هذا الشي طبيعي في بعض الأسر وللأسف
وبعدين مالج اختي الا انج تطنشين
احمدي ربج انج مب ساكنة عندهم
ولا تتوقعين من زوجج انه يشاجر أهله علشانج وراح يحاول على أحسن حال انه يرضي الطرفين ويهديج
لكن مستحيل يتواجه مع أهله
لأنه ببساطة أهله والظفر ما يطلع من اللحم على قولتهم !
أهم شي انج تعملين اجنور يعني تطنيش ع السالفة كلها وابتعدي عنهم قدر استطاعتج
فيه ناس تحط جام غضبها على نساء ابناءهم مدري ليش مع أنج تكونين احسن من بناتهم انفسهم
بس شو نقول ...ما ينجبر قلب على قلب
أهم شي لا تخربين علاقتج مع زوجج وحبيه واحترميه لكن فهميه انج ما تبغين مشاكل ولا صدامات مع اهل زوجج واذكريهم دوم بالخير امامه
لأنهم عزيزتي راح يحاولون يشوهون صورتج قدامه ومب بعيدة يفرقون بينج وبينه
فاحذري مكرهم وادعي الله يرد كيدهم في نحرهم
واسكتي .......
الله يكون في العون
28-03-2009, 11:14 PM
ضوابط المشاركة
العرض الشجري