والله ياختي وانتي توصيفين كانك توصفين زوجي الله يحفظة
نفس التفكير والطباع بس لما شاني متلهفة على العيال ما استخدمنا اي مانع بس كان يتمنى ان اتاخر في الحمل طبيعي من الله ولكن الحمد لله ابدا ما اتاخرت 3شهور بعد الزواج وحملت بتوأم بنات الله يخليهم قالي بس خلينا اربيهم ونعتني فيهم وبعدين انفكر في الثالث بس الله رزقنا وما شفت نفسي الا حامل وجبت ولد بعد 2ونص من البنات الحين يقول خلاص الحمدلله ومن ناحية المعاملة بالعكس هو اللي شال العيال ورباهم معاي يسهر الليل اذا احد فيهم مرض وما ينام الا بعد ما ينامون صراحة ابد ما اتغير معاي بالعكس حسيت انو صار احبني اكثر والعيال اقربون ما يبعدون وبعدين كل ما يشوفك تعبانة يقرب منك ويحاول اخفف عنك دام هو احبك



فلا تخافين من العيال وظلي دافعي عن حقك

أنا رأيي انك تخلينه على راحته واستغلي الفرصه هذي انبسطي بحياتك قد مااااااتقدرين عشان لو بكره جبتي عيال وانكبت عليك المسؤوليات بتحنيين لهالأيام الحلوه ... لاتنسين ان العيال مسؤولية العمر كللله .. بس أهم شي تتأكدون من سلامتكم وأن ماعندكم أي مشاكل تعيق الإنجاب ...الله يحفظكم من كل شر ..

الله يسعدك دووووووم يارب وكل المسلمين والمسلمات ..

الله يسعدكم ويرزقكم الذرية الصالحة

خواتي حبيباتي اخواني الافاضل الله يجزاكم خير وينولكم اللي في بالكم ماتصدقون شكثر كلامكم اثر فيني
وانا بالنسبه لي خلاص والله اخذ عهد على نفسي اني مااكلمه خصوصا بعد اللي صار امس!!!

تعالوا اقولكم وش صار امس .

امس قبل صلاة العشاء قال خلينا نروج لجدتي اليوم وناخذها معانا نحضر الدرس ((فيه درس يقدمه احد الشيوخ الله يجزاه خير كل يوم سبت بعد صلاة العشا)) بعدها رحنا وصلنا جدته وهي انسانه جدا محترمه قليلة الكلام وحكيمه وهو يحبها كثير ويستشيرها بكل حاجه وهي بعد تموت فيه المهم قلت هذي فرصتي بس وصلنا بيت جدته كلمتها وقلت لها ياجده كذا وكذا وابغى اطفال وطبعا هذي مااول مره اكلمها المهم بعد شوي هو دخل علينا كان تقوم جدته قالت تعال ياووووولد هو حس كان يبي يهرب قالت اقولك تعال كان يجي وهو منزل راسه وطبعا حس اني كلمتها ويطالعني ويضحك المهم قالها امري ياست الحسن يا ياااااااااا ياااااااااا وصار يمدح بجدته طبعا هو اكبر نصاب بالعالم مايخلي احد يزعل منه ((قلت بقلبي طاحت جدته الحين)) المهم كلمته وقالت خلص نبغى نشوف ضناك وكذا وهو جلس بيني وبين جدته وامه موجوده واخته بعد كان يقوم النصاب ويمسك خدودي ويقول لجدته حلفتك باله حلفتك بالله هالوجه هذا الطفولي ((وبعدين حط يده على بطني)) وهالبطن الزغنطوطه هذي ممكن تخلف هذي اصلا طفله زغنونه هذي اصلا تبغى مين يرعاها اصلا انا مااتخيل انها تحمل وتجيب عيال هذي بيبي وووووووووووووووووووووووووووووووووووووووووووووومن هالكلام اللي نصب بنصب طبعا انا اعترف اني بلحظتها طحت واعترف انه لو قال بهذيك اللحظه انه مايبغى عيال بحياته اقوله تم ههههههههههه لانه نصاب ياناس وربي مااقدرله اعتررررررررررررررف مااقدرله,,, المهم جدته قالت له خلص يانصاب بكيفك بس راح تندم ..كان يقلب على جدته لا يالغاليه اني الغلا وانتي الحلا وانتي وانتي وانتي وماخلا كلمة مديح ....باختصار هذا نصاب عالمي لذالك انا خلص والله ماراح انكد عليه مسيره هو يجي ويطلب مني

