إن جيتي للحق صحيح شي يقهر ويفقع .. يعني انتي تزوجتي عشان بدال ما يكون واحد مسؤول عنك تصير قبيله

تسألك وين رايحه ومنين جاية وشنو شريتوا .. يووووووووووه

لا والأكثر تهربين من دخان الرجال يطلعون النسوان يدخنون ..

بس الكلام الحين ما في فايده لأن المفروض زوجك اهو الرجال ويعمل خصوصية لحياته

ويفرق بين حقوق الأم وحقوق الزوجة .. ما قلنا يهجرها وما يسأل عنها .. بس هاللصقه الزايده ليش

بعد لو لحالها عايشه قلنا يمكن لكن عندها بنت تسليها ويمكن ابوه للحين عايش

طيب وعايشه ومعاهم بنفس البيت هالاسئلة الزايده ليش !! وهالتدخل الي ماله داعي ليش ؟؟ !!

وتنتظركم في الحوش ليش ؟؟ !!

ناس كثار عايشين مع اهل أزواجهم بس امهاتهم ما يسوون كذا

بس خلاص هذي امه وهذا طبعها وهذي طريقة تربيتها لولدها .. وخاصة الكبار في السن وين تتفاهمين

معاهم .. ما تقدرين حتى لو تتفقع مرارتك خلااااااااص الي في راسهم في راسهم

خلاص زوجك متربي على يدها انه لازم يصير كذا .. ما يقدر يسوي الا الشي الي تبيه

يا اختي هذا نصيبك .. كان شرطتي من الأول تكونين مستقله بشكل كامل

لكن الحين ما فيه إلا تصبرين .. في مشاكل دواها الصبر والزمن هم كفيلان بحلها

وبعدين احسن لك ما تطبخين وش لك بالطباخ الي كل يوم

فطور وغدا وعشاء .. وفطور وغدا وعشا .. وفطور وغدا وعشا ..

وش لك بجلسة الصبح كل يوم على الفرن .. وش لك بريحة البصل والحماس كل يوم ..

ارتاحي بس .. ونزلي كلي وياهم عادي لين يملون ويمكن ما يملون بعد

خذيها راحه وإجازة وكنك للحين ببيت اهلك مو مسؤولة عن مطبخ ولا حاجة

وبردي على قلبك .. و خففي شوي من التحسس واخذي الامور بروح رياضية

خليها تراقبك وتقول الي تبيه وانتي تأقلمي مع الوضع واعملي الي تبينه

وانسي ان معك ناس .. سألت والا ما سلت جاوبي وطنشي الموضوع

لا تعملي ضغط نفسي على نفسك .. تجاهلي ان هذا الشي يطفشك

أما بنتك هالمسكينه اهي ضحية ابوها وجدتها وعمتها ..

صدقيني لو عملتي مشكله مراح يخسر احد غيرك اهي امه وراح تبقى امه ومهما عملت بيسامحها وبتسامحه

أما انتي يمكن يشيلون في قلبهم من ناحيتك لو عملتي شر وفكرتي تقاطعينهم ويبقون كذا على طول

اصبري هي فترة طويله أو قصيرة بس إن شاء الله تعدي

__________________

خواتي ام جمانة وباريسا
انا ماكان قصدي لما قلت ابصير آكل فوق اني بقاطعهم
لا والله يعلم كل قصدي بس استقل والا انا اكلمها عادي واعاملها زين وماعمري ضايقتها كل هالشي عشان زوجي والله يعلم

