كتبت هذا الرد في أحد المواضيع ويسرني تكراره هنا

فيه أفكار كثيرة .. لكن حاولي تجيبين الشي اللي ما يتوقعه .. وهو يحبه في نفس الوقت

حاولي تكتشفي بطريقتك الماكرة .. ايش الشي اللي هو محتاجة ومب عنده

جربي مثلا ..

نظارة شمسية قبل السفر

شماغ من نوع نادر وثمين

سبحة أيضا من نوع نادر

تشكيلة عطورات جسم مع كريمات

محفظة سفر .. تحفظ أدوات الاستحمام بطريقة جميلة

اصنعي له شيء غريب .. مثلا تصميم على الكمبيوتر .. سيدي للسيارة تنتقين فيه مقاطع حلوة ومتعوب عليها ..

إذا كان بحاجة لبدلات أو جزمات .. فاجئيه بها قبل ما يشتريها .. بس حاولي تعرفي مقاسه وذوقه اللي يعجبه

ممكن تسوين حركة حلوة مرة

تجهزي له هدية يدخل في تكوينها القماش أو الجلد (بدلة .. كرسي .. فوطة .. بطانية .. محفظة .. شنطة .... إلخ ) وتروحي لمحل خياطة متخصص بالتطريز .. وتخلينه ينقش اسم زوجك عليها .. بحيث يطبع الاسم على ورقة بالخط اللي يعجبك .. وتعطينه الخياط .. وينقش الاسم تماما كما هو مطبوع .. الحركة هذي نادرة ورائعة جدا

ممكن تهدينه بطاقة كونكت (اتصال بالانترنت عن طريق شريحة جوال) إذا كان بحاجتها

ممكن تسوين له حركة حلوة بالسيارة .. تلبيس مراتب .. تغيير جنوط .. أو أي شي هو يهتم فيه

إذا كان يحب الرياضة ويشجع فريق معين بجنون .. ممكن تكون الهدية متعلقة بهذا الأمر ..

أهدي له طقم مكتب .. تقويم + أرضية طاولة + أدراج صغيرة + قلم مثبت على خشبة + وثبت أوراق + .. إلخ .. وهذا متوفر في مكتبة جرير مثلا

الأفكار كثير بس تحتاج تصفية ذهن شوي وتفرغ للتفكير

وفقك الله





الموضوع الأصلي هنا

http://www.66n.com/forums/showthread.php?t=167659