دخلت ادور على ردي بس اختفى

كتبتها الخميس

يالله مالك نصيب تقراه


عموما الحمد لله رحت لمكه

وكان لكم نصيب من الدعاء

الله يفرج همومكم وهم كل مهموم يارب

__________________

لم أغب إنما أمر بلا صخب ... بهدوء أتنقل في جنبات منتدانا ...

الحمد لله على السلامه ... وتقبل الله سعيك وغفر ذنبك وفرج الله همك ويسر أمرك وأزاح ما غمك ...

أخي ولهان

عوداً حميداً

انت ادرى الناس بوضعك

لكن هل قرار زواجك هو رغبة في الاستقرار العاطفي والراحه

ام رغبه في الانتقام من زوجتك!!


اسأل نفسك هذا السؤال وشوف الجواب

لان زواجك لو كان فقط انتقاما منها ورغبه في تاديبها


او هروووووووب فقط من وضعك الحالي


فانك ستظلم زوجتك الجديده

وستظلم نفسك وبدل ان تحل مشكلتك تورط نفسك بمشاكل جديده وزوجه ثانيه لها طلبات واحتياجات


كن صريح مع نفسك


انا والله اتمنى انك تكون فعلا راغب بالزواج ومرتب امورك من جميع النواحي

وواثق مما تريد

ان كنت كذلك فالله يوفقك وييسر امورك وتعوض مافت فانت تستحق ذلك بعد هذه السنين


استغرب من بعض الردود(لاتتزوج عليها)ليه؟عسى ماشر؟

الاخت ... نجوى

ان لم يكن قراري رغبةً في الاستقرار ورغبةً في أن أعوض ما مضى بمشيئة الرحمن لست بالساذج المنتقم ومن من انتقم

من زوجتي ... ام أولادي ... وهل مامضى من سنين بيننا لايكون شفيعاً بأن لا أحقد عليها ... فأنا لست بكاره لها كإنسانة

فلله الحمد الكره لأي بشر ليس له طريق إلى قلبي ... واذا كنت سأنتقم هل سأنتقم منها بإنسانه يصبح كل خطأها

موافقتها على الارتباط بي ... وهل بعد هذا العمر أجعل أخطاء ما مضى تدمر ما سيأتي ... ورغم هذا أختي الفاضله

لن اقبل على الزواج دون ترتيب جميع الأمور ... ليكون الزواج راحةً لي وليس بالمؤثر على غيري ..شاكر لكي مرورك

وطيب دعواتك ...

حالياً لا يوجد في البيت سوا انا وابنتاي الكبار اما هي وبقية الابناء ذهبوا معها لأهلها ...

تناقشنا قبل 10 ايام بخصوص المشكلة الأخيرة واعتذرت وتقول انا اسفه لو اني ماسويت شي ومفروض انت اللي تعتذر بعد الكفوف اللي على الصبح وانا ماسويت شي ( كف واحد مع انه مايحمل من اسم كف الا الاسم بس لكن مو متعودة فتسميه كف وانا ايضا اسميه كف لأنه أول مره وبدون مبالغة لو ضربته لطفل ما يأثر فيه ولكن لعلمي بأن المطلوب التأثير النفسي وليس الحاق الأذى البدني ... عموماً صار نقاش بعد الاعتذار ونبعد نقاش قالت اللي بيني وبينك هالباب تقصد الفاصل بين قسم الرجال والنساء يعني نتطلق وابقى انا في قسم الرجال لمراعاة شؤون الابناء وتلبية احتياجاتهم ومنامي واكلي وجلستي فيه ولا أتعداه لداخل البيت وهي بداخل البيت مع الابناء تتولى امورهم وانه كذا أفضل شي بنظرها والشي هذا انها لما فكرت فيه مو عشان نفسها عشان الاولاد اللي لولاهم لما جلست دقيقة وحدها على قولتها لكن مصلحة الأولاد وانهم يعيشون بين والديهم حتى لو كانوا مطلقين بتسوي كذا كل واحد له قسمه اللي مايتعداه وبهالحال تكون المشاكل انتهت وماتضررت مصلحة الأبناء !!!! رديت عليها قلت اسمعي الطلاق لا شك انه حل ولو ماكان كذا ما حلله الله والزواج الثاني حل ولو ماهو حل ماحلله الله انتي تشوفي ان مافيه حل وافضل حل الا الطلاق شي راجع لك والكلام هذا ماهي أول مره أسمعه وحياتي انعفست من يوم كنتي بالأربعين في بنتنا الكبيرة وشفت مغثتك من ذيك السنه للآن 15 سنه راحت صبر راحت هم راحت تعب راحت قلق راحت توتر يوم مرتاح وشهر منعفس حتى حقوقي الزوجيه الله العالم فيها ... وأول اذا سمعت كلامك اللي مثل هذا لما تقوليه كنت اقعد اتكلم واراضي واتحبب ومعليش هذي الحياة والكل يعاني والحياة تبي صبر وانا لو مكانك والوضع معكوس تصدقين كنت بانبسط واحد اغثه ويجي يتسامح ويقعد يسولف علي له ساعتين ثلاث واصير شغله الشاغل ودام اني بانبسط وش اللي يمنعني لا اكررها كل وقت ... قالت ايه متى كان الكلام هذا من سنين وبعدها تغيرت هذاك أول يوم انك حليل ... قلت انسي انه بيرجع الحليل هذاك لأنك لا قدرتيه ولا ريحتيه ولا اهتميتي فيه قد ماتشوفي البيوت مليانه بنات الا انه ولا همك ... لكن اسمعي يا بنت الحلال الأمر سهل انتي تقولي حدي الباب والشي هذا عشان الاولاد وراحتك بالشي هذا وباحترم رغبتك انتي ماطلبتي الا حل حلال لكن بالمقابل بتحرميني الحل الحلال مايصير حياتك وحددتيها مثل ماتبين مالك اي حق تحددي لي حياتي ... انا ما اقعد بالمجلس ( عزوبي متزوج والان عزوبي مطلق ) البيت بما فيه المجلس لكم بس انتبهي للعيال وانا ان شاء الله بيوفقني ببنت الحلال اللي تعوضني ما مضى واعيش حياتي من جديد معاها قالت ابد تزوج ... طبعاً كذب وانا متأكد مليون في الميه لو تسمع اني خطبت خطبة ممكن والله تموت وواثق من الشي هذا ... لكن قلت اسمعي وافهمي انا لا تتوقعي قصدي من الزواج عقاب والا انتقام ... لا بس كنت ابحث عن شي مالقيته معك وسويت اللي علي ونبهتك ولكن للأسف مانفع وصبرت 15 سنه وبرضه مانفع يعني لا تلوميني بالشي هذا اذا صار ولومي نفسك ودام انك تقولي حدي الباب يعني ماعندك مشكله تزوجت وحده والا ثنتين ... وسكتنا على هالكلام .

واضح انك تحب زوجتك اكثر من حبها لك وهذا ليس بعيب ولكن الغريب كثرت عيوبها في عيونك وصبرك عليهااا

ولا تستغرب ان فيه حريم يرضون ازواجهم ينزوجون عليهم خصوصا اذا كان فكرها مثل نساء زمااااااااان

فيه سؤال من زمان نفسي اسئله ممكن تعدد حسنات زوجتك وصفاتها الحميده

الله يوفقك تدري زوجتك راح يعقلها زواجك بس بعد اييييييييييييييييييييييش!!!