بسم الله الرحمن الرحيم

والصلاة والسلام على سيدنا محمد وعلى آله وصحبه وسلم ..

أخواني أخواتي .. السلام عليكم ورحمة الله وبركاته وبعد ..

---------------------------------------------------

عمري 24 سنة عقدت قراني قبل سنتين على فتاة عمرها ألحين 18 سنة من أقاربي أحبها حب جنوني .. من كنت طفل وأنا أتمناها .. وأعشقها ..
طبعاً لما توظفت ( معلم ) طلبت من الوالدة تدورلي على بنت الحلال والصراحة قلتلها على اللي في بالي .. قالت أمي : والنعم فيها وفي أمها .. بنت مؤدبه وخلوقه ومحافظه على الصلاة .. سألت أخواتي : امدحوا فيها .. قلت : معها جوال . قالوا : لا !!
طبعا أنا من بيئة محافظة جدا جدا وغير مقتنع بسالفه الجوال مع البنت من غير ضروره يعني إذا مازالت بالثانوي أو لم تكن موظفه.. خاصه إذا كان أغلب أفراد البيت يملكون جوالات ..فلا حاجة لها بالجوال إلا لأمور أخرى !!
تملكنا وشفت البنت وكانت قمة في الجمال والحياء .. سألت خواتي قلت : أعرف إن وجه البنت يا أبيض يا برونزي يا أسود , بس أحمر ما قد شفت . قالوا : من السحاء يالغبي :) .

المهم كل شي في البنت عاجبني .. مرة فترة وطبعا أجلنا الزواج أكثر من مرة لدراستها وبعدها نقلي من وظيفتي ووو .. المهم إنه في كل مناسبة كنت أكلمها على جوال امها وكان صوتها حلو وحياها كثير وكل شي عادي وحلو ..

بعد يمكن مرور 8 أشهر جاتني رسالة فيها حب وغزل وكلام حلو .. طبعا ما رديت عليها قلت يمكن أحد من طلابي يستهبل .. تكررت الرسالة اليوم الثاني بعدها دقيت لقيتها خطيبتي ؟؟ ويش عندك قالت : أبوي شاريلي الجوال بمناسبه النجاح .. قلت : ألف مبروووك ..

استمرت المكالمات والاتصالات بينا يعني ما يمر أسبوع اسبوعين إلا يكون بينا يا اتصال يا رسالة .. المشكلة بدأت لما أرسلتي رسالة عتاب تقول فيها إني مقصر معها في المكالمات وإني ما عندي إحساس ومشاعر وإلا كنت على الأقل لما أتصل أطول شوي ويكون على طوول .. مع إني أقل مكالمة تستمر ربع ساعة ..!!
طبعا رديت برسالة اعتذار من وقتها لأني كنت مشغول وبعدها اتصلت ماردت كررت وحاولت وأرسلت أخيرا ردت علي بعد خمسة أيام .. وقالت: اني كنت متضايقه ولما اكون متضايقه ما أحب اكلم أحد حتى لو أنت ..!! في هذي المكالمة حسيت إن البنت متغيرة 180 درجة .. بعدها قلت متأكدة انك خطيبتي وإلا وحدة ثانية .. قالت : أنا هيه .. قلت يمكن البنت بدأت تتجرأ علي وتتعود ولا فيها شي دلع بنات ..
المهم بعد كل فترة ترسلي رسالة عتاب على شي فاضي وتافه ولما أحاول أبين لها السالفة ما ترد علي وتتركني كم يوم وبعد ما امل ترجع هيه وتدق وتقول على الأقل اعتذر ..

(( بدايه الشك ))

لما كنت أكلمها كنت اكلمها في أوقات متأكد إن أخوانها مشغولين أو خارج البيت ( طبعا ما فيها شي زوجتي وأكلمها ) لكن أنا اتحرج شوي وأحس انها عيب .. فكنت أكلمها في القايلة أو بعد العصر .. بدوي :d
مع الوقت صارت تقول خليها في الليل أحسن قصدها الساعة 10 أو 11 .. قلت أوكي .. أحياننا يغلب علي النوم وأنام وأخليها ولما أصحى متأخر أدق وأحصله .. انتظاااااار .. تخيلوا خمس مرات حصلتها انتظار كلها بعد الساعة ثلاثة الفجر .. ولما أسألها من تكلم تقول يازميلتي .. أو ان اختها كانت تكلم مع ان اختها باقي في المتوسط .. كل مرة أحس انها خايفه وباين مرة من صوتها ..

