[grade="FF1493 008080 008000 4B0082"]السلام عليكم ورحمة الله وبركاته
الحمدلله وحده والصلاة والسلام على من لانبي بعده .....وبعد

لم أكن أفكر بيوم من الأيام ان تكون نظرتي ومن ثم معاملتي للخادمه بهذه الطريقه


بل كنت استهجن واستنكر كل اساءه من قِبل كل قريب أو بعيد أو غريب للخادمات

وأعتبر تصرفاتهم الحمقاء هي ناتجه من قلة الوعي

لكني تعاملة مع الخادمه عن قرب وتعرفت على هذه الشاكله من الخدم

الذين لايرقبون في الله إلا ولاذمه


تخيلوا كانت بداية تعاملي معها


طريقة تبادليه بالزياره

كأن تقوم بالتسميع لي قرآن


وانا اقوم بتسميع لها وتعليم القرآن


كنت إذا دخلت غرفتها ووجدتها متضايقه اسألها مابها فكانت تجيبني وتبكي فأقوم بضمها ومسح دموعها وأحزن لحزنها


مع الأيام

/
\
/
\

( وأرجوا أن تتحملوني فأنا أيضا لااصدق ماحدث ولم استوعب ..وأرجوا أيضا تتحملون طول الموضوع)


بدأت تتغير وتتضايق


بدات انا اتغير


لدرجة أن ضربتها



مت ضربتها؟؟


قمت بضربها لكونها ترفع صوتها وتقول ليش أنتي مافيه كويس

انتي مجنون ووو


وقبل كانت تقول الحمدلله انتي مافيه عيال

وعند هذه النقطه لم امتلك الا ان بكيت


قل حتى الخدم ومن هم اقل من المستوى العادي ( الذين هم مستضعفين وكلنا كذلك والله المستعان )يتطنزون ويتشمتون بحالي بكيت بحرقه والم وقالت لي الله كبير ان شاء الله مافيه زوج انتي بس هنا تشتغلين ومافيه زواج واذا انا فيه سفر مافيه هنا شغاله كله بس انتي تشتغلين


كلامها يدل على حقد وحسد ومدري ايش المهم


بعد تكرار للكلام اللي هي تسويه


انا وصلت معي


وقلت لها كلام وسخ ( في اللعنه ؛؛ وعلىىى **** ) وهي قامت بالرد بنفس الالفاظ وزياده كلام كانها تقول انتي كلبه ووو مدري وش تقوول قلت روحي لغرفتك ترى بيحصل شيء ماهو طيب


هي تتمادى قمت وضربتها




بعدها خلاص كله تبكي وتتكلم عن سفرها


اخوي قال ترى بتسوي لك شي روحي اعتذري لها


وبعدين احنا ماجبنها الا علشان امي مشلوله


لاتسوي لامي شي


قمت ورحت وقلت لها معليش انا متضايقه حتى شوفي اليوم مافيه دوام لاني تعبانه ومعليش


قالت انتي مافيه كويس كل يوم انا فيه كوي وغسيل لك وانتي حتى شكررا مافييه



قلت بنفسي والله من الكذب



يكفي اني اروح للسوق امر عليها واسالها اذا تبي شي


وحتى لو ماتبي او تبي لازم اشتري لها حاجه كهديه


ورغم هذا مافاد فيها


وكلما جيت اكلمها اكلمها بخضوع


لاني قلت يمكن لان نبرة صوتي حاده تفكر اني انفخ عليها


المهم ماعاد صارت تصلح لي شي لاغسيل ولاكوي
\

عادي اعتمدت على حالي


ومرت ايام كنت اسولف معها



الين جا يوم


طبعا يوم تراكمي من كثرة التفكير وضغط العمل بالوظيفه


والكل يقول خليها تصلح ملابسك وتكويها اقلها


المهم دخلت عليها قلت لها اكوي ملابسي


قامت وجابت المكوى


وترميه بغرفتي


لحقتها وقلت ماقلت جيبي المكوى قلت اكوي لي


قالت لي انتي مافيه كويس



قلت لها


كل يوم اجي من العمل ادخل المطبخ واصلح الغدا ومانتغدى الا بعد ماقولك هذا غداك



وكلما سويت شي لازم اقول هذا لفلانه ( يعني الشغاله)


