حبيبتي من رايي انك ترجعي زوجك للبيت في احضانك طالما الاطباء سمحوا ترى والله اللي في غيبوبة يحس ويسمع كل اللي حوله بس ما يستجيب يعني جيبيه البيت اقري عليه سورة البقرة بصوت عالي وبنفس واحد من غير مقاطعة وبنية الشفاء لزوجك اغسلي راسه بماء زمزم بنفس النية ويقولو بذر الكتان له مفعول طيب والعسل كمان مع هذه الحالات وبالنسبة لنومته ممكن انت تقلبيه كل 4 ساعات على جهة
اما بالنسبة لاولادك علميهم يروحو يلعبو مع ابوهم وكأنه سامعهم ويلعب معاهم واذا كانو كبار ويعرفو يقرو خليهم كل يوم يقرو له جريدة او كتاب كان يحبه يعني يحسسسوه بجو البيت وطمأنينته والله ترى الحالة النفسية تلعب دور كبير بالشفاء ولاتخليه تحت رحمة السسترات بالمستشفى ترى اغلبهم ما في بقلوبهم رحمة وانت واولادك بتكوني احن عليه والله يعينك ويصبرك انا ما اقولك ان هذا سهل لا والله جهاد ومن باب اني مجربة الشئ هذا مع جدتي وفيه شئ ابغى اقولك اياه انا كنت اشوف عمتي بين الفترة والثانية كانت تدهن جدتي بزيت زيتون مع الفلفل الاسود المطحون جديد عشان يكون حار ويفك الجلطة وكانت تجيب لها ممرخة تمرخها وجدتي والله انها انجلطت 5 مرات وبهذا العلاج كانت تقوم ما شاالله ولا فيها شئ
اله يشفي لك زوجك الله يشفي لك زوجك ويرجعوا لك ولاولادكم بالسلامة ولا تقطعينا وطمنينا عن اخبارك واخبار زوجك اله يشفيه