الإستعانة بالله ثم ..
صلاة الإستخارة، صلاة الإستخارة، صلاة الإستخارة

السلام عليكم اختي العزيزه

حبيبتي ساقول لك على بعض الخطوات التي باذن الله يمكن ان تيسر لك الامور وهذه الحيره:

اولا: عندما يصيبنا مرض نلجأ للطبيب والحيره هذه مرض كبير وخصوصا في مسألة الزواج اما طبيبك فهو القران الكريم
اقرئي سورة البقره وسورة يس وبعد الانتهاء منهما اسجدي وادعي الله وانت ساجده وتوسلي اليه في الدعاء ان يهدي لكي الحال وان يوفقك الى ما يحبه ويرضاه.

ثانيا: بعد السجود صلي صلاة استخاره وياريت يكون ده قبل النوم.

ثالثا: رتبي مع والدتك ميعادا لرؤية العريس رؤيه شرعيه ثاني يوم وفهميها واستأذني والدك انك تتفقي مع العريس على زيارة معمل التحليل علشان تحللوا.

رابعا: لما باذن الله تشوفيه اقرئي اية الكرسي قبل ما تتكلمي معاه وسمي بالله

خامسا: حبيبتي قبل ما تقابليه امسكي ورقه وقلم واكتبي اسئله كتير ممكن تكشفلك شخصيته وخططي هتسأليه عن ايه لان ممكن سبحان الله لما تتكلمي معاه تلاقي اسلوبه وكلامه يجذبك ليه واسأليه اهم سؤال ليه اختارك انت بالتحديد ومن جوابه عليكي للسؤال ده بالذات هيغير فيكي حاجات كتير وطبعا قوليله كل حاجه بصراحه انك خايفه وقلقانه من موضوع الاقارب واستاذنيه انكم تروحوا لطبيب وتتاكدوا ان مفيش اي عيب في الوراثه وياريت اهله ميعرفوش بالموضوع ده وارجوكي بلاش تقولي عيوب ومش عيوب حتى لو عايزاه يبعد انت مش ملاحظه انو تقبل منك الكلام واضح انه ما شاء الله عليه عاقل ليه تجرحيه؟؟؟؟

سادسا:لازم تكوني صريحه معاه في كل حاجه وياريت اطلبي من اهلك انهم يأجلوا عقد القران شويه يعني مثلا شهرين ثلاثه علشان تقدري تفهميه وتاخدي عليه واتمسكي بموقفك يعني اقنعيهم ان ده لمصلحتك لان مدة شهر مش كافيه ابدا انك تعرفيه بس ده طبعا لو ارتحتيله.

سابعا: بعديها بيومين خلي مامتك تعزموا هو واهله على الغدا واتكلمي معاه ومع اهله وشيلي من دماغك حكاية اخويا وحاولي تبصيله وتتخيليه جوزك ولو بعد كل ده لسه مارتحتيش اتركيه فورا واوعي تجرحي انسان وتظلميه وتظلمي نفسك وتعيشي طول عمرك تندمي بس اهم حاجه اسلوبك مع اهلك مهما حصل خليكي هاديه.

ثامنا: لا دي سيبيها لي انا انا اللي هعمل ثامنا اني ادعيلك الله يوفقك ويارب يا رب يكون هو من نصيبك لانه زي ما كتبتي انسان خلوق ومتدين وبيعامل اهله احلى معامله وعندنا في في مصر بنقول (اللي ماله خير في اهله ما له خير في حد) وشكله ما شاء الله كله خير يارب يسعدك معاه.

تاسعا: الله يخليكي امانه عليكي طمنيني اول ما يكون في نتيجه.