شوفي مو شرط انه يخونك لانه ما يبيك تقرأين الكلام المكتوب بالماسنجر ومالخ
احياناً هو من كثر الرسميات يظن ادق التفاصيل اشياء خاصه فيه كل شيء خاص فيه

يعني ما يبي خليك تعرفين اي شيء عن حياته حتى علاقته الطبيعيه مع اصدقائه ومعارفه وايش يسوي من كثر اهتمامه الكبير بالخصوصية وانت ارجعي البيتك ولا تخلين الشيطان يلعب براسك وتقربي من ربك حسسي انك انت اكبر بكثير من انك تنشغلي بشك والريبة والخوف

قولي لي خايفة من ايش ؟؟؟
من طلاق من تشتت عيالك من ايش خايفه وان كان على حقوقك كثير ناس ناقصهم اشياء اساسية من اكل وشرب وامن
الدنيا ما تكمل الأحد انا اقترح انك تغيرين اسلوب حياتك بتوبة والاستغفار والجوء إلى الله وإذا حسيتي بأنك متلخبطه ولا عارفه وش تسوين استغفري وصلي كم ركعه لين تهدأ نفسيتك

ترى المسلسلات والافلام ومادري مخليتنا نعيش في عالم خيلي وردي
لو سألتي اغلب الحريم في الكرة الأرضية بتشتكي لك اشكال وألوان ارجعي البيتك وحسسيه انك مستغنيه عنه بربك وادي واجباته عليك الله يحنن قلبه عليك ويهديه لك

وركزي على الاشياء الي عندك يعني اشغلي وقتك بأشياء تنسيك همومك ومشاكلك
العبي مع بناتك وحاولو تسون اشياء ممتعه مع بناتك حتى هو لما يشوفكم يحس انكم مبسوطين وتمزحون مع بعض ومستانسين إذا حب يشاركم حلو وإذا ما حب انت استمتعي بوقتك مع بناتك
ارسموا مع بعض او هم يقولون لك وش ترسمين وانت ترسمين لهم او اطبخوا شيء لذيذ كيكة
ولعبي مع بناتك سوي بحث عن العاب حركية
وانبسطي بحياتك وقوي علاقتك مع ربك او قصي لهم قصص وسولفي معهم وامزحي معهم استمتعي بحياتك خل توصله رسالة مثل ما انتى لك عالمك الخاص انا لي عالمي الخاص الي مبسوطة فيه !! وانا ادعوك انك تشاركني في عالمي الخاص
خليك قوية وصابره وثقي بالله اذا كنت على حق ربي بينصرك ويعوضك

امي عانت من ابوي من سفره في الخارج واهمال لنا ولها
لكنها كانت انسانه قلبها طيب قريبه من ربها كنا ننبسط لما ابوي يسافر نروح ونجي وعلاقتنا بامي إلى الآن علاقه قوية حيل وكلنا نحب نجلس معها ونسولف معها
والحين ابوي تغير وصار يجلس معنا لكن احنا مالنا خلق له واحس اني ما ابيه يعرف اي شيء عن حياتي
بعكس امي امي مثل صديقتي وهي امي وهي اقرب انسانه تفهمني واحبها حيييييييييييييل لانها طيبه وقلبها ابيض وكريمة وصادقة معنا وتحملت كثير من ابوي
وفي النهاية صارت هي سيدة بيتها وعيالها
دام الرجال محترمك انصحك خليك على عماك وسوي روحك كأنك ما تدرين زي ما سوت امي عشان يحسب لك الف حساب ويتعب وهو يداري على نفسه وانت استغلي الوقت

لا تواجهينه إلا لما تكونين قررتي في داخلك انك تتطلقين منه هذي نصيحتي لك
المواجهة ما هي من صالحك لانه لو يعترف لك بتكونين خلاص انهنتي ولا عاد يهمه امرك
ولو انكر بتشكين فيه قوليله انا صدقتك وارجعي له وشوفي وش بيسوي بجيتك
لا تخلين الشيطان يقص عليك كرامه وما كرامه
وقت لما تجلسين مطلقة بيتكم وين الكرامه الي بتضل لك ولعيالك