انت شكلك ملتزم وايد ، لكن اسأت الاختيار غصب عنك وانا ما الومك في هالشي وايد ناس ينخدعون وما يحصلون اللي يبونه .. عندك خيار انك تتنازل وتصبر ..
الله يعينك ..سعات احسك غاسل يدك ...و تشوف التنازلات اللي بتقدمها معصيه ..
يعني والله النصيحه صعبه الوحده تتقبلها ، وانت شكلك شديد و حاط بالك وبال تصرفاتها .. والله لو انا مكانها عادي اتوقع اسوي اللي سوته .. اكيد بتنقهر لما تحس انه هم زوجها انه يغيرها ويشوفها كانها عاصيه .. يعني كل شي له درجات ..هي يمكن تشوف نفسها صح لانها تتصرف مثل امها اللي تعتبر اكثر وحده ملتزمه في البيت ..فيه اشياء الناس تشوفها حلال لكن انت تشوفها حرام ..انت تسمع فتوى تحرم وغيرك يسمع فتوى تحلل ..
الواحد يسمع ويتوكل على الله .. ترى اسوأ شي بالنسبه لبنت في سنها انه حد يراقبها على تصرفاتها اول شي بتكرهك وبعدها مستحيل تسمع لك اما لو خليتها على راحتها وصبرت كل شي بيجي بالتدريج ..لازم تكون على درجه كبيره من الايمان عشان تمتنع عن الاشياء اللي متعوده عليها .. يعني ما يصير تقولها حرام وتفتي لها وتتوقعها تسمع كلامك بكل بساطه .. خلنا نكون واقعيين ..بيكون تمثيل لو انها التزمت بكلامك ..الايمان يكون اولاً بالقلب و بعدها يأتي الفعل ..بس يبيله صبر ..


ملاحظه : انا ما اشوف الاشياء اللي تسويها حلوه ، فعلاً فيه اشياء حرام مثل حف الحواجب ، لكن فيه ناس تحلل هالشي ومعظم البنات والنسوان الكبار وللاسف كثير منهم ملتزمات يشوفونه حلال على اساس فتوى سمعوها ..اعرف وحده وامها متشددين وينظمون ندوات و مخلصين للدين و مقتنعين انه الحف حلال ، الله ما هداهم الا من فتره قريبه وبالتدريج في البدايه قاموا يقصون ويشقرون وبعدها خلوها مثل ما هي .

والله لو اعطيك امثله شلون الواحد تدرج من مستوى لمسوى اخر والله مب خالصه .. بس كل شي بالتدريج .. انت لا تحاول تغيرها هي بنفسها بتتاثر من بيئتكم بس اهم شي لاحد يغصبها او يحسسها انه ما عندها دين ..

والحين انت بس اصبر لي ما تولد وحاول معاها بعد عشان البيبي يربى في بيئتكم ، و انشالله الله يجمعكم و ربي يهديها ويهديك ...
واسفه على الاطاله