السلام عليكم ورحمه الله وبركاته

مشورتكم يالغالين انا ان شاء الله بتقدم لوحده ولكن والله احس انها كبيره !! ادري بتقولون عمرها صغير بس للاسف انا عندي كبيره انا عمري 26 سنه ورغبتي بوحده عمرها مايتجاوز العشرين لاني بصراحه حتى 22 حلو بس 24 احس انها شوي وصلت عمري يعني مادري عنكم تشورون على بالصغيره 19 -20 او 24 و25 لاني محتار بقوووووه


تحياتي

تنبيه: الرجاء الكتابة باللغة العربية الفصحة والابتعاد عن اللهجات العامية والمحلية

والله ياخوي انا احس اهم شي البنت واخلاقها

بس شكلك مقتنع بالعمر

يعني يمكن يأثر على علاقتكم بعد الزواج الا اذا غيرت قناعتك

والله يكتبلك الي فيه الخير

ويرزقك بالعروس الي تسعدها وتهنيها وتسعدك وتهنيك

دنيا وآخره

ما أدري

الله يكتبلك اللي فيه الخير

بس مو كل شي العمر

مرات تاخذلك وحدة ب 19 و الا 20 و ما تتفاهم معها !!

و مرات اللي 24 تكون قريبة منك و تحسسك بالسعادة أكثر

و يكون بينكم تفاهم واضح !!

الله يكتبلك الخير يارب

طيب انتم وش رايكم بالنسبه للعمر 24 او 25 هل يعني تكون اعقل وافهم من الصغيره الي عمرها 19 او18؟؟؟ واذا كانت الاكبر اعقل واثقل بس الصغيره هي المتعه يعني متعه الزواج كله لاني بصراحه بقولها وعلى بلاطه انا ابي بنت صغيييييييره وافهموها !!!

عليكم السلام ورحمة الله وبركاته اخى فى الله فهمنا للحين انك تبغى بنت صغيرة لكن السن مو مقياس لجلب المتعة او السعادة بل العكس الصغيرة ماتفهمك ممكن تحتاج عدة سنوات ايضا الكبيرة ليست مقياس للمتعة او السعادة من الاخر التوفيق من الله والرسول صلى الله عليه وسلم اوصنا بذات الدين اظفر بذات الدين تربت يدااااااااااااااااااااااك وادعو الله ليك ولابنائى بالتوفيق من الله بالزواج السعيد

اسمح لي اخوي قد نكون كلاماتي قاسية عليك ...

يعني الحين المفروض الشباب اللي كبار ف السن ياخذون البنات الكبار ... مب ياحذون البنات الصغار .. لانه هالبنت الحين صغيره وانتي تقول عنها كبيره عيل عقب كم سنه شبيقولون بافي الشباب !!

اخوي بارك الله فيك اذا كل واحد بيفكر في نفسه وماراح بفكر بالمجتمع ماراح تقدر نتجاوز اي مشكله في المجتمع


انا ماقول حتى لو مب مقتنع فيها روح واخطبها وعذبها معاك .. لا بس القصد انه لاتفكر تاخذ الصغيره وتخلي الكبار ... يعني من بياخذ البنات الكبار !!

المطلق ... المتزوج !!

فيهم الخير ... لكن لاتنسى انك انت الاولى ...

عموما اخوي استخير ولاتحط السن كشرط ... وتوكل على الله والله ييسر لك الحير ان شاء الله

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

سبحان الله
اخوي كان يحن علينا يبي وحده بعمره او اكبر بس مب اصغر منه حتى لو بسنه

اخوي لو انك مفكر ان الكبيره عاقله و الصغيره هي المتعه فأنت غلطان

زوجة اخوي اكبر منه بسنتين و اللي يشوف حركاتها يقول توها بيبي و الحمد لله مستانس معاها

و انا اصغر من زوجي ب4 سنين اتزوجت و عمري 19 بس عاقله و رزينه

وعن المتعه ، المتعه موجوده في الكبيره و الصغيره

و حراااااااااااااااام عليك البنيه اصغر منك بسنتين و تقول كبيره!!

يعني بتاخذ لك ياهل تربيها على قولة اخوي

انت شوف الشخصيه و الاخلاق و خل عنك العمر و اذا حسيته بيأثر عليك

خل بنت الناس عند اهلها و بيجيها اللي يستاهلها

__________________

انا خطيبى أكبر منى بى 24 يوم بــــس

__________________

السلام عليكم


أخي شوف اللي يريحك


كل شخص له وجهة نظره

بالنسبة للصغيرة

1- البعض يقول أن الصغيرة لم يتعلق قلبها بشي وتكون انت قد دخلت حياتها فتكون كلشي لديها وتشكلها كيف تشا عقلها غض وطري


2- البعض الاخر يقول انها صغيرة ولا تستطيع أ تتحمل أعباء المنزل والحمل والعناية بالاطفال خاصة بنات اليوم فيقولون خلها تدخل بحر العشرين


أما بالنسبة للي فوق 22 : نفس النقاط اللي فوق ولكن بالعكس



فأنت أهم شي تسأل عن البنت كيف دينها وأخلاقها وتدبيرها في المنزل وشخصيتها إن أعجبتك فتقدم لها سواء كانت صغيرة أو كبيرة أهم شي تعجبك


فأحيانا تأخذ كبيره ولكن جمال روحها وحبها لك تراها وكأنها لم تتجاوز العشرين


ولا تفكر في متعة ساعة وتنسى أنها عشرة سنين

افاااااا بس افاااااا ^_^ عموما ماقصرتي رأيك اخذه بعين الاعتبار ان شالله


تحياتي للبقيه