وبالنسبه لكم يارب انه يوفقك كل شخص فيكم ويخليلكم كل غالي ويجعل ايامكم كلها فرح وسعاده
والف الف شكر لكل من نصحني وبصراحه كلماتكم كان لها وقع على تصرفي معاه على الاقل قدرت
ارسم خطوط عريضه لعلاقتي المسقبليه معاه.
ومره ثانيه الف شكر لكم

اول شي اختي اقول لك ..ما شاء الله تبارك الله ...والله يوفقك لما فيه الخير
ومسألة الانجاب هذا شي عند الله حتى لو اعتقدنا عبثاً اننا نمتلك الاسباب ، لكن مو هذا المهم ..
المهم انا من زمان كنت خايف عليكي كنت قريت لك موضوع لكن مدري ليش مارديت عليكي , انصحكي اختي انك تتكلمي عن مشكلتك وبس >>يعني لا تعطين الناس تفاصيل زيادة قد تكون لاتفيد في حل المشكلة ....لأن العين حق>>>طيب حنا بعالم افتراضي >>معاكي بس الامور هذي ماتعرف نت ولاغيرة وبعديـــــن ليه المغامرة ,,

ختاماً : الله يوفقكم لما فيه الخير وحصنتكي بلا اله الا الله
اخوك /عاقل بن فاهم

ولد وايـــــــــــــــل

ماشاء الله عليك ياخوي اسم على مسمى
وبنفس الوقت اقدر خوفك علي كأخ والشكر بعد موصول
لاختي ام حمزه اللي ذكرتني قبل بهالنقطه ولكن الله يشهد ياخوي
غايتي من الشرح هو فقط علشان تتعرفون على جوانب شخصيتي انا وزوجي واهله
على اساس تكون الصوره واضحه للحل لا اكثر وقبل شوي قريت رد وحده من الاخوات الله يحفظها قالت هو يفضل الجنس على نعمة ربه وانا متاكده انها لم تقرا مواصفات زوجي لانه بالفعل شخص يخاف الله كثير والى يومنا هذا محافظ على دروس المسجد شاهدي انه رغم كل الشرح ولاتزال الصوره غامضه.المهم هذا اللي حبيت اقوله من غايته بالاسهاب بالشرح ولكن الحمدلله على كل حال احمد واشكره ياخوي لان رب العالمين يستاهل الحمد اللي وفقني بزوج واهل زوج بصراحه ماكنت احلم فيهم ...ومره ثانيه اقول الله يوفقك وينولك اللي في بالك ويجعل لك في كل خطوه وسلامه ويفتحها بوجهك وين ماتروح .

بس فيه عندي سؤال محيرني بصراحه ليه مركزين كثير على موضوع العين يعني انا اعررررف كثيررررر كثيرررررررررر زوجات وازواج عايشين مع بعض احلى عيشه ودايما حياتهم هناء وسعاده وبالنسبه للمشاكل تصير يعني ولكن بحدود...اما اذا تقولون قليل فبصراحه انا اشوفها كثير هنا في المنتدى بس لان المنتدى ماجاء علشان يطرح ((اللاحلول)) المنتدى مختص بالمشاكل فلا يجب ان نعمم تجربة المشاكل بالمنتدى على اغلب حياة الناس .....خلونا نشجع العزوبيات والعزاب عسى الله يوفقهم.

كلمه اخيره..مافي احلى من الزواج اذا كان فيه تكافؤ الطرفين...وتفاهم بس بس بس

كل ممنوع مرغوب
إذا شاف زوجك إلحاحك راح يرفض
وإذا طنشت موضوع الأولاد وتناسيتيه
راح يطالب فيهم

جربي هذا الأسلوب يمكن ينفع معه

والله يوفقكم دنيا وآخره

تقبلي مروري السريع[/b][/b][/b]

الله يسعدكم ويرزقكم الذريه الصالحه

انا خطيبى على فكره كان شرط عليا بعد الجواز مفيش خلفه إلا بعد سنتين
عشان نعيش حياتنا مع بعض
لكن تخيلى غير رايه دلوقتى
عشان انا بحب الاطفال جدا
وهو من حبه ليا بصراحه مابيرفضليش طلب ربنا يخليه ليا
ويقرب مابينا ولا يبعدنا عن بعض ابدا ويبعد عنا العين
لان العين دى سببت مشاكل مابينا الله واعلم هاتتحل امتى
اختى خدى بالك الحسد ذكر فى القرآن
وانا حياتى الان شبه مدمره مع خطيبى بسبب الحسد
ادعيلى ارجوكى

__________________

اخوي مهندس العلاقه

اختي همساااااااااااااااااااااااااااات

اختي المصريه

جزاكم الله خير على دعائكم ونصحكم

الله يقدرني على الصبر بس اللهم امين