حبيبتى اول حاجة ربنا يكمل شفائك على خير ويعافكى من كل شر...
ياحبيبتى انتى دلوقتى ادام ربنا خطيبتة بس ومش زوجتة ازاى تديلة حق مش حقة ازاى ترضية فى غضب ربنا...
الشيطان استولى على تفكيرك بيدخلك من مدخل انك تعملى اللى يرضية عشان ميسبكيش ونسيتى الحديث : عن عائشة رضي الله عنها قالت: قال رسول الله صلى الله عليه وسلم
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي .
... حبيبتى اياكى تعملى حاجة عشان ترضى بيها خطيبك وفيها سخط ونهى للى ربنا طلبة من عبادة
حبيبتى عايزاكى تتاكدى من حاجة ان البنت كل ما اتمسكت باللى ربنا طلبة منها وحافظت على نفسها كل ما زاد احترمها وتمسك الانسان اللى هيرتبط بيها ... ممكن يكون الظاهر غير كدة بس صدقنى اى راجل مش بيتمسك غير بالبنت اللى تحافظ على رضا ربنا وتحافظ على نفسها مهما كان السبب ومهما كان المبرر ....
حبيبتى اوعى تخلى الشيطان يوسوسلك انك لو رفضتى الحاجة اللى عايزها منك وفيها رضى ربنا انة هيبطل يتمسك بيكى صدقنى العكس هو اللى صحيح وبعدين متنسيش ان فترة الخطوبة دى فترة اختبارات ولية متقليش انة كان بيختبرك وبيختبر اخلاقك لما طلب منك ... وهى مش من حقة لانة مش زوجك .. وبالطريقة دى
بتقلى درجة من قربك لربنا قبل حتى ما تقلى فى نظرة هو كفتاة شريفة بتحافظ على نفسها
حبيبتى بجد انا بنصحك من كل قلبى اوعى عشان ترضى خطيبك يكون فى المقابل دة انك تجعلى ربنا يسخط عليكى صدقنى مفيش حاجة ممكن تحسى بحلاوتها ولزتها غير وربنا راضى عنك ... الرسول ياحبيبتى لة حديث : عن أبي بن كعب رضي الله عنه قال: ما من عبد ترك شيئاً لله إلا أبدله الله به ما هو خير منه من حيث لا يحتسب، ولا تهاون به عبد فأخذ من حيث لا يصلح إلا أتاه الله بما هو أشد عليه. رواه وكيع في الزهد (2/635) وهناد رقم (851) وأبو نعيم في الحلية (1/253) وإسناده لا بأس به شوفى حبيبتى انا بنصحك بجد كاختى حسة بيها وحسة قد اية هى طيبة اتكلمى مع خطيبك بكل صراحة وتفاهم قليلة انا متمسكة بيك اة وعايزة ارضيك اة بس متحولش تخلى رضاك دة على حساب رضا ربنا... قليلة تعال انا وانت نبدا صفحة جديدة مع بعض ومع ربنا ونقرب لربنا قليلة تعال نخلى كافة رضا ربنا علينا وطاعتة تغلب كافة اللى يرضىنا احنا ونحتسب مجاهدة النفس دى ان ربنا يعوضنا بيها انة يجمع بنا فى مودة رحمة طول العمر ويوعضها حب وسعادة طول حيتنا مع بعض مش بس فترة الخطوبة ...
قليلة صدقنى اللى بيسيب حاجة لربنا هيديلة احسن منها ..... صدقينى سعتها هتزيدى فى نظر خطيبك ان شاء الله وبجد هيكون طاير من فرحة لانة هتكون من نصيبة واحدة بتتقى ربنا فى نفسها وبتقربة من ربنا وسعتها هيكون كسب الدنيا والاخرة ان شاء الله
وحاولى تقنعى اهلك وتقنعية بانكو تعجلو بالجواز عشان تمنعو اى حرام وتحنو نفسكم .
ربنا يثبتك على طاعتة ويبعدك عن كل طريق يبعدك عن طاعتة ورضاة وجنتة
الأخت الكريمة يرجى ذكر الأحاديث بإسنادها ، جزاك الله خيرا
المشرف / شاطئ المحبة
التعديل الأخير تم بواسطة شاطئ المحبة ; 08-04-2008 الساعة 05:35 PM
06-04-2008, 04:20 PM
ضوابط المشاركة
العرض المتطور