مين اللي صار خدامه الحين



هي صارت ترفع صوتها وانا كذلك


لين ماضربتها

وسحبتها وطلعت تركض عند امي


وامي تتكلم علي


انتي مجنونه


والشغاله تقول انتي مجنونه

المهم كلهم اتفقوا علي


انا صرت اضرب مثل بفلانه وفلانه من الخادمات وليش هي مدلعه نفسها



المهم صرت اذا جيت اصلح اكل اسكر المطبخ لانها تعرف وش يعني ( على ***) وانتم بكرامه ...يعني ممكن تسوي هالحركه بالاكل


سافرت ويا امي للعلاج


قمت بحملة تفتيش للبيت ككل وغرفتها بشكل خاص


لقيت بلاوي متلتله


لقيت ملابس داخليه لي


ملابس لابوي وهذي عاد قصتها قصه


لافه فنيله لابوي وسخه ريحتها تجيب العافيه الله يجزى ابوي خير ولافتهااااا بعبايه مزركشه للزواجات لبنت اخوي ونقابات لامي ومدري من بعد ...وحاطتها بالوساده تنام عليها..مدري وش تبي بهالحركه يمكن عندهم اعتقادات مادري



ولقيت تحت الموكيت حق غرفتها مناديل ملفوفه كل جزء لوحده في كل جز اكسسوااااااااااااااااااااااارت لجميع العائله ..وشكله مره يخوف



وموس حلاقه مجمعه فيه شعر لي انا الله يخرب بيتها وتفكيرها الوسخ



المفيييييييييييييييييييييييييد الله يجزاكم خير وبعد هالدوشه


انها جت من السفر وسوت قضيه تبي تسافر وليش فتشنا اغراضها


وبعد واسطات لتهدية الوضع وان امي بحاجتها

واخوي وسط شغالة الجيران بالحي الاخير

علشان يرضيها واني تكلمت وقلت خلاص مافيه مشكله لاتسافري وانا مالي امر عليك انتي بطريق وانا بطريق ..الحين مسوين قصة حب قيس وليلى


المهم الحين البنت سافرت اقصد الشغاله الله يكفينا شرها

مع امي



مع اصرار من مرت اخوي بناء على نص لائحة قوانين ....قامت بحملة تفتيش اخرى لخوفها على ابنتها اما اهلي فما عندهم غير ليش اننتي ماتتوكلي على الله..زوبعد التفتيش مالقينا كل اللي لقيناه في اول مره فتشنا ...يعني ماندري وش سوت فيهم


والله من الخوف ومايفعل ولا من اول المفروض ماخذينهم بس الحمدلله على كل حال



واريد منكم اقتراحات او اي مشوره فما بقى على انتهاء اقامتها الا 3 شهور ومابي تسافر الا وانا عملت بالاسباب لاريح ضميري



فقد قيل لي


ان الشيخ العريفي قال


ان الاذكار والتحصين ليس كافي لعدم حدوث السحر فرسول الله صلى الله عليه وسلم سحرته امرأه من اليهود وهو رسول الله بأبي هو وأمي ...





انتظر ردودكم مع القضيه لاعدمناكم[/grade]

__________________

اختي الله يهديك انتي اخطأت في شغلات كثير

- انك تماديتي في التعامل معها .. عامليها بالحسنى والاحترام اما المشاعر الزايده من حضن والكلام في امور اخرى ماينفع خاصة معاهم لانهم ناس حسودين والعياذ بالله
- ايضا اختي مافهمت يعني انتي متزوجه وماعندك عيال ولا وش السالفه عشان تستهزء عليك بعدم وجود اطفال .
- الغلطه العظيمه انك بعد مافتشتي غرفتها تركتي اغراضكم كان اخذتيها ولما وصلت تسألينها قدام اهلك وامك عن سبب وجود هالشغلات في غرفتها .
- انا اقول ان هالشغاله ماتصلح بعد اللي سوته كله انها تقعد .

الله يكفيكم شرها .. نصيحتي قبل ماتسافر تفتشينها تفتيش كامل ، وتجيبين لها هدوم جديده ولا سارت طالعه من البيت دخليها المجلس ولا اي امكان قدامك وخليها تلبس الملابس اللي جبتيها لها
لانهم متعلمين يخيطون بملابسهم جيوب عشان يخبون فيها الصور والشعر
الله يحفظنا واياكم ..

