اختي الحبيبه ظلال الايمان
والله انتي كلامك احلى يا حبيبتي
انا شايفه انك عملتي اللي عليكي واتصلتي بيه وبعتيله رساله وهو مردش عليكي اهم شيء انك تتاكدي ان الرساله على الموبايل وصلت شوفي حبيبتي انا عندي اقتراح بس محتاره فيه لو الاخوات يشاركونا رايهم
انا شايفه ان والده عاملك معامله طيبه ايه رايك لو اتصلتي بيه وحكيتيلو على الموضوع كله واللي قاله خطيبك وعمه احكيلو على كل التفاصيل وقوليله انك ما رضيتي تتصلي على اهلك وتخبريهم باللي حصل لانك لسه باقيه على خطيبك شوفيه هيعمل ايه
بس قبل كده حاولي مع خطيبك مره تانيه حرام جايز يكون مش واخد باله من اتصالاتك بس رايي اذا مردش عليكي لازم تتصلي بوالده وتحكيله علشان هو اللي هيحل كل مشكلتك وفي نفس الوقت هيحترمك لانك عملتيه كبير ليكي
وهو بقى يا ستي هيوقفهم صف واحد ويحاكمهم ويجيبلك حقك وهيعرف مين الكذاب ومين الصادق شوفي فكري وقوليلي هتعملي ايه ربنا معاكي يا حبيبتي لكن خليكي هاديه جدا ومتعيطيش خليكي قويه انتي تعتبري لوحدك ومش في بلدك يعني لازم تكوني قويه وتفكري في دراستك وانسي الموضوع مؤقتا علشان دراستك وفكري في اهلك وغربتك انك بعيده علشان دراستك ولازم ترجعي بلدك وانتي رافعه راسك قدام اهلك وزي ما هو نجح واشتغل انتي كمان شوفي نفسك ربنا يوفقك
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))
22-12-2008, 01:19 PM
ضوابط المشاركة
العرض الشجري