خطيبي يتجاهلني - منتدى عالم الأسرة والمجتمع

13-03-2009, 01:13 AM

باريسا

قلم مبدع

تاريخ التسجيل: Feb 2009

المشاركات: 1,481

اقتباس:

المشاركة الأصلية كتبت بواسطة uae-vip

وع فكرة ابوه قالي انه هو اللي غصبه ع الزواج،، وهو كان معارض لانه يبي يدرس ويكمل مشاريعه التجاريه،،

تدرين طول ما أنا اقرأ كلامك اقول لنفسي يمكن مغصوب عليها

وفي النهاية انتي قلتيها ..

ليش اجل مستغربه من تصرفاته دام تدرين انه مغصوب عليك !!

اذا عرف السبب بطل العجب

بس شلون رضيتي تاخذين واحد تدرين انه مغصوب عليكِ ؟؟

ما تحسين أنك أهنتي نفسك !!

ويمكن في باله وحده ثانيه .. الله اعلم

اقتباس:

المشاركة الأصلية كتبت بواسطة uae-vip

بس انا يوم افكر فهالشي استغرب،، يعني كيف ما حبني مع اني هو متاكد اني احبه،، وانا حلوة والله ييوولي 11 قبله وانا رفضتهم،، وجامعيه.. ودمي خفيف،، ليش ما حبني،، ليش يتجاهلني؟؟؟

ومين قالك أن هذي مقاييس الحب ؟!!

يمكن الرجال يحب وحده مافيها ولا صفة من صفاتك

مو ضروري الحلوه تنحب ومو كل انسان تحبينه لازم يحبك

وبعدين الجمال شي نسبي .. يمكن هو مو شايفك حلوه

وبعدين اول شروط الحب هو الاحساس بالانجذاب .. ويمكن ما انجذب لك

قوانين الارواح مختلفه عن قوانين المادة

ويمكن مثل ما قلتي يحس انك مو من مستواه الثقافي ويبي وحده تجاريه في الثقافه

مو كل الرجل تجذبهم الكشخه والجمال الخارجي ..

انا الي مستغربه منك الصراحة .. ايش المعادلة الي انتي حاطتها .. ومين قالك عليها ؟؟

ومين علمك انها قاعدة ثابته !!

انا حلوه ويبوني .. وعارف اني احبه ..ليش ما يحبني !!

معادله خاطئة

والدليل تهربه الواضح منك .. شوفي شلون قاعد يهرب منك

يبيها تجي منك يبيك تحسين بس انتي متعلقه فيه

صدقيني هذي نصيحة من أخت ..

مهما كان الرجال ممتاز ومهما حبيتيه .. حتى لو اشعلتي اصابعك شمع له

إذا هو ما حبك ولا اختارك حياتك معه بتكون جحيم ..

لأن الانسان ما يقدر يعطي الي ما يتقبله بسخاء .. ما راح يقدر يسعدك

مدام قلبه ما انفتح لك .. فأنا شايفه الحاله صعبه

عموماً هذا رأيي فكري عدل ..

وفاتحي زوجك في الموضوع

وكلام نهائي حاب نستمر اوكي .. مو حاب بعد اوكي

وليغني الله كلاً من سعته

خلك واقعيه .. وواضحه .. انتي للحين على البر

هذا افضل من حياة الجحيم والتنافر بعدين ..

لأنه يمكن يا أنه يتخلى عنك ويطلقك لأنه ما حبك أو يتزوج عليكِ

مين أحسن تتزوجين شخص يحبك ومتاح لك .. وتستقرين معه ..

والا واحد مو مقتنع فيكِ تلاحقينه طول عمرك

__________________

..كالاطفال نحلم إننا ننام على سحاابة بيضاء يعطرناا المطر ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:14 PM.

روابط سريعه