره يطاوعكم ومره لا .!! والأدمان على العـاده يسبب الكسل والخمول .. والبعد عن الصلاه

اتـوووقع هذا السبب ..

وفيه احتمال ثاني يمكن انه يحس بثقل وكسل تجاهه الصلاه ..

بس انت خلك وراه ودايم اطرح له مثل انه انت توفقت بشي زي الدراسه او العمل او زواج وكله بسبب الصلاه بعد الله عزوجل

يعني اذا سولفت معاه خليه يتخيل .. انه ماشي ومبسوووط وآخر همه مايدري الا ملك الموت واقف قدامه بهالوقت وش راح تكون ردة فعله ؟! وخليه هو يحلل الموقف براسـه

او يكون نايم وقام وماصحاه الا ملك الموت وهو كان مفوت صلاه .!؟ وش بيسووي اذا شافه ؟!

بس خليه يخش جو بهالخيال .. عشان بجد يبدى يفكر ..

الله يهديه ياااااااااااارب ويصلحه .. وادعيله .. دعوة السملم لأخيـه السملم في ظهر الغيب مستحابه ..

الله يهديه ويصلحه ويشرح صدره .. ويعلق قلبـه بالصلاه بالمساجد ياااااااااااارب ..

__________________
{ احبــــ ـــكم بلا استثنـاء ~

المشكلة بأصحابه و الله أعلم أصحابه من الشباب اللي ما بصلوا أو بقطشو الصلاة مرة بصرلو و عشرة لأ
أخي نفس المشكلة
و ما حدا قدر يتعامل معه بأي طريقة
و تاركين الزمن يهديه طبعا مع المحاولات
و خصوصاً من قبل الوالد - الله يحفظه- و برأي زوجي انه بجيه يوم بركز و بصلي و بطلب الزواج و من هالكلام
و انا دائما خايفة عليه
لما بناقش أخي بالموضوع أجد عنده معرفة تامة بمعصيته و دائما يدافع عن نفسه انه هو مو كافر لأنه لا يترك الصلاة عن جحد و انكار لفرضيتها و انه مو تاركها بشكل نهائي و من هالمبررات
الله يهديهم و يهدي جميع أبناء المسلمين آمين

__________________
.
.

استودعتك أهلي في سوريا يا من لا تضيع ودائعه

وعليكم السلام والرحمه،،

توجد رساله وصلتني بالبريد بعض من مافيها ،،

" هذا الرقم أرسل له رقم جوال من تحبه وهو لايصلي فسوف يتواصلون معه بالرسائل التذكيرية بسرية تامة دون أن يعلم المرسل له أن لك أي صلة بالموضوع وهذا المشروع تبناه الشيخ حسن إبن الشيخ القعود عضو هيئة كبار العلماء رحمه الله،،

ابحث عنها في قوقل وتأكد من مصداقيتها قبل ذلك وإن شئت أرسل رقم أخيك ،،.

أصلح الله حاله والجميع .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..