لجميع من قرأ موضوعي اريد ان استشيركم بشي


ودي اتصل او ارسل رساله على الاقل الى زوجي لاتطمن عليه واسأل عليه ولكن فيه اشباء كثير مخوفتني ( اخاف من ان يهمل اتصالي او مايرد عليه او على الرساله , الشي الثاني اخاف ان ينتقدني ويقول كيف ترسل او تتصل وانا حاليا ما بيني وبينها اي علاقه او اتصال حتى ؟؟!! , العاداااااااااااااااات والتقااااااااااااليد , واخاف انه يكون خلاص ما يـبيني وانا اجي اعمل هالخطوه واضع نفسي واهلي في موقف محرج )
على العلم اني ما اعرف شخصيته هل هو من النوع اللي ينتقد او من النوع الي يتقبل ...
واذا كان رايكم نعم هل اقول لاهلي او لا ؟؟؟
افيدوني بآرائكم رجالا ونساء جزاكم الله خيرا ..

__________________

السلام عليكم

حبيبتي ..أقدر اقول إني أكثر وحدة ممكن تكون مثلك ..لأني صار لي مثلك بس على أشد

الفرق اننا بعد الملكة استمرت بينا مكالمات هاتفيه وكلام ولا أروع وتخطيط للمستقبل وزيارات وووووووو


كان يكلمني طووووووول اليوم تخيلي

وبدينا نجهز وشريت فستان زواج لازال موجود للآن رغم مرور أكثر من سنتين ..

وحجزنا صالة العرس ..وووووووو

وفجاة


قطعني ..ماعاد يكلمني ..

وأهله يتصلون ويتعذرون ويدورون له مليون حجة ..وآخر ماقالوه إنه جاته عين قوية وحاس بضيق ومايقدر يتكلم

وطلعوا لي أعذرا ثانيه كثيررررررررة

والله ماادري ليومك صدق ولا كذب ..

الشي الوحيد اللي يخليني أصدقه أن لليوم ورغم مرور سنتين على انفصالنا ماتزوج للآن


في عز الأزمة كنت أتصل به ومايرد علي

وهله وبعض صديقاتي نصحوني أني أدز له مسجات حلوة وفيها كلام حب وغرام

ولاني كنت من طبعي الخجل الشديد معاه كان صعب إني أسوي عالحركة

لكني سويتها

كتبت له كلام أحس انه اصدم لما قرآه ..خاصة اني ماكنت أقول له ربع هالكلام


المهم ..تتوقعين إيش ردة فعله ..

مارد علي نهائيا تصدقين !!

كنت اموت بالدقيقة مليون مرة ..

كنت متعودة على صوته وفجأة انحرمت منه ..

كنت اتعذب ..

وبعدها بديت بالاستخارة ..وبدوا الأهل يتدخلون

وزرادت المشاكل ..

وانقال كلام كثير ..

أنا كلمت هله كلهم تقريبا

وهو كلم هلي كلهم تقريبا ..

بس من يومها لاانا سمعت صوته ولا هو سمع صوتي


وفجأة ..

لقيت نفسي مطلقة ..وجنبي فستان زفاف

ماقول غير الحمد لله

ماقدر انصحج بشي

بس لو تسأليني ..بقول لج ندمت على كل كلمة كتبتها له ,,

لاني ماطلعت فيها بأي نتيجة تذكر ..

حبيبتي

استخيري ..كثري استخارة ..

وخلي الأمور على الأهل ..نصيحتي لا تتدخلين ..

أدري بتقويلن الموضوع يخصج ..ولازم انتي تتصرفين ومحد بيحس بإحساسج

لكن ..

ارجعي اقري كلامي ..وسمعي راي الأخوان والخوات هنا

\شوفي هو يمكن تكون جاتكم عين

او يمكن يكون هو مو جاد في موضوع الزواج من البداية

ويمكن ويمكن ويمكن

الله وحده العالم

بس الأكيد ..

إنج بخير بإذن الله معاه او بدونه

الأكيد انج في ابتلاء وراح تصبرين ..وفي محنة وبتطلعين اقوى ..

وربي القادر بيعوضج بخير منه اذا ماستمريتي معاه

أنا مابي أكون متشاءمة بس ابي اكون واقعية معاج عشان تهيئين نفسيتج لكل الإحتمالات

احمدي ربج إنج ماتعلقتي فيه أكثر ..

الله يوفقج ويسعدج وطمنيني عليج

__________________
[color=#FF0000]أي وحدة من معارفي تتطلع على مواضيعي أو تتعمد تتبعها والله ماأحللها لادنيا ولاآخرة [/color]
اللهم ادخر لي عندك مايرضيني ويرضيك عني وبلغني الجنة
أنا متيقنة أن رحمة الله وكرمه ستحيط بي ..

السلام عليكم ...

اخيتي الفاضله

قصتك ابكت القلب ...واشعرتي والله بشعور لم ولم اتصور ان اسمعه او اشعر به يوما ..

لكن من كلامك

الحمد لله

احسست بالسعاده

احسست بصبرك ...وقوتك..ايمانك...حبك للخير...حرصك على الاستفاده من تجربتك

اخيتي الفاضله

مابعد الصبر الا الفرج ..

