اخوي اسمح لي على صراحتي...




شكل زوجتك بنت مدينة.. وعادي جدا بالمدن نطلع اسوق بالليل.. اجل نطلع بالنهار يصهرنا الحر... واكيد الاسواق تخلص وتغلق الساعة 11 او 12 على حسب كل مجمع ونظااااامة...

هي ارسلت لك اكيد سمعت من صديقاتها بادرية بالرسائل وهذا يصير عند كثير من البنات...


وبالنسبة للمن تتكلم عن انه احنا دين مو عادات وتقاليد.. اسمحي لي اقولك بنت ديرتكم واعرف تماما مجتمعنا.. عادات وتقاليد... فقط وهي الاهم.. والدين يجي وراه..

وانت بنفسك تناقض نفسك... تقول دين.. وبعدين تروح تشك في البنت وتحكم عليها.. وما تروح تسأل عنها...

ووتشك فيها من غير وجه حق.. هي قالت لي تروح مع امها.. واخوها يوديها.. وهي بعض كلامها تتكلم لانها بعدها صغيرة... تتكلم معك بكل صدق مثل كلامها مع صديقاتها.. يعني لو بنت مو زينه مستحيل تقولك انا اطلع مع امي واخوي.. بالعكس تسكر فمها مره وحده..


وانت شلون تشك فيها ما تعرف هي بنت مين اللي انت ماخذها.. والا حيالله ناس اخذ منهم.. وهي من عسير.. وما ادري على بالك الام بتخلي بنتها عادي تتكلم مع شباب هايتين.. ومسأله الشرف ثانويه هذا اللي يدور براسك..



ومكالمة بالليل.. طيب ايش المشكلة.. في بعض الناس النهار نوم والليل قومه.. وهذا كثير اتصالاتهم وزياراتهم تبدأ من الساعة 9 بالليل...


يعني تستمر الطالعات لين الساعة 2 و 3 الفجر والمكالمات كذلك.. واحنا عندنا بالمدن خصوصا بالاجازات هيك الوضع طبيعي جدا.. ولكل مدينة طبيعتها... تختلف عن الثانية..

ولكل عائلة عوائدها.. ولكل الصديقات عوائدهم..

يعني نظام البنت ما تمسك التلفون بعد الساعة 8 بالليل مات مع جدي.. الحين البنت تكلم صديقاتها.. والحمدلله الثقة موجودة.. وهي ما كلمة غريبه ولا قالت حرام..

اذا بتبدأ حياتك شك وتحطم حياة البنت معك بعد الزواج.. وتبقى بتفكير واسلوب البدو بالتعامل.. قول للبنت.. وريح مخها قبل الزواج.. بكرتا تندم سنين عمرها الي تزوجتك.. وهي الله يرزقها باللي يقدرها...

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

الله يعينك

الحب يهدمه ويدمره الشك

اولا حرام عليك تشك فيها.. وشلون تقول تحبها وانت تشك فيها ... الحب يعني الثقة

روحاتها للاسواق طبيعي لأنها تجهز وتستعد للزواج وترتيباته ... وابوها واخوانها مايحبون الاسواق .. فتروح مع امها

كلامها بالتلفون الفجر عاادي وتكلم صديقاتها او خواتها مو احد غريب ... انا اكلم صديقاتي اي وقت عااادي خاصة ايام الامتحانات ... ولو هي تبي تلعب استخدمت رقم ثاني مو نفس الرقم

بالنسبة للعباية كلمها وقول لها بس بهدوء عشان ماتعاند لان بنظرها هي ماسوت شي غلط

وابعد عن الطلاق ولا تفكر فيه ... وشلون تفكر بالطلاق وانت تحبها ؟

وفي النهايه" لافرق بين اعجمي ولا عربي ألا بالتقوى"

__________________

ما اتوقع ابدا ان لها علاقات مشبوهه او تكلم شباب او من هذا القبيل
كل ما في الامر انها متعوده على اسلوب معين بالحياه انت مو متعود عليه ورافضه وهذا الي خلاك تشك لان انت متعود ان ترى ما تفعله كبيره في حين هي متربيه في بيت هذي الامو ر عاديه
استخير اخي وتوكل ولازم تبين لها انزعاجك من هالتصرفات علشان تكون هي عارفه انك غير قابل فيها وبين لها ان هالوضع بيتغير لما تيجي بيتك علشان لا تتفاجئ بعدين وتحسب حسابها من الان وتتحضر نفسيا للتغير وكون حازم بهالمساله
بالتوفيق

