اخوي اكيد مافي مانع ان اي واحد يستخدم جهاز الثاني بس اذا في ضروره
لكن انه يفتح رسايلي عشان يقراها لا ما اسمح حتى لو صديقتي او اختي فتحت موبايلي تبي تشوف الرسائل ما اسمح لها
اذا تبي شي انا اوريها
لان في رسائل خاصه من زوجي ما ابي احد يشوفها وما ابي امسحها لانها حلوه وفيها ذكرى
وحتى زوجي ما ابيه يشوف رسايلي لان يمكن يكون فيه رساله من صديقاتي تحكيلي عن مشكله
او طالبتني في موضوع خاص
او من امي وتطلبني طلب او تقولي شي خاص
احيانا تجيني مسجات من اهلي وصاحباتي اخر الليل وما يحبون يتصلون عشان الوقت متاخر
فيرسلون لي رساله نبيك في موضوع كذا اذا فاضيه اتصلي
او ترا صار الشي هذا وش رايك
فهمت علي؟؟؟
حتى زوجي يكون عنده حاجات مثلا مره صارت مشكله لاني شفت مسج وفهمت غلط
كانت اخته مرسله له رساله وكاتبه محتاجه لك ضروري اذا كنت لحالك اتصل انت تعرف انك اغلى شخص عندي ومالي غيرك
انا شكيت فيه وما توقعت انها اخته وعصبت حتى ماخليت له مجال يفهمني بعد ما سكت وراني الرقم وصار رقم اخته وبصراحه خجلت من نفسي كانت تبغاه في موضوع بينهم وما تبي احد يعرف حتى اهلها
عشان كذا قررنا ان محد يفتح جهاز الثاني كل شخص له خصوصيه حتى لو زوج وزوجته الخصوصيه موجوده في اي علاقه
وبعدين زوجي عنده لاب توب خاص فيه لان شغله كله على اللاب توب
هو مصمم وكل اللاب توب صور تصاميم ودايما يشتغل عليه وبرامج للتصاميم زي كذا
بس اكيد يسمح لي اشوف تصاميمه وياخذ رايي فيها
وانا برضو افتح جهازي واخليه يعلمني على بعض البرامج فيفتح الصور والبرامج بس وانا معاه
لكن محد يفتح جهاز الثاني بدون اذن او انه يتجسس على الثاني الحمد الله كل واحد يثق في الثاني وهذي هي الثقه الحقيقيه
شكرا لك
11-05-2008, 02:57 PM
ضوابط المشاركة
العرض الشجري