اخي العزيز يمكن تزعل مني شوية بس احب اكون صريحة معاك وارجوا ان تتقبلها خليني ابتدي واقولك الرسول نصح الرجال وقال استوصوا بالنساء خيرا وقال كمان ان النساء خلقت من ضلع اعوج وان اعوج مافي الضلع اعلاه ان ذهبت تقيمه كسرته وان اردت فاستمتع بيها وبه عوج "وعشان كده هاقولك طبعا اجل موضوع الطلاق شوية
وتعالي نفكر نستخدم اساليب تانية انا ست ممكن اساعدك واقولك ممكن نحل شوية حاجات اذاي
اولا الست اي ست تحب جوزها حبيبها انه يجيبلها هدية كل فترة , يسافر معاها بمكان جميل ويقولها كلام رومانسي
ثانيا بجد هي عندها حق في حاجة كل الستات تقريبا تتفق عليها ليه الرجالة دايما ممكن تصدق الناس برة بيتها اي واحد يقابله هيصدقه قبل مايصدق مراته وخلينا نتكلم بصراحة انت فعلا كنت مش مصدقها كنت فاكرها بتحاول تتخانق معاك وخلاص صح
ثالثا الست تحب تحس انها ملكة البيت مش خدامة البيت والزوج يعني انت ممكن فعلا لو وسخت حاجة تغسلها تساعدها بالتنظيف مش معقوله انت توسخ وماتقدرش تنظف اي شئ او انك تحسسها انها خدامة دي مش ندية دي مشاركة فعلية وبعدين الرسول نفسه كان يغسل ملابسه ويساعد اهل بيته بالتنظيف يعني حاجة طبيعية بالعكس يمكن تحس مراتك انك بتشاركها بنظافتك الشخصية وطبعا المفروض اساسا ان الراجل لما يدخل الحمام ينظف وراه
اخيرا حسسها باهتمامك العاطفي يعني احضنها من غير مناسبة ولما يكون في موقف زعل وهتبتدي تتكلم وتصرخ بدل ماتقولها اسكتي بوسها واحضنها لغاية ماتهدي وفي نفس الوقت اهجرها بالفراش بس سيبها تنفس عن نفسها واعمل نفسك مش واخد بالك وقولها انت انثي وانا شايفك انثي مهما تعملي جميلة ورقيقة وياريت افضل اشوفك كده اديلها الانسانة اللي بتتمناها يعني تخيل انت تحب مراتك تكون ايه وحسسها ان الصفات دي كلها فيها بس هي مش شايفاها حاول انك تخلق فيها الروح اللي تحبها بطريقة نفسية تعتمد علي الايحاء انا حاسة انها مش متربية علي العاطفة ودي حاجة بتاثر جدا بالزواج واستحمل شوية كلنا كستات بنتعصب ونزعق لان مافيش في ادينا حاجة بس صدقني بندوب من كلمة حلوة وحضن ينسينا كل شئ
ابقي رد عليا ويارب يسعدكم

__________________
اللهم اهدي شباب المسلمين واجعلهم منصورين بالاسلام محافظين علي قيمه