مستجداتي بعد عودة زوجتي - منتدى عالم الأسرة والمجتمع

25-05-2009, 05:06 PM

#11

مظلوم الحب

عضو نشيط جدا

تاريخ التسجيل: Dec 2005

المشاركات: 1,061

رجعت لكم بعد وحبيت اخذ رايكم باللي سويته بعد ما رجعت

اللي صار بالفتره اللي راحت انا كنا مع بعض طبعا طول وقتها نايمه وكانت تتكلم معاي لما اسالها عن شي يعني تحاول

يعني ما فيه تحسن ذيك الزود قلت لها خلينا نراجع الدكتوره واوديك عند اهلك ترتاحي وانا بمشي راجعنا الدكتوره وسوت

تحليل للهرمون وللدم واكتبت لها جلسات فقلت تقدري تروحي لحالك لها قالت مو مشكله وخلال الفتره هاذي ما قصرت

معاها من كل شي من معنويات واطمنها ومن

ناحية العلاقه مافيه كان عندها الدوره هي اصلا ماتنام الا اذا نمت او تنام قبل لا انام وانا اللي اصحيها

بعد ما طلعنا من الدكتوره قلت بنتمشى ونشرب عصير مع بعض وتكلمت معاها قلت انا بتعاون معاك ومالك الا واحد يفهمك

لاني انا اللي بعيش معاك وعلاقتنا منقطعه يمكن هذا اللي مأثر علينا ولازم تحاولين معاي والله اني اقول هالكلام بأسلوب

حلو وانه مو كل شي العلاقه بس لازم يصير هالشي هذا بدون فعل ما بترتاحين وانا بحاول افهمك انتي فاهمتني تقول ايه

عطيتها مصروف ونزلتها بعد ما رحت وصلتني رساله الله يعافيك وكلفت عليك بالمواعيد والمصاريف وتعبتك معاي رديت عليها

قلت لاتقولي كذا انتي منتي غريبه واللي عندي حلالك الله يحفظك

من بكره قلت بمر الدكتوره واخذ النتيجه منها طبعا ما قابلتها بالتلفون طلع عندها الهرمون مرتفع فوق 70 وعندها فقر بسيط

لازم تتغذى وقالت تستمر على دواء الاكتئاب وعطتها مراجعه عندها وجلسات وقالت بالنسبه للهرمون لازم تراجع دكتورة

نساء افضل عشان يظبط عندها مع اني قلت للدكتور اهي استخدمته قال دكتورة النساء بتعرف ليش ارتفع

وقالت عندها فقر دم بسيط لازم تتغذى المهم اخذت نتيجة التحليل وطلعت واتصلت بها مرتين ما ردت واتصلت على جوال

امها وردت هي سلمت وسئلتها عن حالها قلت وينك عن الجوال قالت ما كان عندي قلت لها تجهزي انا باقي ما مشيت

بمرك بنروح مشوار قالت وين قلت لها بقولك

مريت الدكتوره واخذت النتيجه وطلع عندك الهرمون مرتفع وفقر دم بسيط قالت الحين قلت لها وش عندك قالت مقدر عندنا

ضيوف قلت من قالت زوجة اخوي يعني مهي غريبه والله ياناس حسيت اني اغصبها انا المهتم المهم مريتها

واخذتها قلت لها الحين انا ماشي والتقرير معاي فقلت نروح لدكتوره قبل امشي وتراجعينها وتكملي معاها قالت انت

فاجئتني بالدكتوره وانا مدري قلت لها حتى لو ما فيه شي قلت بمرك تجهزي واستاذني وقولي بروح مع زوجي

مع ان زوجة اخوها مهي غريبه كل ثلاثه ايام تزورهم المهم بعد ما مشينا قلت لها ان الهرمون مرتفع عندك

والشي هذا يمنع الحمل ايضا والله حسيت انها معصبه فقلت لها انتي ليش معصبه الحين انا والله توترت منها

قالت ماني معصبه بس انت فاجئتني قلت انا قلتلك بكل شي وانا اكلمك حتى لو ما قلتلك خلاص تعالي معاي وبقولك

من التوتر قلت لها معليه تحملي كلها ساعه وارجعك قالت انا الحين رايحه للدكتوره مدري شقولها قلت الحين اقولك عندك الهرمون مرتفع تقولين شقول خلاص انا اقولها قالت لا خلاص بدخل قسم نساء ولا يدخلون رجال قلت عطيها التقرير وتعرف طبعا بعد كذا سكت ما عاد لي نفس اتكلم سكتنا رحنا المستشفى

عطيتها الحساب ودخلت قسم النساء كان فيه زحمه قالت زحمه بتنتظر قلت ما عليه انتظر

بعد ما طلعت قلت لها وش صار قالت سويت تحليل ويطلع بعد 3 ايام قلت تحليل الهرمون قالت ايه

بتشوف ايش سبب ارتفاعه وقالت المبايض احتمال

قلت لها الحمدلله انك سويتي وانا والله فيني قهر من حالها معاي طبعا ساكت عطيتها حساب عشان تراجع

ووديتها للبيت قالت بتمشي قالت الحين مسافر

قالت اذا وصلت كلمني طبعا الوقت كان متاخر 12 صباحا

بعدما وصلت يمكن على صلاة الفجر ارسلت لها قلت انا وصلت وخفت اصحيك وانتي نايمه طبعا طول مشواري ما رن الهاتف

اليوم الساعه 10 صباحا ردت حمدلله عالسلامه

انا مدري كيف اشرح لكم شعوري من جد تعبت يعني مدري انا مهتم بزياده مدري وضعي صح احس اني مشتت ولا عاد

اقدر اغصب نفسي ولا ودي اكسر بخاطرها لكن شي يقهر طول ما انا ماشي بالطريق

الوالد سالني عن وضعي قلت والله حالي كذا

قال تزوج وانا بساعدك وانت منت صغير وابشوف احفادي والله يوم قالها حسيت بشعور غريب وليش انا متحمل كل هاذا

مع اني انا اللي زوجت نفسي في زواجي بالقرض وقلت انا يمكن اتزوج ولاني مقصر معاها بعالجها ااذا على ذمتي

او بتطلب الطلاق انا

وفعلا والله بديت افكر بالزواج وان العمر يمشي ولكن قليل للي بتقبل بواحد متزوج

اليوم ارسلت لها رساله قلت لها الله يسلمك تابعي مواعيدك وما بقصر معاك بشي اليما ترتاحي

وانا ما عاد اقدر انتظر بشوف حل لوضعي يمكن تتغير او اني بسويها

انا ابعرف هل انا غلطان الحين وان اللي سويته صح بكلامي معاها بالرساله

او ما تقدر هي تلومني لانها حتى الان ما ردت باي شي لاني حاس ان علاجها بيطول

هذا اللي حبيت استشيركم فيه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه