السلام عليكم ورحمة الله


بجد بجد بجد .. حاسة نى متضايقة جدا وبجد مش عارفة اتصرف ازاى


اد اية الفترة اللى قبل الزواج مباشرة دى بتكون صعب

انا هحكيلكم ان شاء الله وبجد احكمو


انا كنت عند اختى انا وبابا عشان بيتها جمب الاسواق اللى بنشترى منها جهازى


وزوج اختى صاحب زوجى

فكنت بكلم زوجى فى التليفون وبعد ما قفلت زوج اختى اخد التليفون يتكلم فية


فتقريبا غصب عنه عمل ريدايل واتصل على زوجى ........ المهم انه قاله احنا رايحين نشترى حاجات ماتيجى معانا


والكلام دة كان قبل صلاة المغرب علطول....... وانا كنت نايمة

واختى بتصحينى بتقولى ياللا بسرعة قومى يا فلانة عشان بابا مستعجل فأنا رغم انى كنت تعبانه المهم قمت واتوضيت وبجهز علشان اخلص بسرعة وانزل وانا فى نص ما انا بجهز اختى قالتلى ان زوجى جاى معانا


فانا استغربت ومش عارفة هو جاى على فين بالظبط المهم قلت خلاص اول ما اعرف اكلمة اكلمة واسالة رغم انى قلت لاختى يعنى هو زوجك اللى يقولة ييجى معانا وانا لا ممكن يزعل كدة منى

بس انا ماكانش ينفع اقولة ييجى لاسباب عدة


المهم انى كنت مستعجلة علشان الحق بابا قبل مايطلع من الصلاة علشان نخرج علشان لو طلع انا عارفة اننا ممكن نتأخر كتير وانا حاملة الهم انى عايزة اخلص علشان طبعا زوجى مستعجل


المهم لما ركبنا السيارة كلمت زوجى وقلتله(( انت جاى ؟ ))وبعدين قلتلة بما معناه قصدى انت فين يعنى
قالى انتو فين قلتله احنا خارجين ركبنا وماشيين رايحين على المكان كذا........وانا اصلا مش عارفة حاجة ومش عارفة احنا رايحين على فين بالظبط بس سألتهم قالولى كذا قلتله كذا ودة خلال مكالمتين لان اول مكالمة قلتله انت فين قالى فى الطريق قلتله فين بالظبط علشان نعرف مكانه وعلى اساسة نعرف هنقابلة فين ...... وزوج اختى اخد الموبايل منى وكمل كلامه معاه انه رايح على كذا يقابلنا وبينا برضو تليفونات


رحت انا متصلة تانى بعد شوية عشان اطمن واعرف اتفقو على اية وقلتله يحصلنا على المكان الفلانى



طولت عليكم معلش بس انا اسفة ..... بس علشان بجد انا متضايقة........




المهم ان احنا رحنا المكان دة مش عارفين مكانه بالظبط وقعدنا نلف ندور عليه مش لاقيينه وانا سألت بابا تانى قلتله يا بابا مش احنا رايحين كذا قالى ما احنا رايحين اهو (دة كلة قلقانه وبطمن علشان خايفة من رد فعل زوجى ) المهم لفينا شوية ومالاقيناش المحل فطلعنا على محل تانى..


وأنا مش عارفة بالظبط احنا فين غير قبل المحل بحاجات بسيطة

المهم اننا اول ما دخلنا السوق تحت وقبل ما أطلع كلمت زوجى قلتله دة احنا جينا هنا عشان ما لاقيناش المحل التانى


وانا اصلا من ساعة ما عرفت ان زوجى جاى وانا حاملة همة هيقابلنا فين وازاى وانا مش عارفة حاجة ومتفق اصلا مع زوج اختى


المهم........... انى قفلت معاه التليفون.........


وبعدين.................


انا طبعا دخلت متنرفزة على اختى انه المفروض زوجها كان يهتم بالموضوع مادام هو قاله من الاول .........
يا اما الواحد لو مش اد الكلمة مايقولهاش


المهم انه مضى الوقت واشترينا الحاجات وروحنا


فأنا طبعا اول ما وصلت كلمت زوجى وقعدت أرن علية كتيييييييييير عشان اكلمة

وبعد فترة من اتصالى المتكرر اتصل وكان نايم وانا كنت بحسبة برة البيت

اعتذرتلة كتير انى صحيته وكان طبعا متضايق اوى

قلتله انا لو منك برضو اتضايق............. بس انا صدقنى ماليش ذنب كنت كل ما بعرف حاجة بتصل واقولك .........

