بما اني لسه راجعه من مباراة الفطبول الاسترالي

اخذت ابني وبنتي لان سيارة عمه كامله ما معهم محل لابني


نزلنا سيارتان ورا بعض


كان فريقي ضد فريق اولادي


ويا قلبي عليهم صار كلما فريقي ادخل غول يصفقو ارضاء لي


مع انو فريقهم غلب




رح اخبركم شو عمل وقت طلبت منه انو ياخذ الاولاد للفطبول




من سنتان القصه


طلبت منه ان ياخذ الاولاد للفطبول عشان ينبسطو حراام انا دايما آخذهم مشاوير انما فطبول مش معقول محجبه وادخل الملعب


وما كان يرضى ثم اخذهم مره

المره الثانيه كان رافض تماما فقلت له قومي انا ناوله معكم

رضخ اخيرا ووافق

كان يومها للحقيقه برد كتير درجة الحراره سبعه

شاطره ما حبيت انزل الفطبول الا والطقس جليد


كل الطريق ما سكت : برد رح تموتوني , انا ما اقدر قلبي ظهري , البرد يقتلني


وانا للحقيقه آخذت نفسي كثيرا : مجرمه رح تقتلي زوجك من اجل مباراة وارضاء للاولاد


الاستاذ وضع السياره في مكان بعيد , وامشو يا شاطرين بعز البرد والناس كلها ماشيه وساكته الا نحنا نازل فينا شتايم

عيب اقول شو كان يتلفظ


رغم كل البرد لكن كلامه كان اقسى من اي جليد



واخيرااا وصلنا

قطع لنا التيكت بالمدرج الثالث

لان المدرج الاول اغلى شي ثم الثاني ثم الثالث

والله لا تفرق الا يمكن ثلاث دولارات


المهم

المدرج الثالث ابعد والكلام يزيد


وكل درجه تصعدها وهو يقول : قلبي ويوقف كل شويه ويضع حبه تحت اللسان ,بدكم تموتوني , ما رح ترتاحو الا ما تلاقوني ميت


وانا قي قلبي آآآآآآآآآخذ نفسي على فعلي هذاااااا


آآآآآآخ اخيرا وصلنا

اخوه من الجنب الآخر والاولاد بدهم يروح لعند عمهم واولاد عمهم يكونو مع بعض


رفض وزمجر ولم يعمل حساب لحد

قلت للاولاد اسكتو يكفي انه رضي وجابنا


انتظرو شباب مش هنا القصه تابعو معي

والله لم يجلس على الكرسي , قال اجلسو , وجلسنا واراد الخروج



سألته : الى اين ؟؟؟؟؟؟

قال : نازل ادخن سيغاره





انتم اخواني


من سيقتله نحنا ام اللي يشربه


وطبعاااا نزل المدرج كله من فوق لتحت ورجع طلع وطبعا مش مره ثلاث مرات


وكان فريقه يخسر لذلك قرر انو نرجع البيت من ثالث ربع للمبارات

لان المبارات الاستراليه تكون اربع رباع








ومن وقتها قررت انو انا آخذ الاولاد للمباريات

وقلت له راقبني يمكن اظهر لك على الشاشه عم اهوبر للفطبول وقت يدخل غول

__________________
http://live.gph.gov.sa/
اللهم اني استودعك اولادي