__________________
كل عـــــــــــام وانتم بخير

بصراحة أنا متفهمه تماماً لوجة نظرك فتقريباً نتشابه في العقليات مع انني من دولة غير بس كأن أحد أخواني الي جالس يتكلم!! المهم يا أخي غيرنا يشوف ان احنا رجعيين بس الزمن تغير وصارت بعض الأمور الي كنا نشوفها عيب ومنقود أصبحت عادية جداً فمكالمات الليل أصبحت عادية جداً والأخوات فسروا لك سر المكالمات الليلية، أما ذهابها إلى السوق فأيضا أصبحت عادي جداُ أن تكون أيضاَ بالليل وبكثرة فهي تحضر لعرسها وربما الوقت المناسب هو المساء فهي من ناحية الجو ألطف وبساعد على الخروج المتكرر
يا أخي الدنيا تغيرت ويجب أنا نساير هذا التغير، إلا في مسألة التبرج فكن حازما فيها من الآن وأطلب منها الحشمة حتى ابدأ بمناقشتها من الآن في مسألة غطاء الوجه لأن هذا الشيء لا يدخل في مسائل العرف والعادات والتقاليد بل الدين والسنة

موفق أخي في الله وان شاءالله نسمع بخبر زواجك قريباً ان شاءالله

قلب سلطان

زهوره

الفداء

أم ولدها


شكرا على طرحكم بس انا جالس أقوووووووول البنت ماكانت كذا البنت متغيره ..

دعواتكم

مبروووكه

الله يعينا وكلامك صح والدنيا كل مالها تخرب والفساد يزيد حتى في أرض الحرمين ومهبط الوحي ..!!

ألف شكر لكل من رد ولكل من نصح ولكل من دعاء لي

ما يستفاد من كلامكم أخوتي وإلي راح أسويه ان شاء الله :

1- راح أتعوذ من الشيطان الرجيم ..
2- بأظن فيها ظن حسن وعمر التربية السليمة ما تروح خسارة ..
3- راح أستخير رب العزه والجلال لكي يدلني على ما فيه خير لي ولها ..
4- راح أتكلم معها في كل شي وأبين لها كل نقطة ..
5- بأحاول ابين لها إن تحذر وتبتعد عن أقاربها ( خالاتها ) مع العلم إني عارف إنها بتنقل كلامي لهم .. !!

والله يكتب إلي فيه الخير .. ما باقي وقت على الفرح .. أروح أطلق .. أعوذ بالله من الشيطان الرجيم ..

أسألكم بالله إن تدعولي .. احبكم في الله ..

أشكر كل بدوي في هذا المنتدى الغالي

انت مقبل على زواج وعلى خير كثير باذن الله لا تخلي مجرد ظنون تغيرك
دامك عارف اصل البنت وتربيتها باذن الله ماتلقى الا اللي يرضيك
وترى البنت بعدها صغيره 18 يعني في هذا السن معروف العناد عند اكثرهم ولبسها للعبايه مايحكم عليها
تقدر انت بعدين تخليها تستر بس شوي شوي عليها مو بالقوه علشان لاتاخذ الشغله عناد
ويااخوي ترى مكالماتها اخر الليل مايخليك تظن او تشك فيها كل البنات يسهرون بالليل ويكلمون بعضهم انا اعرف بنات كثير وبهذا السن يكلمون صديقاتهم في هذي الاوقاتوهم والله من بيوت صالحه ولا ينشك فيهم
بس بعد الزواج كل شي بيتغير
اسأل الله ان يوفق بينكم ويبارك لكم

أخي فهد قرأت الردود جميعها ولا أملك بعد أن اتخذت قرارك إلا أن أدعي لك بأن يبارك لك ربي زواجك وأن تكون زوجتك خير معينة لك على طاعة ربي ... وأن تظلكم نسائم الرحمة ويرزقك الحياة التي تتمنى ولاتنسى أن تذكر دعاء الدخول على زوجتك في ليلة فرحك ...

أختك بنت طيبة من قائمة البدو في المنتدى

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

أن من رايي أخي الكريم تقوم بإختبار بسيط لخطيبتك
أولاً منها تكبر في عينك أكثر وأكثر
ثانياً تعرف إذا هيه لها علاقات أو لأ

جيب شريحه جديده وكلمها منها وشوف

وبعدها إلي في راسك سويه
وبعدين لا تنسى إنها راح تصير أم لأولادك ولازم تكون ثقتك فيها كبيره لأنك لو جلست تشك في الأمر
ما راح تأمن عليها

تحيتي

__________________
عن بريدة رضي الله عنه قال: سمع رسول الله صلى الله عليه وسلم رجلاً يدعو وهو يقول :
(( اللهم إني أسألك بأنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد ))
قال: فقال صلى الله عليه وسلم :
(( والذي نفسي بيده لقد سأل الله بإسمه الأعظم الذي إذا دعي به أجاب. وإذا سأل به أعطى))
"رواه داوود"