__________________

(ربي لاتذرني فردا وحيدا وانت خير الوارثين )

يجب أنكم ماتسمحون لها بالسفر ألا بعد التأكد من أنها لم تذهب بشئ يخصكم لبلادها وخصوصاً أنها سافرت ثم رجعت وطلبت المغادرة وقويت شوكتها وهذا دليل أنها ستجلب لكم المشاكل بمجرد الإتصال ببلدها وبمن اودعت أغراضكم عنده وهناك عجوز دفعت مبلغ مالي كبير لسفارة أحدى الدول حتى يحضروا عنوان الخادمة في بلدها كونها الحقت الضرر بهم .

استغلي بقاءها عندكم واجعليها تقر وتعترف إن كانت فعلت شئ أثناء سفرها لبلادها ...

حمانا الله وإياكم شرور الخدم وأتكلنا على أنفسنا

آآآمين وياكم


جزاك الله خير

__________________

أخي دسطام هي لم تسافر لبلدها بل سافرت مع امي للعلاج

لكن الذي نعتقده ان تعطي احدى الخادمات ممن هن حولنا شيئا لتحفظه او ترسله ومشاكل الخدم في هذه الحركات كثيره ...ولاادري ماهو التصرف الصحيح الذي يضمن لي بعد التوكل على الله ان لاشيء معها وان لن تفعل شيء ...

ان تعاملت معها وديا خلال هذه الفتره القصيره فلن يفيد معها


وإلا ماذا نسمي أن تأخذ لأبي وأبنت أخي أغراضا وهم محسنين اليها ولم يحدث بينهم قط أي تصرف مشين ...


حسبنا الله ونعم الوكيل

__________________

نصييييييييييييييييييييحه

لانخلوونها تساافر الاوانتوا مخلينها تقول وين مكان الاغرااض هذي كلها ...

والشي ثاني اول ماتجي تقصين شعرها ..

وقولي اذا سويتي اي شي شعرك وعندنا ...وبنسحرك ((مجرد تخوويف لها بنفس اسلووبها ))

ولااااااازم العين الحمراء لها ..صرااحه هذي هي المعزبه في البيت !!!

تامر وتنهي ..

استغنوا عنها ..واهتموا بامكم انتوا على ماتجي الثانيه ...

والثانيه تجنبي الاغلاط اللي ذكرووها الاخوان والاخوات في الردوود السابقه ..


والله يكفيكم شرها

__________________

الله يهداج انتي إالي عطيتيها ويه من البدايه و شحقه امقعدينها لليلحيين عندكم فتشيها عدل و الله يكفيكم شرها آميييييين

اختي الغالية . .

بغض النظر عن طريقة معاملتك السابقة لها لابد لك الآن من التسامح منها قبل سفرها . .

واهدائها بعض الاشياء البسيطة مثل {القرآن الكريم} وذلك لتهدئة نفسيتها مثلاً . .

ومع ذلك لاتنسي ان هذا الجنس من الخادمات حقودات جداً . . .

وعليك التوكل على الله والتحصين الدائم . .

ولاتنسي تفتيش اغراضها تفتيشاً دقيقاً قبل مغادرتها . .

حفظك الله وحماك . .

وشكراً .

