ما شاء الله تبارك الله

عسى ربي يوفقكم ويسهل دربكم ويجمع بين كل واحد وزوجته بخير

حبايبي .. لابد إنكم تفكرون بشيء يزيل عنكم الارتباك والمخاوف اللي تتصورونها الآن

وهذا الشي .. إن كل واحد منكم بفكر إن هالإحراج هذا ما راح يستمر .. وإنه في يوم من الأيام -بإذن الله- بتكون هالإحراجات عبارة عن ذكريات مضحكة وربما مخجلة ..

كل ما أقول لكم .. لا تنتظر من زوجتك إنها تتكلم .. إن تكلمت خير وبركة .. ما تكلمت فالوضع طبيعي جدا .. وهنا تجي شطارة الواحد .. كيف يقدر يخلي زوجته تبادله الكلام في أول جلسة بينهم ..

في البداية .. سلم عليها .. وإذا كنتم لوحدكم عطها بوسة عادية (لا تخربونها بعدين تقول الزوجة وش هاللي ما صدق خبر ) وبعد كذا طبق السنة وضع يدك على جبينها وقل (اللهم إني أسألك خيرها وخير ما جبلت عليه وأعوذ بك من شرها وشر ما جبلت عليه) وبعد كذا بارك لها بالزواج .. وبارك لنفسك أمامها .. بحيث تشعرها بقيمتها .. عطها كلمات مدح وثناء .. لا تبالغ بالغزل لأنه مب وقته .. عبر لها عن سعادتك الغامرة بإتمام الزواج وانقل لها تحيات أهلك وإنهم في أسعد لحظات حياتهم الآن .. وإنهم ينتظرون شوفتها في أقرب فرصة .. وووو .. ومن هالكلام

بعد كذا اسألها عن شعورها وانطباعها .. خلها تتكلم لو بعض الكلمات .. علشان تكسر الحواجز بينك وبينها

وبالتوفيق