(( زياده الشك ))

لما نسولف كنت أسئلها فين رحتوا اليوم وويش سوتوا .. كانت تقول : رحنا أنا وأمي لعسير مول ونزلنا أخوي بعد العشاء ولا رجع لنا إلا أخر الليل .. قلت لحالكم قالت : نعم !!
قلت : والوالد , قالت : الوالد دايم ينام بعد العشاء على طول ولا يدري عن شي ..
طبعا مرة تقول عسير مول ومرة تقول ابها مول ومرة تقول المخازن ومرة الهوم بلازام وووإلخ وبدون محرم ؟؟
سألتها ويش عندكم هناك .. قالت : نتمشى شوي بس .. !! قلت كل ليله كذا قالت :لا بعد ليلتين أو ثلاث !! سألتها هذي اماكن شويه مشبوهه وفيها مضايقات وشباب ووو .. قالت : لا تخاف علي والله يا الشباب إنهم وراي زي النمل مع ذلك ما أعطيتهم وجه .. !! :(

بعد هذا الكلام مرضت وصارت الهموم والهواجيس تلعبي .. واللي زاد الطين بله إني طلبت منها مرة تختار بعض الأغراض للبيت اللي جالس أثث فيه للزواج .. فقلت : روحوا للمحل الفلاني وأختاروا إلي يعجبكم بس لا تتكلمون مع البايع ولا تقولون له أي شي أختاروا واطلعوا ( قصدي ما نبين له أنها العروس واني مجبور أشتري اللي اختارته على شان ما يرفع في السعر ) فرفعت صوتها وقالت : والله لأكلمه وأسأله عن السعر و أخليه يطلع لي إلي يعجبني ووو قلت : طيب ليش تتكلمين وأخوك موجود خليه هو اللي يتفاهم مع البايع .. قالت: أخوي مستحيل نخليه يدخل معنا أي سوق على شان نأخذ راحتنا .. !!
المهم قلت لما تروحون اعطوني خبر .. ولما راحوا كنت في انتظارهم في داخل المحل دون ما يدرون .. قلت : شكل البنت تدري إن ما أحب الحركات هذي وتبغى تلعب في أعصابي أو انها تبغى تعودني على أشياء تحبها هيه .. المهم إني رحت وليتني مارحت .. شفت وحدة جريئة وصريحه بشكل غريب .. مو معقول هذي الانسانه اللي حبيتها وعشقتها وتمنيتها من كنت طفل صغير .. مو معقول هذي الانسانه اللي من ظهر حمايل وأبوها وجدها شيوخ وعيال شيوخ .. مع إني أقسم بالله إن أبوها احسن تربيتها ولا قصر بشي لكني أشك في خالاتها وسلوكهم وهم دايما قريب منها ..
من لبسها عرفت إن هذي الانسانه ماهي رايحه تشتري إلي تبغى وتروح لبيتها ومسكنها وأمانها .. من شكلها تعرف ويعرف أي غبي في الدنيا إنها رايحه تبيع نفسها ودينها ودنياها .. !!
الصراحة بعد هذا الموقف انصدمت ووقفت ربع ساعة وأنا ما أدري ويش اسمي !! بعدها على طووووووول مكة وأخذت عمرة ودعيت الله إن الله يكتب ما كان فيه الخير ..
بعد مارجعت حاول ابين ان هذا الشي غلط ولا أحد يرضاه .. لكن انها زادت في عنادها وتقول ما فيها شي غلط ,,ووو
المهم البنت متغيره كثييييير عن أول والصراحة مكالماتها هي أكثر شي مزعجني والزواج بعد ثلاثة أسابيع ..

باختصااااااار ما يلي :

1- أخواني حنا مسلمين يحكمنا ( كتاب الله ورسوله فقط ) لا تحكمنا عادات وتقاليد ومجتمع ووو .. يعني أن لما أكون جنوبي أو شمالي أو محافظ أم منغلق أو غيره فما يحكمني إلا كتاب الله والسنه ..

2- هل كلامي صحيح ( لما أحلف بالله العظيم إن من خرجت وهي متبرجه ولبسها فاضح ولسانها فاضح أنها خرجت لسوء ولم تخرج لقضاء حاجاتها ) وإلا لمن تتبرج ولمن تلبس ؟؟

3- هل المكالمات أخر الليل بالساعات كلها مشبوهه مع ان المفروض يكون آخر الليل للدعاء والصلاة لله عز وجل ..

4- هل خطيبتي صاحبه علاقات مشبوهه ..

5- باختصار هل أطلقها ..


وشكرا