،
كل يوم وانا رايحة الشغل اشوف بنت توقف عند زاوية بيت
حبيتها لله فلله ..
رافعه عبايتها على راسها .. ومغطية وجهها
ولو ان هالشي للاسف الشديد قليييييييل في بلدنا
مع ان شريحه كبيره من البنات يلبسون العبايه والشيله بس مو الششرعيه ابدا ... ابدا
:
:
:
قلبي يعورني اني انا منهم
تمنيت هالبنت صديقتي .. تعيني على لبس هالعباية
بصدق خاطري البس العبايه اللي على الراس واغطي وجهي
ماودي اموت وانا جذي
الحمد لله استغنيت عن النمص .. سمعت تعليقات ..
وطنشت بمزاجي ..لاني مقتنعه من داخلي بهالشي
كسرت كل السيديات اللي بالسياره تبع الاغاني
واستبدلتهم باشرطة محاضرات .. للشيخ عبدالمحسن الاحمد .. ومحمد العريفي وغيرهم بارك الله فيهم
وقران واناشيد
حتى محطة الراديو غيرتها من اف ام الاغاني .. لمحطة القران الكريم
:
:
:
استغنيت عن العطر .. تماما
ومتحسفه على كل يوم رشيت فيه رشه وطلعت فيها من البيت
الحمدلله كما ينبغي لجلال وجهه وعظيم سلطانه .. على انه ثبتني على هالاشيا
:
:
:
بس وربي اني مقصرة .. اخاف اموت وانا لي يومي البس العباه اللي على الكتف
وكاشفه وجهي
احسدكم يا بنات السعوديه لان تغطية الوجه عندكم مب شي صعب ..
ولان الاهل ماراح يستغربون من هالفعل اذا سويتوه ..
:
:
:
اللي يقدر يشور علي بشور لا يقصر معاي
محتاجتكم حيل 
__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك
23-03-2008, 08:24 PM
ضوابط المشاركة
العرض الشجري