بس هي مصختها بزيادة

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

انا عارفه يا دلوعه

بس قلت لك أن في مشاكل مالها إلا الصبر والزمن كفيل بحلها

يعني خلاص أهل زوجك هذا وضعهم وما تقدرين تغيرينهم

الزمن كفيل يغير كل شي

بس قصدي من كلامي انك تتقبلين الوضع وقد ما تقدرين تطنشين وتبردين على قلبك

لأن إذا بقيتي كذا نفسياً انتي ما بتكوني مرتاحه

صبري

__________________

أختي الفاضله أم جمانة ماشاء الله تبارك الله عليك وعلى كلامك ونصائحك كلها درر ***

الله يستر عليك ويوفقك ***

أختي الفاضله دلوعة الغلا ***

هونيها وتهون *** ونصيحه لن تستطيعين أبعاد زوجك عن أهله ( أمه ووالده ) ***

إلإ إذا خاطرتي بحياتك الزوجية *** لأنه سوف يختار والديه ***

زوجك ماشاء الله عليه بار بوالديه *** وهذا دليل أنه يخاف الله ومستقيم ***

وإلي مافيه خير لوالديه ليس فيه خير لزوجته وأبناءه ***

حاولي تساعدينه على بره بوالديه علشان تكسبين قلبه وعقله وجميع جوارحه ***

أما بالنسبة للدخان *** إذا شاهدتيهم يشربون خذي بنتك وأطلعي عنهم ***

لا تبحثي عن المشاكل *** لأن النتيجة معروفه لصالح أمه ***

ومستحيل أي أنسان في هذه الدنيا يخاف الله يفضل زوجته على أمه ***

لماذا لا تضعين نفسك مكانها ؟؟؟ وأبنك متزوج ويهتم بزوجته ولا يهتم بك !!!!!

بالتوفيق إن شاء الله 0

زوجي عتيق
اللهم آآمين وجزاك الله الجنة بغير حساب
وردك أيضاً كله خير على خير بارك الله فيك


بالفعل ياأختي إللي ماله خير في أهله ماله خير فيك
وأخلاقه تثبت انه ماينخاف منه أبد وينشد فيه الظهر ولاازكيه على الله






والله انك صادقة ياباريسا وأنا مثلك أقول وش لك في الطبخ والنفخ وقومة الصبح احمدي ربك انك للأن عروس تتلبسي وتجلسي
لا وكمان انت من كلامك تدرسي ولو طنت تطبخي لوحدك كان طبختي يوم وعشرة من برة وتتمنى لو أحد يقدم لكم غداء جاهز فاحمدي ربك ولاتغفلي عن النعم





أختي الغالية الله يسعدك انتبهي لكلامي الشيطان مايحب يشوف بيت سعيد لازم يحاول يدخل له من اي مدخل علشان ينكد عليهم

فهو مالقي عندكم طريق إلا هذا مع ان اوضاعك جدا رائعة
الحمد لله زوج يحترمك وطيب وعندك بيت مستقل تأخذي راحتك على الأخر
الطبخ تلاقيه جاهز ومايطلبوا منك تطبخي
وغيرك ساكنة مع أهل زوجة في نفس الشقة وماتقدر تأخذ راحتها لا في لبس ولاكلام وتطبخ وتنظف وصابرة

وأنت ولله الحمد أهل زوجك طيبين ويحبونك

فلاتخلي الشيطان يلاقي مدخل عليكم

تمعني ياأختي في هذا الحديث: قال رسول الله صلى الله عليه و سلم : (( إن الشيطان يضع عرشه على الماء يبعث سراياه في الناس فأقربهم عنده منزلة أعظمهم عنده فتنة
يجيء أحدهم فيقول مازلت بفلان حتى تركته و هو يقول كذا و كذا، فيقول إبليس لا و الله ما صنعت شيئا.
و يجيء أحدهم فيقول ما تركته حتى فرقت بينه و بين أهله. قال فيقربه و يُدْنيه و يقول نعم أنت)) .



