المشاركة الأصلية كتبت بواسطة زوج في المستقبل

إنك تقولها : مع السلامة وتضغط السماعة الحمرا


خخخخخخخخخخخ




والله يبو خالد ، أنا مني متزوج ، (إدع لي بالزواج العاجل تكفى) ، لكن فيه حركة أسويها مع صديقي الضابط ، وهي إني لو بغيت أنهي المكالمة أقول له : يا فلان حط السماعة على كتفك علشان أبوس كتفك لأنك ضابط ، وهو يقول لي : حط السماعة على راسك علشان أحب راسك ( لأني توني متخرج من كلية الشريعة وخويي ما يسميني إلا فضيلة الشيخ ، يستهبل طبعا )



المقصود : أنت إذا بغيت تنهي المكالمة قل لها : حطي الجوال على خدك ثم عطها بوسة ( طبعا هي أصلن حاطة الجوال على خدها بس أنت قل لها كذا من باب الرومنسية والحب ( الله لا يفرق بينكم قل آمين )



وفيه طريقة ثانية إنك بعد ما تنهي المكالمة ، ترسل لها بعد عشر دقايق إنك ارتحت في هالمكالمة وإن صدرك كان ضايق قبل هالمكالمة . أو تقول لها : إني لقيت فيكِ صفات حلللوة مرة كنت أتمناها في زوجتي .


سبحان الله ، كل ما جا طاري الكلام بين الزوجين ، أيقنت أن الله سبحانه وتعالى لم يبح الكذب بين الزوجين إلا لمصلحة ( الحمد لله أننا مسلمون )



أتمنى إنك استفدت من كلامي ، وإذا صار عندي أفكار جديدة ما راح أبخل عليك فيها



شكرا ً