واتكلمنا حوالى تلت ساعة وقعدت أصالح فيه واراضية مع اقتناعى التام ان انا ماليش ذنب بس هو الموقف اللى يضايق




وقلتله يسامحنى كتيييييييير رغم انى مقتنعة انى مش انا اللى غلطانه وماخليتهوش يقفل الا لما قالى انه مسامحنى وحتى بعدها بحوالى ساعتين بعتلى رسالة وقالى انه مسامحنى من قلبه






تانى يوم بقى؟؟؟؟؟؟؟؟؟؟؟؟؟



انا طبعا اللى اتصلت علية..............واخر كلمة قالهالى وقفلنا بعدها

(( انه كما قال الامام الشافعى بما معناه........... انه اللى يغلط ويعترف بغلطه بيكبر فى نظرة واللى يغلط ولا يعترف بغلطة بيقل فى نظرة ))

دة بعد ما اتكلمنا كتير وانا بحاول اقولة ان انا كل اللى كان فى ايدى انى اعمله كنت بحاول اعمله.......وكان لما كلمنى فى اليوم السابق قالى انه انا ماليش ذنب بس ماكانش مركز اصلا وعايز ينام...بس انتو عارفين بقى الاستاذ شيطان لما الموضوع يبات ليلة.............



من وجهة نظرة انى غلطانه فى الاتى..

................ انى كان المفروض اتصل بيه قبل ما انزل من البيت رغم انى كنت مستعجلة جدا وياريتنى فاهمة حاجة او فاهمة هو هييجى على فين.


................. انى كان المفروض اتصل بيه لما مالاقيناش المحل الاول..........رغم انى ماعرفتش اا قبل ما نوصل المحل التانى بشوية صغيرين واصلا ماكنتش هعرف اكلمه فى السيارة امام بابا وكلهم فقلت اول ما انزل اكلمة.وبالفعل حصل



اية رأيكم بقى علشان بجد انا مش ماليش نفس أكلمه دلوقتى خالص.......... وهو بعد اخر مرة اتكلمنا فيها قالى فى الخر فكرى فى كلامى كدة وساعة او ساعتين وبعدين نتكلم فأنا قفلت مع بسرعة بدون اى كلام غير كلمة مع السلامة علشان بجد بعد كلامه دة واسلوبة كنت انا اللى عايزة اقفل بس مش عارفة ازاى وكنت بقول فى نفس الوقت معلش اضغط على نفسى واتكلم علشان الموضوع مايكبرش...........


رأيكم اية مع العلم اننا بقالنا كتير ما اتقابلناش عندى البيت علشان كنا قربنا نتزوج بس الفرح اتاجل شوية

وذى مابيقولو انه شوية (البعيد عن العين بعيد عن القلب )


اسفة طولت اوى عليكم ولكن جزاكم الله كل خير مقدما

وارجوكم لاتنسونى من دعااائ


الاشراف تم دمج المشاركتين

تعديل بسيط في العنوان

__________________
الله معى .. الله ناظرى .. الله شاهد على ..

كملي يا حبيبتي فين المشكله؟

__________________

أولا حبيبتي هدي اعصابك ان شاء الله خير لا تتنرفزي

عندي ليكي سؤال:

هل انتي متعوده تكلمي زوجك او مثلا ترنيله رنه معينه قبل ما تنزلي؟؟

لو متعودين على كده يبقى انتي غلطانه انك لم تكلميه قبل ما تنزلي حتى ولو كنتي مستعجله

زوجك اهم من اي شئ وكنتي ممكن على الاقل تبعتي رساله اول ما ركبتم مع اني ياحبيبتي شايفه

ان مفيهاش حاجه لو كلمتيه امامهم بس عمتا خلاص الي حصل حصل

الموضوع صغير ودايما انا واحمد كنا بنتخانق على المواضيع دي

عمتا متكبريش الموضوع وتدخلي في جدال مش حتاخدي منه غير وجع الرأس

قوليله انا فعلا غلطت لما استعجلت ومكلمتكش وانا نازله حقك عليا وشويه دلعمن بتوعنا

الموضوع حيخلص

ربنا يسعدكم ويهنيكم يارب

__________________

زى ما انت قولتى اختى الكريمة

شغل الملعون الشيطان

لعنه الله عليه

استعيذى بالله يا اختى

والموضوع بسيط ولا يستاهل زعل

ولكن طبعا هو عند حق يتضايق

ولكن طبعا انت ليس لك ذنب

المهم خلاص الموضوع عدى وخلص

بلاش كلام تانى فيه


ونسأل الله ان يتم لكم على خير

وان يصرف عنكم شياطين الانس والجن

وان يألف ما بين قلوبكم

آمين يا رب العالمين

__________________

شكرا على ردك يازوجة احمد


بس انا مش ملك نفسى اولا...........يعنى فى ناس انا اللى خارجة معاهم وتحت امرهم مش العكس ومش انا اللى هتحكم فيهم

ممكن اكون ما اتكلمتش عشان فعلا ماكنتش مركزة خالص من السرعة ....... بس الناس مش بتستنى لبعض الغلطة وخصوصا لو فى حب...........

