بس حابه اضيف ملاحظة اني انا علاقتي باهله اكتر من ممتازة حتى بشهادتهم اني انا اكثر واحدة بزوجات ابناؤهم الي بوقف معهم بالمواقف اللي بتحتاج وقفه بجد ومع هيك وقسما بالله لما يصير عندنا اي مناسبة بيقصروا

اما بخصوص البيت فهو اكثر من رائع ولكن ام زوجي من الناس اللي بتهتم كتير بالمظاهر واحنا والحمد لله وضعنا على قدنا يعني بدنا نشتري البيت بدون اي مساعده من احد ورايحين ناخد قرض وحابين نستغل فترة عملنا الاثنين وهاي فرصه بالوقت الحاضر وبما ان العقارات اسعارها كل ما فيها بترتفع واحنا ما النا بصراحة حد نعتمد عليه الا الله ليعيننا فما هو كتير ضروري انو المنطقة تكون كتير راقية بكفي انو البيت مساحته ممتازة وبصراحة اذا ما اشترينا بهاي الفترة خاص راحت علينا

انا زعلي انو ما اجا ناقشني بالقرار وكان الموضوع ما بيعنيني وانا بس موجودة لما بدنا نوخد قرض ولما بدي ابيع كل مجوهراتي يعني بس انا هيك دوري وبصراحة اهل زوجي من النوع اللي ما بيساعد احد بس هم المهم راحتهم والكماليات وانا بفكر باسلوب شوي بعيد النظر لاني حابه استغل وضعنا لانو ما النا الا رواتبنا ومعضمها رايحه على الكماليات واشياء اخرى لا داعي لذكرها

طيب مادام انو رايي غير مهم ليش كنت اطلع ادور بيت بالساعات وبالحر واخر اشي طلع ما الي راي ؟؟؟