الخيره فيما اختاره الله

وانصحك ان لا تفكري بذلك الموضوع

والفستان بيعيه

او اهديه

وكل مايذكرك به انسيه

وعليكي بركعتين ودعاء واستغفار...

هذا

ولزلت اقول قصتك جعلت القلب يبكي ...

اللهم ارزقها زوج صالح تقر عينها به ....
اللهم ووفقها لكل خير..

والسلام عليكم ..

__________________
سبحان الله وبحمده سبحان الله العظيم

حبيبتي اختي
انا لو مكانج ما اتصل نهائيا ... المريض عنده ايد يدق و لو يبيج كان راح يدق ... لا تعطينه مجال يمسك عليج ممسك يقول مابي حريم جذي يدزون مسجات و تعطينه مجال ياخذ فكره و تبينين حقه انج قاطه عمرج .. لو كان بيدق شان ما صار كل هذا ... حبيبتي اذا فكرتي اتدقين خل اهلج يدرون اب هل الشيء على شان باجر اذا صار شيء او نقال اي كلام اهلج عندهم خبر و يردون عنج و لكن اذا اهلج ما درو راح يتفاجئون و تصيرين غلطانه من كل النواحي .. انا اقول مسكي روحج و لا اتدقين تره ما تسوه عليج ما تلقين رد او ايون اهله يردون عنه عند اهلج ... خلي الامور تمشي ادري انه صعب و لكن افضل من انج تنحطين اب هل المواقف
اختج بني

حبيباتي والله العظيم عورتوا قلبي وانا أشوف انك تاخذين برد أبنة آدم لأنها مرت بتجربتك والله دمعت عيني وأنا أقرى كلماتك ياأبنة آدم

الله يعوضكم حبايبي

__________________
اللهم أحفظ لي زوجي وأولادي من كل شر

مشكوره اختي على ردك
والله يكتب اللي فيه الخير
ودي اعرف راي الرجال ( اخوي السيف المهند , بحريني أعزب ...... والبقية لا هنتوا

__________________

اختي الغالية انا صار لي نفس اللي صار لك و كان قبل الزواج بشهر....

بعد ملكة دامت 6 شهور..و من دون ما ادري ارسل صك الطلاق مع صاحبه...

بيني و بينك انبسطت لان هذي اللي سوياه مايستاهل اصلا اني اكون معه..

و بالنسبة للقلب مطلقة... هذة تعتبر فسخ ملاك...يعني ريحي بالك

و الحمدلله كل شئ بالحياة يمشي اهم شئ اهلك بخير و انت بخير..و الباقي مو مهم..

و بالنسبة للنصيب اذا ربي كاتبه لك رح تاخذينه لو بسابع ارض... او يرزقك اخير و اصلح منه


و ان شاء الله ربي يفرجها عليك و على كل مسلم

آآآآآمين يارب العالمين

الله يفرج همك و هم كل مغتم

اصبري و خليك عزيزة لا تسوين خطوة تندمين عليها بعدين

لو عندك كلام أو حرص عليه خليه يجي من طرف أهلك و أنت كثفي الإستخارة و الدعاء و تصدقي

كل اللي عليك اللجوء لله و الدعاء لزوجك بالشفاء و بفك الكرب و إن الله يرد كيد أعدائكم بنحورهم

__________________

اللهم ارحمني و اغفر لي فوق أرضك و تحتها و يوم عرضي عليك

يا سبحان الله صدق ان الرجل ......صاحب الموقف الواضح مطلوب ..لان شوفمو يا شباب وش تسوون ببنات الناس ..شوفو كيف تسون باخواتكم فى الاسلام وفى العروبه ...هل حد منكم يرضى انه اخته تتعرض لمثل هذه المواقف ,,لذا ارجو من كل شاب انه يكون هو ماسك زمام امره ..ويفكر فى البنت التى بيرتبط فيها الف مره كيف يكون حالها لو تركاها والله يجبر خاطر سويت بيبو ..وبنة آدم

__________________
أصالةُ الرأي صانتني عن الخطلِ ** وحليةُ الفضـلِ زانتني لدى العَـــــــــــــــطَلِ
مجدي أخيراً ومجدي أولاً شَـرعٌ ** والشمسُ رَأدَ الضحى كالشمس في لطفـلِ
غالى بنفسي عرفاني بـقيمتـها ** فـصـنـتـها عن رخيـــــص القـــــــــول مبـتـذلِ
ما كنـتُ أوثــر أن يـمتد بي زمني** حــتــى أرى دولــة الأوغـاد والسفـــــــــــــل
أعــــــللُ النــفــس بالآمال أرقبها** ما أضيق العــيــش لولا فُســــــــــحــة الأمل

حبيبة قلبي الله يصبرك ويرزقك احسن منة ونصيحة لا تدقي ابدا علية عشان اذا مارد عليكي بتحسي نفسك مقهورة اكثر

وانك ذليتي نفسك عشانة وخذي برأي الغالية ابنه ادم لان كلامها سليم والله يعوضها بواحد يعرف قيمتها عاجلا غير اجلا

لاني كل ما شفت توقيعها ادعيلها واحس قلبي يعورني