قمموووووورة احمد ... ايوه كدا هي دي المواضيع الحلوة
مش المشاكل و الحقوني
ربي يبعد عنكم المشاكل و الهموم ياارب
شوفي يا ستي ...
زي ماقالت لك ملووكة الله ينتعها بالسلامة اولا انت الادرى بزوجك
لو كان يحبك هاادية و صوتك نااعم و كدا فاحااولي بشتى الوسائل المتاحة ولو اني حاساكي كدا اصلا
لو كان يحبك فرفوشة و مجنونة و هزار و لعب و كدا فلا تقصري
والاحسن خليط من الاثنين عشان تكسري الروتين ...
طبعا مش رح اقوولك اوقفي معاه و كوني دايما جنبه وامتصي غضبه اللخ لسببين
اولا لانك المفروض عارفه دا و هذا من حقه عليك و ثانيا لانه الاعضاء كفووا ووفووا ماشاء الله
انا بس بقولك حاجات كنت بعملها ايام كتب كتابي و كانت بتزيد الفرح و المرح و تكسر الروتين و الان صاارت ذكرياات جمييلة جدا ((( اخخخخ ياريت الشباب يعود يوما ))
عشان زي مانتي عارفة انا ظليت قرابة ال 4 سنوات مالكة<<خبرة
فا يمكن تستفيدي من بعض النقاط .. اللي يمكن تكوني اصلا مطبقاها



ترني له رنة على صلاة الفجر...
الصبح صحيه على مسج ... متصبحي عليه و تدعي له بكل خير و بالتوفيق





بالليل تسلمي عليه و تتمني له احلام سعييدة



اذا كنتي مع صديقاتك انتهزي فرصة و ارسلي له مسج وقولي له وحشتني





من فترة للثانية اكتبي له رسالة ورقية فيها كل مشاعرك و احاسييك .... و مرة شي متضايقة منه بشكل حلو .. و و مرة عن احلامك المستقبلية معه و مرة مثلا عن تصورك لاسرتكم الصغيرة ان شاء الله الخ

وفي نهاية زيارته وهو مروح حطيها له بالجيب و شوفي ردة فعله بعد ما يقراها

عندي رسااايل منه كثييرة و عنده رسايل مني كثييرة و الان بنقراهم و نضحك



شوفي ايش يحب و من الان قومي تابعيه و افتحي له مواضيع ...



مرة من المرات هاتي كوتشينة و العبواا سوا على شرط طلعة او عزيمة او مثلا اللي يخسر يقوم يسوي العشا الخ



طبعا غير الهدايا البسيطة من وقت للثاني


ممكن تغيري شوي بشكلك .. شوية بس و التغيير الكبير خليه لبعد الفرح ان شاء الله
صبغة خفيفة او قصة شعر ( بس ما تكونش قصة مختلففة كلييا)


خليكي دااايما مركزاه معااه .. بمعنى حاولي تعرفيه امتى يكون فرحان و امتى يكون متضايق ,..
مثلا زوجي اذا ظل اليوم ساكت معناه عنده شي بشغله شاغل باله ...

فا انتي اعرفي عوارض الزعل و الانبساط و القلق الخ الله لا يجيب هموم و لا مشاكل ان شاء الله

كمان اعرفي روتينه وهذا بتعرفيه من التدقيق و الملاحظه .. يعني مثلا بعد الاكلة الفلانية عادة يحب يشرب ماي او عصير ..
على الساعة كدا يحب يشرب شااي مثلا .. عشان بعدين قبل ما يطلب الشي يلاقيه فا ينبسط من انك قارياه
و فاهماه

لو كان زوجك من النوع اللي ما يحبك تسبيه وقت ما يكون متضايق.. فليكم .. اقعدي جنبه و حطي راسه على صدرك و لا كتفك و خففي عنه و قولي له حبيبي الدنيا ما تسوى زعلك ... مدام احنا بصحة و الحمدلله و اهالينا بخير و عافية .. ظز بالدنيا ... مع شوية مدح و بيان مدى و ثقتك براجحة عقله و بحسن حله للامور و انه الا مايلاقي حل .....


شوفي يا ستي افكاري شوية ملخبطة لاني بكتب لك و ما ما بتندهلي عشان اشوف جبرراني يبكي لو تذكرت شي من الايام الخوالي ارجع و اقولك


رووووحي يازوجة احمد ربي يحبب فيكي احمك و يخليه يموووت فيك كمان و كمان
و يستر عنه عيوبك و يستر عنك عيوبه و يجمع بينكم عن قريييب ياارب و يرزقكم الذرية الصالحة


يااااربي الصيف الجاي و انتي في بيته يا عروووسة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله