الفطور اكيد مع الفندق واذا مومع السكن بريك فاست فالفطور مرة مايكلف اذا بتفطر في اماكن عاديه لكن فطور الفنادق من 50 جنيه وانت طالع ...
الغدا على حسب في مطاعم متوسطه حلوة مثل فرحات للحمام والكباب راح يكلفك فيه الغدا فيه حوالي 50 جنيه يعني بمعدل ثلاثين ريال سعودي وممكن عندك قدورة للسمك يمكن يكلفك 60 او 70 جنيه ...وفيه مطاعم كثير مافي مجال لذكرها بس اسعارها معقوله ...
نجي عاد للعشا ... طبعا مطاعم الوجبات السريعه اكثرها متوفرة هناك مثل كنتكي وماك وهارديز وكذا .... اوممكن مطاعم الغدا تتعشى فيها هذي اسعارها معروفه ... لكن اذا بتتعشى في المطاعم اللي على النيل والسفن المتحركه او الثابته وعادة تكون فيها حفلات مع العشا وهذي تكلفك من 150 الى 300 تقريبا جنيه للنفر الواحد يعني سهرة وعشا ...
وبالنسبه للهدايا انصحك لاتروح تشتري من الاماكن السياحيه في اماكن هناك مرة رخيصه روح اشتري منها ...
مثل روكسي في مصر الجديده هذا اسعاره عاديه موغاليه حيل ... يعني ابعد عن اسواق مدينة نصر او المجمعات الملحقه بالفنادق لان الاسعار هناك غاليه ..
اتمنى اكون افدتك .