انا حاسة ان انت اتربيت على اساس ان الاولاد اهم من البنات
وان اخواتك هم اللي بيقوموا بخدمتك
وان انت الاول وبعدين الحريم في البيت... وان الست في المرتبة الاخيرة في كل حاجة
وانها حاجة مُهانة غير معترف بيها .. تحت رجليه مستنية الاشارة من الانامل الذهبية بأنها تتنفس
وان راي الراجل اهم من راي الست .. وهو اللي يمشي مهما كان غلط او صح ..
وان الست هي اللي تبذل كل حاجة الغالي والنفيس من غير اعتراض .. وماتطلبش غير الغذاء والماء ..وهكذا من امور
او ممكن تكون دي كانت معاملة الوالد للوالدة .. يعني حاجة مُثُل عُليا
يعني دي حاجة مغروزة جواك ....
انت اتصدمت صدمة عمرك لما طليقتك اتخطبت .. عشان مفهومك القديم ده ان الست ييجي الف زيها واللي هطلقها محدش هيبصلها .. او حتى هياخد الفتات بتاعي ... والعكس هو الصحيح .. انت بتسيب جوهرة وغيرك بيقول الحمدلله انه سابهالي
طيب انت حاسس ان انت عندك عيوب شخصية ... تكون هي السبب في الطلاق ؟
عشان مافيش اتنين بيطلقوا الا اذا كان السبب مشترك .. بس انا معاك من ان يكون اكبر جزء على طرف فيهم
بس بينك وبين نفسك كدا لازم يكون في حاجة غلط فيك .. اعترف بيها الاول .. وبعد كدا ابتدي صلح
وكمان بلاش الاكشن كله يبقى عليها حاول تغير مفاهيمك .. احنا خلاص في العصر الحديث ده مش هتلاقي واحدة مستسلمة 100 % الا اذا كانت جاهلة او معقدة ... ولو مستسلمة مش هتقدر تناغشك عشان تحبها
اي ست في الدنيا في جميع الجنسيات بتتجوز في المقام الاول عشان الامان .. هتلاقيه ازاي ده معاك ! وانت مستعد ترميها في اي وقت
كل كلامك هي ماحاولتش تعمل ....هي ماحاولتش تسوي.... للدرجة دي سيئة !
طيب وانت عملت ايه .. ايه محاولاتك غير انتظار الفرج ! وانك ترميها وتجيب واحدة تانية
11-02-2009, 10:46 PM
ضوابط المشاركة
العرض الشجري