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

مرحبا أختي في الأنتظار
اتمنى أنك بصحه وعافيه يالغاليه وأسأل الله أن يحفظكم جميعا من شرهن وأن يشفي لك والدتك وأن الله لايرخصم لاحدا سواه قولي أمين
أشهد الله أن تعاملك معهم بالعطف عليهم والحنيه لهم نفس تعاملي معهم أنا لكن الشهاده لله لم أرى منهم إلى كل خير سوى وحده فلبينيه وهي خدمت عمتي أتت إلينا بسبب ظروفي وأنت تعلمينها
فرحبت بالخادمه في غرفت نومي فأول مادخلتها وفرشت لها فراشها أحبتها ترتاح بعد قدومها من السفر والتعب بصارت تناظر بغرفتي نظرات غريبه فسارت تسألني مدام أنت في زوج غرغه أنتي بس باقي زوج فمن دلاختنا ضحكت وقلتله نامي والصباح رباح فأول مجت لبيتنا أنا الوحيده إلي حظنتها ودعيت الله أن يعطينا خيرها ويكفينا شرها فالأدميه تحسبني مدامتها المهم انا رعيت سهر بما يرضي الله فبعد عبادتي وبعد ماصليت الفجر رحت لغرفتي أبي أنام أفتح الباب ماهو راضي يتفتح أحاول ولافي أمل أخبط عليها اناديها ولاحياة لمن تنادي جت الوالده ونفس الطريقه فكل مرفس الباب أشوف ضو الغرفه والع فتفاجأت وقلب نغزني أن عندها بلى فبعد طلعت روح فتحت يوم راحت الوالده تجيب السبير الغرفه فتحت الهانم الباب وأنها كانت نايمه من التعب ماسمعت شي فمالفت أنتباهي إلى ضو الغرفه كان طافي فأيقنت أن الموضوع فيه أنه واخواتها
حصنت نفسي وتوكلت على الله ونمت
اصبحت معها علمتها شغل البيت وشرحتلها كل شي فعدين طلعت فوق لغرفتي حبيت افتش شنطتها فما حصلت أي شيئ ورجعتها زي ماكانت وبعدين تعبت أنا فماعاد طلعت لغرفتي وكرهتها فأخذت الأدميه راحتها بالغرفه لمدة اسبوعين فتفاجأت كل منزلتلي ألا هي لابسه ملابسي ومستخدمه اكسسوراتي وغير مكياجي وبكلي فلما أسالها من أذلك تخبرني ان أخواتي سمحو لها مع العلم أخواتي ما سمحو لها فهاوشتها ونزلت للسوق وجبتلها كل ماتحتاجه المراءه يعني ماقصرت معها بشي
المصيه الكبرا تفاجأت أنها لابسه ملابسي الدخليه فبعدها وصلت حدي بس يشهد الله أنه مامديت يدي عليه فما أرتحت لها فطلبت من الوالده تشغلها لأنه ابي أرجع أفتش شنطتها فسبحان الله بس أوصل للشنطه يقشعر جسمي ويمسكني صداع فلما احصن نفسي وبس أحط أيدي ع سحاب الشنطها مدري إلا وخبطت إيدها ع باب الغرفه فلما أفتحلها تدخل وتناظر فيني وتضحك وعينها ع شنطتها فبعده ايقنت أن عندها بليه فخليت عمتي تاخذها بره البيت فدخلت وفتحت شنتطها وفتشتها لقيت عندها مصايب ماخذه من اثر كل واحد فينا ولقيت عنده بخور وأعشاب وحزم معقوده غير الظروف المربوطه بطريقتهم الخاصه واشياء يوم فتشتها ماكانت موجوده من قبل واسحار مسويتها عندنا بالبيت فخليت عمتي توديها للمكتب وكان معها شنطه صغيره أرباعها أغراضي فكلمت راعي المكتب يفتشون جسمها من الداخل وطلعو من عندها مصائب كثيره وأقلعناه الخبيثه بعد متهمت الوالد واتهمتني بالجنون
المهم سفرناها لبلده يأختي والله مامن وراهم إلى المصائب الله يكفينا شرهم
فأنتي فتشيها وفتشي جسمها مدام دخل بينكم العناد وبالذات هي وسفريها من دون عفش غير اللهم كم قطعه من عندك اشتريها لها وبس ولا تفتشينه ألا يوم تنوين تسفرينها ومندون علمها أنها بتسافر خذيه ع اساس أنكم رايحين لخرجه مدام هي ماتبيك أعرفي انه حتنويلك ع شر مدامك مديتي يدك عليها راح تضل شايله عليك فغيريها أحسن حل قبل لتعملكم مصائب أما أنك تقوليله أوتنتضرينها تخبرك أنها سوتلكم شيئ فهذا مستحيل أنها تخبرك أو تعترفلك
فـأحسن شي سوي مثل ماقلتلك سفريها بالهدمه اللي عليها من دون علمها
والله يحفظكم من شرها

__________________

[font=Traditional Arabic]ربي اشرح لي صدري [/font]

اختي ما تعانينه تعاني منه اغلب ربات البيوت..


لكن اختي الفاضله مهما كان و مهما عملت انت اخطأت بضربها..

لانك بهذا ستجعلين لها عذر ان تفعل لكم شئ..


لكن قبل سفرها هي ستعلم انكم ستفتشوها..لذلك ستتفنن في اماكن تخبئة الاشياء الخاصة بكم..


و هناك بعض الخدم تعاملينهم بكل طيبة من بداية عقدها حتى نهايته.. و تتفاجئين بانها عكس ما تصورتي...و ما اكثر ما تحدث...

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..