تدرين ياقلبي ان حتى السباكه اذاخربت بالبيت انا السبب

والبنت اذا تعبت انا السبب

اعطيك مثال

هالايام غير موية المسبح وعطوه غرامه قام يسبني انا!!!


حتى عيالي يضحكون عليه يقولون وش دخلك ياماما1!!

المهم

اني اتبعت طريقه حلوه

انه لما ينتقد امدحه

ولما يسب

اغازله

صدقيني انه يخجل احيانا

احيانا

لكن يعتبر بدايه للعلاج

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

في ناس عندها مرض الإنتقاد
يرتاحوا لما يلقوا اللوم على غيرهم
هو نوع من التعويض عشان لا يشعر انه مقصر أو غلطان

__________________

ياعيني على العقل والناس العاقلة





هذا ماكنت أنوي توضيحه ياأخوات


أنتم الأن بكيتم وشكيتم وتنكدتم على مدى سنوات والحال كما هو لم يتغير ......صح؟؟


بما إنكم سنوات على حالكم ولم تتغير حياتكم

فما رأيكم لو جربتم اسلوب جديد؟؟!!!جربوه ماراح تخسروا إذا نفع نفع وإذا مانفع مو خسرانيين




الطريقة الجديدة:

إذا عصب زوجك امسكيه بدلع و قولي له بدلال إلا زعلك ياغالي لاتعصب صحتك عندي اهم من كل شيء ولايهمك انا غلطانة المهم لاتعصب نفسك

وإذا انتقدك على شيء غازليه وقولي له كله منك عقلي مشغول بحبك وماقدرت اركز

وإذا زاد الملح قولي له حط اصباعك في الأكل وبيصير حالي ياغالي

وهكذا....أي عصبية او انتقاد منه ردي عليه بدلع وحنان وحب وهديه


بإذن الله بإذن الله ستبهرك النتيجة

سيعصب في البداية لإنه سيستغرب من طريقتك الجديدة ويتوقع إنك تستهزئي به ولكن مع تكرار لهذا التصرف سيرتاح كثيرا ويهدأ ويبدأ يتغيرجربوا وبشرونا

__________________

طيب ياصاحبة الموضوع والي أزوجهم مثل زوجها ،،

ممكن أسألكم سؤال يالحبيبات ؟؟!

من متى وأزواجكم كذا ؟؟ يعني أول ماتزوجتوا ولابعد شهر ولاسنة ؟؟ ولاكيف ؟؟؟

سلام..
بنااااااااااااااااات قهرتوني

لحظه هدوء مع نفسك وحددي اهدافك ومبادءك وتمسكي بها.....


ليييييييييه يقدر الرجل يلعب باعصابك ويمكن يخليك تكرهين حياتك من كثر النقد
لاننا ببساطه ندور وصول القمه في نظرة .... قبل نظرتك انتي
ودك يكون معجب فيك واي شئ تسوينه يعجب فيه

لفت الانتباه ........ كأنه اول تعارف بينكم
لو ينتقد ؟ما تأثرتي .......لو يبي يمدحك حلو ولكن
لازم يكون يمدحك و هو مقتنع ما نبيه كانه روبت ويقول كلام وبس

تبين الحل ؟؟

حبي نفسك ...
جددي نفسك ...
لا تكوني الا مميزة ..
بكل شئ غير شكل ........ لك انتي وعشانك انتي
موب عشانه
حبي نفسك ..ولازم يحس ويدري
والله انا ابي كذا بس مو عاجبك ..... اوكي بسوي الي تبيه بس عشان خاطر عيونك ... وابدعي له
لا تخلين الخيارات كلها له دايما
ترا يحس انك مالك نفس وشوي شوي ما يدري انك حساسه ويشوف صلابتك والتزامك وبس
دلعي نفسك وعيشي لنفسك
لو تعطين الرجل عيونك ما مدحك بيقولك عمياء....... لانه رجل ما يقدر يتغير واااااقعي
ويقيس بمنضورة ولو هو طبخ وقلتي له وع ناقص ملح ما زعل ولا طق خبر
وانتي تنعدم نفسيتك
اذا سب طبخك اليوم ازعلي بس بدلع وخفه زعله كذا وكذا
واذا كررها من بكرا يعني المعلومه ما وصلت
هو ما يدري ان هذا يزعل ..... موب ما يحس وعصبي وقاس والخ
والله اقسي رجل يلين اذا لقيتي مفتاحه
الكلام الكلام الكلام لا للصمت بيعصب اليوم ويفكر بكرا ويقتنع بعد بكرا
بس بأدب وهدوء


انتي كم مره بتعيشين حياتك ؟ بكرا تسرقك السنين وانتي ما تدرين
تلاقين حياتك نرفزة بنرفزة وتذكرو .......الافلام المصريه........ابنك على ما تربيه وجوزك على ما تعوديه

عوديه اذا جاب شئ للبيت اشكريه بطريقه غير عاديه .........

ومثل ما قالت فيافي نجد ... والله كلامها روعه ماشالله
وام جمانه ..... الصبر حلووووووو بس على سنع
مو تصبرين على ضيم وضلايم ولا احد يدري عنك

مهما كنتي تعانين من هموم جددي نفسيتك ولا تتاثرين وتاخذين سلبيات النقد الجارح
وانا اشوف ان في حالات بس بحذر ........ وداوها بالتي كانت هي الداء ... انتي انتقديه بس بحذر
واختاري نقطه سطحيه يقدر يغيرها

لان الرجل مطبعه لا ينسي حتي لو قبل دهر يجيبها لك
حنا البنات ....... تسحرهم كلمتيييييين ننسي كل شي وندوخ على الكلام الزين


الدعاء الدعاء الدعاء
والحمدلله وشكر النعمه والاستغفار....

تذكري
كل يوم الصبح انتي تختارين..... يومي بيصير حلووووو والا بسمع انتقاد واصدقه او انقهر منه واسكت!
اختاري حلو ونشاط كل يوم الصبح وشوفي حياتك
والريااااااااااضه شئ خيالي تطلع كل السترس والقهر المتراكم من النقد.

جزاكن الله خيراااااا يا اخوات و الله الردود اثلجت صدري لأني عرفت اني لست الوحيدة اعاني

و رد قهوة المساء كان رائعا

شكرااااا