المشاركة الأصلية كتبت بواسطة @خالد الذابح@

ماشاء الله اغلب الردود توصل لمعنى واحد ،،، ((( دلعيييه ))) ،، يعني بعد ماينكد عليها لازم تكون ردة فعلها (( الدلع )) !!!
الله اكبر عليكم ،،،

يا بنت الحلال انا متأكد ان زوجك من نوعية الازواج الي قبل مايتزوج جاته وصيه تقوله (( لاتدلع الحرمه ،،، ولاتلبي لها كل طلباتها ، ترا الحرمه تحب الرجال < الحمش > )) يا اخت رويدا لازم لكل فعل ردة فعل ، وقبل كل شي لازم توقفين بموقف قوي قدامه وتبيني له ان الوضع زاد عن حده ، وانت ماعاد تقدرين تتحملين هالقرف بالتعامل ، وقوليله لاتحسب انك بتكون كبير بعيني وانت تقول لاااا ولاااا بكل صغيره وكبيره وبدون اي مبرر ،، قوليله ترا الزوجه تحب وتقدر والزوج الخدوم ، الي موفر لبيته كل المتطلبات ومايرضى على زوجته تحتاج اي شي ، وتحب الرجال الي مايقول لاااا إلا لسبب مقنع . يا ابو فلان اذا وضعك معي بيستمر على هالحال ترا انا الي بتغير عليك ،، وغصب علي ماهو بكيفي لأني ما اشوف منك التقدير الي استاهله ، وروحي عنه واتركيه يفكر براحته . ولا تخلينه يسمع منك اي كلمه حلوه إلى بعد مايسوي اي مجهود لمصلحه بيته وعياله ، مثلاً بعد مايدخل وهو شايل اغراض للبيت او الثلاجه ، او بعد ماياخذك من بيت اهلك لازم تمدحينه وتشكرينه وتبوسينه . وانتبهي تدلعينه اذا قصر معاك بشي ترا ماهو كل الرجال ينفع معهم طريقة الدلع .

والله يعينك ويوفقك ويهدي زوجك ،،،