فلا تحاولي حتى أن لاتنزلي للغذاء معهم فهذا ياعزيزتي معناه أنك تعلني الحرب وصدقيني أنت الخاسرة

وعدم نزولك على الغذاء معناه لاأريد أن اتغذى معكم وهذا خطأ جسيم ستوغرين قلب زوجك عليك ويبدأ الكره يتسلل لقلبه وعندها لن يأمن لك أبدااا


ولاتنسي هذا ولدها الوحيد اللي فرحت به من الدنيا ومن الصعب انها تشوفه يطلع وينزل مع غيرها فراعي مشاعرها ولاتلوميها واحمدي ربك انها ماتكون معاك في كل خرجاتك وماتقول بروح معاكم

بالعكس إذا انتوا خارجين تتمشوا كل بعد فترة ادخلي وقولي لها هيا تعالوا معانا نتمشى


تعوذي بالله من الشيطان وهذه ثالث محاولة ادخل علشان أغير رأيك ولابد أن تغيري رأيك لأنك أنت المخطئة

لن تستطيعي أن تغيري طبع أمه ولم تفعل شيء يضرك....عادي جاوبي على اسئلتها فالكلام ببلاش ماراح ينقص منك شيء

وبالنسبة للتدخين انك لاتهدي من أحببت وذنبها على ربها إذا بدأت التدخين اعتذري من أجل البنت واطلعي بيتك ولاتنسي تدعين لهم.

ومثل ماقلت لك اطبخي عشاء وجهزيه ونزلي لهم منه أو ناديهم يطلعوا يتعشوا عندك من طبخك وصدقيني زوجك بيكون مبسوط منك


أختي العزيزة اسمعي كلامنا وامدحي أم زوجك واكسبي زوجك وأمه وقبلها اكسبي رضى ربك واكسبي بر آبنائك بك عند كبرك.

__________________

__________________

الله يجزاكم خير جميعا لردودكم وماقصرتو
يجزاكم ربي الجنه

اختي ام جمانه يعطيكي الف عافية

ربي يفرج همي وهموم المسلمين جميعا

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

اصبري وماااا بعد الصبر الا فرج بقدرة الله تعالى

وبلااااااااااش تخربي بيتك انتبهي نصيحة لوجه الله تعالى

السلام عليكم ورحمه الله بركاته
حبيبتي الغاليه اني مشكلتي نفس مشكلتك
يعني لما نخرج اني وزوجي امه تتضايق لان ماناخذها معانه
واذا اشتريت شي اتضل تتكلم عليه على انه مو جميل
وعلى اني ابذر فلوس زوجي وهاذا الكلام مام زوجي حتى انه يتضايك جدا ويتغير عليه طبعه ولم اتكون مو موجدة طباعه كلها غير ومرات على اتفه الاسباب اتصير اتصيح عليه وتتكلم بكلام مايليق وانا اضل ساكته لاني ماابي ازعل زوجي بس تعرف هاذا الاسلوب غلط لازم تتكلمي مع زوجك ولازم تخبريه بكل ماتشعري فيه لازم ايكون على اطلاع لكن باسلوب جيد تخلي انا لما ما اجاوبها اتكله لزوجي شفت متجاوبني لانها تعرف انها غلطانه ولكن انا والله العظيم حيائي يمنعني ان ارد عليها وان ارفع صوتي بها لاني في بيت اهلي ماتعلم ان ارفع صوتي على من يكبرني
وفي بعض الاحيان عندما تصرخ عليه تتكلم مع زوجي تقول له بان يرد ولكنه مايحك ساكن يعني مايتكلم لانه يخشاها
واما بالنسبه لتدخلات الخوات فاخذي حذرك منها وتنبهي وحاولي بالتدريج ان تعزلي عائلتك عنهم ومن الضروري ان تفهمي زوجك بالامور لكي اذا حدث شي يكون لديه خبر بالامر
وان شاء الله الموفقيه والحياة السعيده

لا حول ولا قوة إلا بالله تدخين مرة وحدة

أحسني إلى أمه وحاولي الموازنة يعني لا تشدي وبإذن الله يتحول الأمر ويلينوا معك