ممكن يكون علشان انا مابينتلوش انى مقتنعة انى غلطانه اصلا.....مسار الكلام بقى مش كويس


بس انا بجد حاسة انى اتدبست فى موضوع وفضلت شايلة هامة وكل حاجة بعمل حساب زعلة او مضايقتة يمكن تكون الغلطة والله الغير مقصودة واللى ممكن يكون معايا عذرى فيها انه عدم التركيز علشان انا كنت لس صاحية من النوم + السرعة + بابا مستنى تحت وحملان همى انى عايزة لازم اخرج بسرعة علشان اخلص اللى ورايا لانه كان فاضل حاجات كتير وماكانش فىوقت واحنا بالنا رايق فى الشراء ....زيعنى عوامل كتير كانت عليا غير ان انا اصلا مش انا اللى متفقة معاه...........المفروض انه فى راجل اللى هو زوج اختى هو اللى متفق والمفروض انه راجل يعمل حساب كلامة.........الله يسامحة بجد

حطنى فى مشكلة انا كنت فى غنى عنها

الحمد لله........... قدر الله وماشاء فعل ........... اللهم اجرنى فى مصيبتى واخلفلى خيرا منها

شكرا تانى يا زوجة احمد

والسلام عليكم ورحمة الله

__________________
الله معى .. الله ناظرى .. الله شاهد على ..

جزاك الله خيرا على ردك



لكن الموضوع لس ما خلصش وهو طبعا زعلان وانا كما متضايقة منه


وعندك حق الموضوع يضايق أة ...........ززوانا كمان قلتله كدة.............لكن...........


من ميـــــــــــــــــــــــــــــــــــــــن؟؟؟؟؟؟؟؟ ؟؟؟؟؟؟



السلام عليكم ورحمة الله

__________________
الله معى .. الله ناظرى .. الله شاهد على ..

يا حبيبتي انا لو كنت عملت كده مع زوجي كان اتضايق جداااااااااااا

بالذات لو قلتله من لهوجتي نسيت اكلمك بيتضايق اوي من العذر ده

معلش هما الرجاله كده عاملين زي الاطفال بيحب يحصل على اهتمامك كله

في جميع الاوقات احنا دورنا بقلى نكبر دماغنا ونعدي المواضيع ونصغرها عشان الحياه تمشي

انا زمان كنت بتحمق وافضل اجادل معاه عشان ابرئ نفسي

بس الحمدلله اتعلمت مدخلش المناقشات الفاشله دي

وفي ساعه صفاء اعاتبه زي ما بحب وباخذ حقي بالزياده

ربنا يفرج همك يا حبيبتي انا حفضل معاكي لغايه ما تطمنيني انكم تصالحتوا وتمام التمام

__________________

حبيبتي انتي ما لك ذنب ولا هو ولا مين الغلطان


انتو على اعصابكم لاقتراب موعد الزفاف

خذي نفس عميق لانو هو ايضا معصب وبدو يتزوج ويرتاح




قولي له انك على اعصابك وانو يلتمس لك العذر

قولي له الله يقرب اللقاء تترتاحي وتاخذي الامر منه فقط



وايضا قولي له يا ليتنا في بيت واحد كنت قدرت اصالحك بقبله لطيفه


ثم زوج اختك ولو انو صاحبو ما دخلو بالموضوع



انتبهي منيح صحيح انو يمكن هو اللي عرفكم على بعض وكان السبب انو تنخطبو


انما كل هذا يمكن يقلب ويعمل ردة فعل والصحبه تتحول لغيره عمياء



ثم اتفقي انتي وعريسك انو ترسلي له مسج وقت ما تقدري تتكلمي


ثم يا ربت يبقى الموبيل معك كنتي نايمه او صاحيه


لاحظت انك كتبتي انو زوج اختك تكلم من تلفونك وانتي نايمه رن لزوجك




وهذه غلطه كبيره

يمكن هي سبب واصل المشكل

يمكن عريسك غار ويمكن زوج اختك مثل ما سمح لنفسو انو يستعمل تلفونك تيرن منه

ايضا يمكن تسول له نفسه انو يطلع على اسرارك من مسج وغيرو



نصيحه اتمنى انو تفهميها منيح انتي وجميع من يدخل ويقرا ردي هذا


لا تجعلي يدك الشمال تعلم اسرار ما تفعله يدك اليمين


هناك حديث شريف بهذا الموضوع اتمنى من الاخوه يذكروه لنا


فهم اعلم بهذا مني


اتمنى لك ما هو اجمل في الوجود

__________________
http://live.gph.gov.sa/
اللهم اني استودعك اولادي

طمنيني حبيبتي عملتي ايه؟

__________________

شكرا على اهتمامكم كثيرا

الحمد لله اتصالحنا

وفعلا الفترة اللى فاتت كترت المشاكل اوى


وشكرا ليكى يا جرين222 بس زوج اختى عمل ريدايل من على تليفون البيت اللى هو بيتة مش موبايلى طبعا
وجزاكى الله خيرا على ردك الجميل


اختى زوجة احمد شكرا ليكى على اهتمامك ......... انا برضو بعمل زيك كدة احيانا انى اسكت وبعدين فى وقت صفا اعاتب واخد حقى
لكن بجد الفترة اللى فاتت دى غريبة......... ربنا يعديها بسلام يا رب
الفرح اتاجل شوية بعد ماكان الخميس الجاى
ياللا الحمد لله على كل شىء


شكرا ليكم مرة تانية

السلام عليكم ورحمة الله

__________________
الله معى .. الله ناظرى .. الله شاهد على ..