شر البرية ما يضحك

كأنكم قاعدين تتكلمون عن طفل بريء تبون تحمونه

وش ذا الحالة هذي

من لم يكن له واعظ من نفسه لم تنفعه المواعظُ

زوجك رجال كبير طالع ورايح وجاي وفاهم وش قاعد يسوي

ويقولك لا تفتحين عيونها .. اهو قصده انتي غمضي عيونك وصيري هبلة

والا اهو رايح جاي أمام عيونها بالهللبس ليش !!

والا اهي توها طفله أم 3 سنين عشان لا تفتحين عيونها

ليش اهي مو بنت شابة وتميز الحركات

حركات الاغواء هذي الرجال ما يسويها إلا للبنت الشابة الي تفهم

أما الطفله ما يسوي عندها هالشي

لا يكون على باله توه بيبي طالع من اللفة .. رجال طول وعرض

ومسوي مسؤول عن بيت و أطفال .. و عامل كامل العقل والدين هذي فعايلة

لا .. لا يسوي طفل قولي له انت رجال يدك اطول مني وقاعد تلبس هاللبس عند الشغالة

إذا قالك لا تفتحين عيونها قولي له .. انت الي فتح عيونك وبسك غفلة

( من حام حول الحمى وقع فيها )

خل عندك غيرة على محارم الله .. ترضى البس روب نوم عند الهندي واقولك لا تفتح عيونه

ترى فوقك رب يراقب ويحاسب ( يعلم خائنة الأعين وما تخفي الصدور )

والشغالة هذي وليها الله .. والله لا يسمح لك أن تمد لها عينك أو تعمل لها هالحركات

الله خلقك وخلقها .. وحط لك حدود ولها حدود .. لا تطللع عنها

وإذا ما تخاف من الله مع أن الانسان ما يدري متى يرحل عن الدنيا وبأي نفس طالع والا نازل

لكن خاف على بناتك وأعرف أن هالشكل الي طالع فيه أمام الشغالة بنتك بكرة ضروري رجال غريب

يقف أمامها بهالمنظر ويمكن أكثر ويعمل لها حركات إغواء شيطانية ...

وما تدري يمكن بنتك تطلع ضعيفة قلب وقليلة الايمان وتنجرف ورى هالحركات

ترى الدنيا دواره ومالها آمان .. والي تعمله اليوم تشوفه بكرة

واقعد تحسر في دنيتك وآخرتك

و سأليه يمكن يبي حاجات اعمليها له ... وادعي رب العالمين أن يحميكم من إغواء الشيطان

__________________