بسم الله الرحمن الرحيم

بدخل في الموضوع دغري

انا شاب مالك على وحده اكثر من 7 شهور

ومشكلتي ان خطيبتي من النوع الصامت

يعني اذا فكرت اعزمها على مطعم تحسسني ان الجو ثقيل

يعني انا اتكلم واتكلم واهي ترد ( اي .لا )

يعني تتعبني من كثر الكلام

حاولت معاها بأكثر من طريقه

وان هالشي ما يعجبني

لاكن دون جدوى

تستعدل يومين وترجع مره ثانيه في حالة الصمت

وفي مشكله ثانية

انها ما تهتم فيني

يعني مثلا ابوها عزمني وقلت لها انا ماراح اجي العزيمه

تقول لي كيفك (شالحل)

ابيها تقول لي شنو السبب.. وليش ما تجي العزيمه

تختصر الكلام بكلمه كيفك

يعني بالعربي تختصر الكلام بطريقه تنرفز




ارجو الحـــــــــــــــل

لأن بصراحه من اللحين افكر اتزوج عليهـــا

أولا أهنيك أخوي ومبروووووووووووك

صراحة ماعندي شي افيدك فيه

ألا أن اقول الله يوفقك ويسعدك ويسخر هالبنية لك ويجمعكم على خير يااارب

أنا خاطب وحدة تقدر تقول أنها من النوع الصامت مابعد ملكنا على بعض
بس خوفي تصير مثل كذا وأنا رااح أتعب معاها ( ربك يعين )
..............
المهم أخوي >>>>>>
مالك ألا تصارحها وتقول اشفيك ماتهتمي فيني كأنك تخاطبي بالكلام أحد ثاني .. وحاول تثقفها بقدر ماأستطعت
أتوقع أنه يجهلها بعض الأمور في الثقافة المتبادلة بين الزوجين
هذا وأنا اخوك زواج بيدووم لك على خير ان شا ءالله أما أنك تفكر تتزوج الثانية من الحين ؟؟
عليك بالأستخارة أخوي قبل ماتورط عمرك وتنشب وآعذرني أن بديت بشي مزعل في حقك

الله يوفقنا وياك وجميع الذين والاتي يريدون الزواج

السلام عليكم ورحمة الله وبركاته,
أخوي "مارل" أسال الله العظيم أن يفتح عليك الخير من هذي البنت الي من نصيبك...عن ابن عباس قال: ( الحياء والإيمان في قرن، فإذا نزع الحياء تبعه الآخر )...مع الايام بتألف عليك بس اصبر عليها وان شاء الله بتحصل كل الي في بالك.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

اخي هذا يسمونه بمجتمع النسوة ثقيلة طينةاودم وناس يسمونة انسانة غير اجتماعيةوانطوائيهاللة يعينك عليها ---ايه لا ---بصراحة قله الي بمجتمعنا يسون كذااا

والله الواحد مايعرف شلون يرضيكم انا احب اسولف وسوالفي ماحسها تملل سوالف اخر الاخبار الى قراتها نكت مواقف مضحكه المهم احب السوالف والفرفشه لمى اتكلم يزوجي مايعطينى وجه وكل مره اقرر مااتكلم وايد وارد على طبيعتي تخيلو ساعات اسولف معاه وانا اسولف من غير مايقولي لحظه مااشوفه اله يدق ويتكلم بتلفون انقهر صراحه وحاليا كلش ماحب اسولف معاه موليه كم كلمة ينعدون باليوم

طيب مع احترامي , لاتجعل من لقائك معاها ( تحقيق ولا استجواب ) بحيث انها تكتفي ب ايه و لا ,

اجعل من كلامك لها يثير رأيها في موضوع او نقاش , وبالتوفيق

الف مبروك يا اخوي
بس صدقني الحال حينقلب بعد الزواج
لا تخاف هونها
حتتمنى سكوتها بعدين

,
,

أخي الكريم

ربما زوجتك كانت إنطوائية لاتحب الكلام الكثير

ولكن أفضل طريقة لجعلها تتحدث أن تفتح أمامها موضوع طويل عريض وتناقشها فيه


ولكن بسألك سؤال : هل أنتَ وهي مرتاحين مع بعض ولا تحس فيه نفور منها إتجاهك ؟؟


يعني الحب موجود ولا مجاملات فقط لاغير ..؟؟

,
,

اخي انا نفس الشي مااحب الكلام الكثير احس انه ثرثرة عالفاضي بس مو انطوائية عندي صديقات كثير انا اتكلم عن نفسي لاني احس خطيبتك نفس طبعي
اتكلم لما الموضوع يشدني يعني اخي جرب تسالها عن ميولها واهتماماتها وساعتها بتتفاجاء انها ماراح تسكت
وشي ثاني مهم لما سالتها مارح اجي العزيمة وقالت لك كيفك هذي مو عدم اهتمام هذي احترام خصوصيتك ماتريد تتدخل في امورك الخاصة وتزعجك فاخي انت طمنها من هذي الناحية وقولها ترا انا احب تسالي عني لو غبت عنك وتهتمي فيني اكثر والله يوفقكم

__________________
سبحان الله وبحمده سبحان الله العظيم

العكس صحيح

__________________
سبحان الله و بحمده... سبحان الله العظيم



--------------------------------------------------------------------